ایمز ٹی وی (کراچی) کالعدم تنظیم کی جانب سے ایم کیوایم رابطہ کمیٹی کے گیارہ ارکان کوبھتے کی پرچیاں موصول ہوئیں ہیں۔ رابطہ کمیٹی کےہررکن سے 5 سے 25 لاکھ روپے بھتہ مانگا گیا ہے۔ کالعدم تنظیم نے ایم کیو ایم رابطہ کمیٹی کے ارکان کو بھتے کی عدم ادائیگی پر سنگین نتائج کی دھمکیاں بھی دی ہیں۔ رابطہ کمیٹی کے جن ارکان کو بھتہ کی پرچیاں بھیجی گئی ہیں ان میں خالد مقبول صدیقی، حیدرعباس رضوی، بابرغوری، نسرین جلیل، رشید گوڈیل بھی شامل ہیں۔ اس سلسے میں ایم کیو ایم کے رہنما فاروق ستار نے پریس کانفرنس کرتے ہوئےکہا کہ پارٹی رہنماؤں کو مسلسل دھمکیاں دی جا رہی ہیں۔ فاروق ستار نےیہ بھی کہا کہ ایم کیوایم کو سیاسی سرگرمیاں بند کرنےاورنظریات کے پرچار سے روکا گیا ہے۔ دھمکیاں ملے ایک ماہ گزر گیا لیکن کسی نے کوئی رابطہ نہیں کیا۔ نائن زیرو پر حملے کی دھمکی سے بھی اعلیٰ حکام کو آگاہ کر دیا ہے ۔ انھوں نے کہا کہ ہمارے لیے کیے گئے سیکورٹی انتظامات قطعی غیر تسلی بخش ہیں۔ دہشتگردی کے واقعے کے بعدعوامی ردعمل کے ذمہ دارہم نہیں ہوں گے۔ ایم کیو ایم رابطہ کمیٹی کا کہنا ہے کہ طالبان کےخلاف پرچار سے باز رہنے کی دھمکیاں دی جا رہی ہیں۔ دہشت گرد تشدد کے ذریعے اپنی مرضی مسلط کرنا چاہتے ہیں۔ اس موقع پر بابرغوریکا کہنا تھا کہ لندن میں الطاف بھائی کو طالبان کیخلاف بولنے سے روکنے کیلئے کہا گیا ہے اور اس حوالے سے لندن پولیس کو بھی آگاہ کیا گیا ہے۔

ایمز ٹی وی (ملتان) cجاوید ہاشمی نے کہا ہے کہ سانحہ قاسم باغ پرمیرااورعمران کا موقف ایک ہے،سانحہ قاسم باغ میں چار اموات اسٹیج پر جبکہ تین یا اس سے زائد گیٹ پر بھگڈرسےہوئیں۔ جوڈیشل کمیشن سے نہ صرف حقائق عوام کے سامنے آئیں گے بلکہ آئندہ اس طرح واقعات رونما نہیں ہوسکیں گے۔ جاوید ہاشمی کا کہنا تھا کہ 16اکتوبر کو ضمنی الیکشن ہرحال میں ہوگا،این اے 149 کے الیکشن میں اگرامیدوار چاہتے ہیں تو حساس پولنگ اسٹیشنز پر فوج بھی تعینات کی جائے۔انھوں نے کہا کہ شاہ محمود قریشی کا اس حلقےکےالیکشن کےحوالےسےیو ٹرن لیناعمران خان کی پالیسی کا تضاد ہے، یہ الیکشن میرے حق میں حلقے کے عوام نے لکھ دیا ہے۔ جاوید ہاشمی نے کہا کہ پالیمانی نظام کو تباہ کر نے کے لئے بھرپور ہتھیار استعمال کئے جارہے ہیں اور پالیمنٹ کے گیٹوں پر ڈنڈا بردار لوگ بیٹھنےکی وجہ سےساٹھ دن سے وزیراعظم اور اراکین پچھلے گیٹوں سےپارلیمنٹ ہاوس آرہےہیں۔ جاوید ہاشمی کا کہنا تھا کہ عمران خان اپنے بڑے جلسوں کا سلسلہ جاری رکھیں کیو نکہ اس طرح حکومت پر پریشر بڑھے گا اور حکومت اپنی کارکردگی بہتر کرے گی۔

