ایمز ٹی وی((کراچی )لانڈھی نمبر چار میں متحدہ قومی موومنٹ اور مہاجر قومی موومنٹ کے کارکنان آمنے سامنے آگئے۔ ایم کیو ایم کے رہنما آصف حسنین کارکنان کی بڑی تعداد کے ساتھ لانڈھی تھانے پہنچے تو مہاجر قومی موومنٹ کے کارکنان سے ٹکراؤ ہو گیا۔ علاقہ گولیوں کی گھن گرج سے گونج اٹھا۔ دونوں تنظیموں کے درمیان تصادم کے نتیجے میں 3 افراد زخمی ہو گئے۔ ایس ایس پی کورنگی کے مطابق دونوں تنظیموں نے واقعے پر درخواستیں
جمع کرا دی ہیں۔ قانون کے مطابق شر پسند عناصر کے خلاف کارروائی کی جائیگی۔ متحدہ، مہاجر قومی موومنٹ اور پولیس کے درمیان کامیاب مذاکرات کے بعد مظاہرین منتشر ہو گئے۔