ایمزٹی وی(تعلیم)وزیر مملکت تعلیم و پیشہ ورانہ تربیت انجینئر محمد بلیغ الرحمن نےاعلیٰ تعلیم کی نئی ترقی سے متعلق اجلاس کی صدارت کرتے ہوئے ایچ ای سی کو ہدایت کی کہ طلبہ کو بیرون ملک اسکالر شپ، غیرملکی یونیورسٹیوں کی ایکریڈیشن اور معلومات پر مبنی نئی ویب سائٹ بنائے ۔ اس موقع پرچیئرمین ایچ ای سی ڈاکٹر مختار احمد نےاسکالر شپ پروگرام اور فراہم کردہ سہولیات پر بریفنگ دی اور بتایا 2009ء سے 2654طلباء کو اسکالر شپ پروگرام کے تحت باہر بھیجا گیا، وزیر مملکت نے چیئرمین ایچ ای سی سے کہا نئی ویب سائٹ پر تمام معلومات فراہم کی جائیں جو طلباء کے اسکالر شپ کی دستیابی اور بیرونی یونیورسیٹیوں سے ایکری ڈیشن پر مشتمل ہوں۔ تمام سفارتخانوں کو خطوط ارسال کریں کہ وہ بین لاقوامی طلباکواسکالرشپ کی دستیابی سےمتعلق معلومات فراہم کریں ۔ چیئرمین ایچ ای سی نے کہا مطالعہ کا پروگرام شروع کیا جس میں ان علاقوں کی شناخت کی جائے گی جہاں پی ایچ ڈی کی ضرورت ہے ۔ مثلاً ٹیکسٹائل ، کھیل ، لاجسٹک نقل و حمل اور سپلائی چین جیسے شعبوں میں ماہرین کی ضرورت ہے۔