ایمز ٹی وی(بلوچستان)ہیومن رائٹس کمیشن آف پاکستان نے بلوچستان میں مذہبی شدت پسندی میں اضافے پر تشویش کا اظہار کرتے ہوئے کہا ہے کہ ایک منصوبہ بندی کے تحت مذہبی شدت پسندی کے لیے جگہ پیدا کی جارہی ہے۔ کمیشن کے ایک فیکٹ فائنڈنگ مشن نے بلوچستان کی صورتحال کا جائزہ لینے کے لیے کوئٹہ اور تربت کا دورہ کیا۔اس دورے کے دوران مشن کے اراکین نے زندگی کے مختلف طبقات سے تعلق رکھنے والے لوگوں سے ملاقاتیں کیں-اس دورے کے دوران مشن کے اراکین کو یہ بتایا گیا کہ ان واقعات میں اگرچہ بلوچستان کے بعض علاقوں میں کمی آئی ہے تاہم بعض علاقوں میں اضافہ بھی ہوا ہے۔ینھوں نے مزید کہا کہصوبے میں مذہبی شدت پسندی بڑھ رہی ہے اور کالعدم مذہبی جماعتوں کو موقع دینے کی کوشش کی جارہی ہے تاکہ کہ وہ یہاں پر اپنی جڑیں قائم کرسکیں اور فرقے کی بنیادپر لوگوں کو ٹارگٹ کرنے کا سلسلہ جاری رکھ سکیں۔‘’بلوچستان کے حوالے سے یہ ایک تشویشناک بات ہے-اس موقع پر ہیومن رائٹس کمیشن آف پاکستان بلوچستان چیپٹر کے سربراہ سردار طاہرحسین ایڈوکیٹ نے بتایا کہ کمیشن کے پاس گزشتہ پانچ سال کے دوران لوگوں کی نقل مکانی کے بارے میں جو ڈیٹا ہے اس کے مطابق ان میں ایک لاکھ آباد کار، دولاکھ ہزارہ اور اہل تشیع سے تعلق رکھنے والے لوگ اور دس ہزار ہندو کمیونٹی کے لوگ شامل ہیں۔

ایمز ٹی وی (فیصل آباد) فیصل آباد میں جلسے سے خطاب کرتے ہوئے پاکستان عوامی تحریک کےسربراہ طاہرالقادری نے کہا ہے کہ نہ تو میں سرمایہ دار ہوں اور نہ ہی میری جاگیریں ہیں اس لیے انقلاب کے لئے عوام کو مالی مدد کرنا ہوگی، انھوں نے کہاکہ مجھے اسٹیبلشمنٹ کی بھی مدد حاصل نہیں ہے لہذا عوام مجھے ووٹ، سپورٹ اور نوٹ دیں تو میں انہیں قائد اعظم کا پاکستان واپس لوٹا دوں گا۔ ملک کا نظام بدلنے کےلئے ہر شہری کو کھڑا ہونا ہوگا۔ طاہرالقادری کا کہنا تھا کہ میرا جرم صرف یہ ہے کہ میں نے غریبوں کے حق کی بات کی، ملک میں ہر غریب کو روٹی، کپڑا، مکان، معیاری علاج اور یکساں تعلیم معیار دینے کی بات کی لیکن حکمرانوں نے غریبوں کی آواز بلند کرنے کے الزام میں ماڈل ٹاون میں قیامت برپا کردی۔ طاہرالقادری نے کہا کہ 60 سالوں میں کوئی بھی حکومت ملک کو قرضوں کی لعنت سے نجات نہیں دلا سکی، انہوں نے کہا کہ 14 اگست سے اسلام آباد میں دھرنا دیا ہے جس سے حکومت تو نہیں گری لیکن انقلاب برپا ہوگیا ہے اور اب یہ انقلاب پورے ملک میں آکر رہے گا۔ انہوں نے کہاکہ کمزورطبقات اب انقلاب کے لیےکھڑے ہوگئے ہیں جو اپنے حقوق کے لئے طاقت ور سے لڑنے کےلئے تیار ہیں، ملک سے موجودہ نظام کے خاتمے کےلئے ہر شخص کو کھڑا ہونا ہوگا پاکستان میں اب یہ جعلی جمہوریت برقرار نہیں رہ سکتی اگر ملک میں موجود نظام حکومت رہا تو پاکستان کی کشتی ڈوب جائے گی۔ خطاب کے دوران انہوں نے کہا کہ 2 سال میں پورے ملک سے بجلی کی لوڈشیڈنگ ختم کردی جائے گی اور میرے پاس بجلی کی لوڈشیڈنگ سے نجات کا حل ہے جو مینار پاکستان پر ہونے والے جلسے میں بتاؤں گا۔ طاہرالقادری نے کہا کہ ان کی حکومت آئی تو نہ صرف فیصل آباد، ملتان اور سرگودھا کو الگ صوبہ بنائیں گے بلکہ سرایئکیوں سمیت تمام عوام کی خواہشات کے مطابق مزید صوبے بنائے جایئں گے اور عوام کی سہولت کے لئے ہر ضلع میں ہائی کورٹ بنائیں گے تاکہ لوگوں کو اپنے مقدمات کے لئے دور نہ جانا پڑے۔ اب پورے پاکستان میں دھرنے دیں گے جس کی تاریخ کا اعلان بعد میں کریں گے۔

ایمز ٹی وی (کراچی) سماجی رابطے کی ویب سائٹ ٹوئٹرپرپیپلزپارٹی کےچیئرمین بلاول بھٹوزرداری نےکہاہے کہ ملالہ پرپاکستان کوفخرہے۔ بلاول بھٹو زرداری نے اپنے پیغام میں گل مکئی ملالہ یوسفزئی کے ہمت و حوصلے کی داددی ہے۔انھوں نے کہا کہ بزدل لوگ ملالہ یوسفزئی کا نام نہیں لے سکتے، ملالہ نے نوبل انعام جیت کرملک کا نام روشن کیاہے۔ پاکستان کو ملالہ یوسف زئی پر فخرہے۔ بلاول بھٹو زرداری نے اپنے ٹوئٹ میں ایک بار پھر وضاحت کرتے ہوئے کہا کہ پاکستان پیپلزپارٹی لاشوں کی سیاست نہیں کرتی۔

ایمز ٹی وی (جھنگ) سیلاب سے متاثرہ جھنگ کے علاقے جنڈیانہ کے دورے کے موقع پر متاثرین سے خطاب کرتے ہوئےوزیر اعظم نوازشریف نے کہا ہے کہ جھنگ کا علاقہ جنڈیانہ سیلاب میں سب سے زیادہ متاثر ہوا۔ متاثرین جس مشکل سے گزرے ہیں ان کے جذبات کا احساس ہے۔ سیلاب متاثرین کی مدد ہمارا فرض ہے، ہرشخص کا نقصان پورا ہوگا، شہباز شریف اس علاقے میں 5 باراور میں دوسری دفعہ آیا ہوں۔ سیلاب متاثرین کو پہلی قسط کی ادائیگی شروع کر دی ہے۔ وزیر اعظم نے بتایا کہ پاکستان کے تمام ہیلی کاپٹر سیلاب متاثرین کی منتقلی اور بحالی کیلئے وقف کر دیئے ۔ تمام سیلاب سے متاثرہ علاقوں میں بلا تاخیرامدادی سامان پہنچایا گیا۔ وزیر اعظم نواز شریف نے کھیوہ کے سکول کو کالج کا درجہ دینے کا بھی اعلان کیا ہے، انھوں نے کہاکہ حکومت کا سیلاب متاثرین پر کوئی احسان نہیں، یہ ہماری ڈیوٹی ہے، سیلاب متاثرین کی مکمل بحالی تک چین سے نہیں بیٹھیں گے۔

ایمز ٹی وی (لاہور) قومی ایئر لائن کی پرواز پی کے 302 کراچی سے براہ راست لاہور متحدہ عرب امارات جانے والی تھی کہ لاہور کے قریب طیارے سے پرندہ ٹکرا گیا جس سے طیارے کے انجن کو نقصان پہنچا، پائلٹ نے مہارت کا ثبوت دیتے ہوئے طیارے کو بحفاظت لاہور ایئرپورٹ اتار لیا جبکہ مسافر بھی محفوظ رہے۔ حادثے کے باعث پرواز 4 گھنٹے تاخیر سے اپنی منزل کو روانہ ہوئی۔

ایمز ٹی وی (کراچی) وزیر اطلاعات سندھ شرجیل میمن نے سماجی رابطے کی سائٹ ٹویٹر پر لکھا کہ پی ٹی آئی کے ڈپٹی سیکریٹری عمران اسماعیل نے آن ائیر اعتراف کیا کہ ملتان سانحہ کی وجہ تحریک انصاف کی انتظامی کمیٹی کی بد انتظامی تھی جبکہ چئیرمین تحریک انصاف حکومت پر الزام لگا رہے ہیں۔ انہوں نے کہا شاہ محمود قریشی نےبیان دیا کہ حکومت نے سٹیج سےسیڑھیاں ہٹائیں، میڈیا صبح سے سٹیڈیم میں موجود تھا، کسی چینل کے پاس ایسی فوٹیج ہے توسامنےلائے۔

ایمز ٹی وی (پشاور) ملک میں پولیو وائرس کے مزید چارکیسزمنظرعام پرآئے ہیں، نئے پولیو کیسز میں ایک خیبر ایجنسی، دو پشاور جب کہ ایک شیخوپورہ سے رپورٹ ہوا ہے، جس کے بعدرواں سال فاٹا میں کل پولیو کیسز کی تعداد 136 ہوگئی ہے۔ خیبر پختونخوا میں رواں سال 42، سندھ 19، پنجاب3 اور بلوچستان میں 6 کیسز سامنے آئے ہیں۔ جس سے رواں سال پولیو کیسز کی تعداد دوسو چھ ہو گئی ہے۔

ایمز ٹی وی (لاہور) لاہور ایئرپورٹ پرمیڈیا سےبات کرتے ہوئے سابق وفاقی وزیرداخلہ رحمان ملک کا کہنا تھا کہ اگر دھرنے ختم ہوجاتے تو ملتان میں 8 افراد نہ مرتے، اس واقعے کی عدالتی تحقیقات ہونی چاہیےجو بھی ذمہ دار ثابت ہواس کے خلاف کارروائی کی جائے۔ رحمان ملک نے مزید کہاکہ پیپلز پارٹی کی سیاست کا محورعوام ہیں،ہم کسی فرد کے ساتھ نہیں بلکہ جمہوریت کے ساتھ کھڑے ہیں، پیپلز پارٹی چاہتی ہے کہ نواز شریف کی حکومت اپنے 5 سال پورے کرے اور آصف زرداری بھی وسط مدتی انتخابات کی حمایت نہیں کرتے،انھوں نے کہا کہ پاکستان کے اگلے وزیراعظم بلاول بھٹوزرداری ہوں گے، جب بھی انتخابات ہوں گے تو لوگ دیکھ لیں گے پیپلز پارٹی کتنی اکثریت حاصل کرتی ہے،ان کا کہنا تھا کہ پیپلز پارٹی اور ایم کیوایم کو مل کرکام کرنا چاہئے، الطاف حسین اچھے انسان ہیں وہ معاملے کو ٹھنڈا رکھنا چاہتے ہیں،سیاست میں کسی کوبیان دینےسےنہیں روکا جاسکتا۔وہ عمران خان سے اپیل کرتے ہیں کہ اس کی پارٹی کے اندر بھی تحقیقات کرائیں، اس بات کی تفتیش ہونی چاہیئے کہ ملتان میں پیش آنے والے واقعے میں حکومت کی غفلت تھی یا تحریک انصاف کی کوتاہی کی وجہ سے یہ واقعہ ہوا۔