ایمزٹی وی(اسلام آباد)ملک بھر میں عید الاضحیٰ کے تیسرے روز بھی سنت ابراہیمی کی اتباع میں اللہ تبارک و تعالیٰ کی خوشنودی اور رضا کے لئے جانوروں کی قربانی کا سلسلہ جاری ہے۔ جن افراد نے عید کے پہلے اور دوسرے روز قربانی کی ان کے ہاں مہمانوں کی آمد اور طرح طرح کے پکوان بنائے جا رہے ہیں۔

یہ خبر بھی پڑھیں

دوسری جانب حکومت کی جانب سے اعلان کردہ سرکاری تعطیلات بھی ختم ہو چکی ہیں جس کے بعد اسکول اور دفاتر بھی کھل چکے ہیں لیکن عید کا تیسرا روز ہونے کے باوجود اسکولوں اور دفاتر میں حاضری معمول سے بہت کم ہے۔

ایمزٹی وی (تعلیم)عید کی سرکاری چھٹیوں کے بعد ملک بھر میں تعلیمی ادارے اور دفاتر کھل گئے ہیں تاہم عید کا تیسرا روز ہونے کی وجہ سے حاضری معمول سے کم ہے۔
تفصیلات کےمطابق حکومت کی جانب سے دی گئی عید کی تعطیلات ختم ہونے کے بعد نجی اور سرکاری دفاتر بھی کھل گئے ہیں تاہم تعلیمی اداروں کی طرح سرکاری دفاتر میں بھی حاضری معمول سے کم ہے جب کہ ملازمین کی اکثریتنے اتوار تک چھٹیاں منانے کے لئے جمعرات اور جمعہ کی چھٹی لے لی ہے۔

واضح رہے کہ حکومت نے رواں برس عید الاضحیٰ پر 3 سرکاری تعطیلات کا اعلان کیا تھا جس میں سے ایک روز حج اور دو روز عید کے لئے رکھے گئے تھے۔

ایمزٹی وی(صحت)سائنس دانوں نے ایسی دوا بنانے کا دعویٰ کیا ہے جس کی محض ایک خوراک سے ملیریا وائرس کا علاج ممکن ہے۔ تفصیلات کے مطابق امریکی یونیورسٹی ایم آئی ٹی اور ہارورڈ یونیورسٹی کے ماہرین کی مشترکہ تحقیقاتی ٹیم نے ایک ایسا اینزائم تیار کیا ہے جس نے جسم میں بڑھنے اور نظامِ خون میں شامل ہونے سے پہلے ہی جگر میں موجود ملیریا کے جراثیم پر حملہ کر کے اسے نیست و نابود کر دیا۔

محققین پرامید ہیں کہ آئندہ برسوں میں ملیریا وائرس کے مقابلے کے لیے بہتر دوا تیار کی جا سکتی ہے۔ اس نئی دوا کا کیمیکل کمپاؤنڈ ملیریا کے جسم میں خون کے بہاؤ کے ساتھ پھیلنے سے پہلے جگر میں ہی بیماری کے جراثیم سے مقابلہ کرتا ہے۔ محققین کا کہنا ہے کہ مذکورہ دوا کی ایک خوراک کے استعمال سے ایک ماہ کے اندر ملیریا کے انفیکشن سے نجات ممکن ہے تاہم دوا کا تجربہ ابتدائی طور پر چوہوں پر کیا گیا ہے۔ بل اینڈ میلنڈا گیٹس فاﺅنڈیشن نے تحقیق کیلئے مالی معاونت فراہم کی۔

خیال رہے کہ مچھروں کے کاٹنے سے انسانوں میں ملیریا پھیلتا ہے۔ ایک اندازے کے مطابق دنیا کی نصف آبادی کو ملیریا ہونے کا خدشہ ہے۔ عالمی ادارہ صحت کے مطابق صرف 2015ءمیں ملیریا کے تقریباً ساڑھے اکیس کروڑ نئے کیسز سامنے آئے ہیں جن میں چار لاکھ 38 ہزار افراد مر گئے

ایمز ٹی وی(پشاور) جماعت اسلامی کے پی کے ،کے امیر مشتاق احمد نے کے پی کے میں رواج ایکٹ کی مکمل طور پر مسترد کرتے ہوئے فاٹا میں شریعت ریگولیشن نافذ کرنے کا مطالبہ کر دیا ۔یہ مطالبہ انھوں نے المرکز اسلامی پشاور میں پریس کانفرنس میں کیا ۔ انھوں نے ایک سوال پر کہا کہ 2018تک فاٹا کے تمام مسائل حل کئے جائیں ۔بینک آف خیبر کی غیر مشروت معذرت پر جماعت اسلامی اور صوبائی وزیر خزانہ سرخرو ہوئے ہیں ۔

ایمزٹی وی(پشاور)پشاومیں مقیم افغان مہاجرین عیدالاضحی سعودی عرب کے ساتھ منا رہی ہے ۔ مہمند ایجنسی اور خیبر ایجنسی کے بعض علاقوں میں بھی نماز عید ادا کی گئی ۔

پشاور میں مقیم افغان مہاجرین نے شمشتو کیمپ کے بڑی جامع مسجد میں عیدالاضحی کی نماز عید ادا کی نماز عید کے لئے افغان مہاجرین کی بڑی تعداد آئی تھی ۔

نماز عید کے موقع پر نمازیوں نے پاکستان اور افغانستان میں قیام امن کے لئے خصوصی دعائیں مانگی ۔ نماز عید کے بعد سنت ابراہیمی بھی ادا کی گئی ۔
اسی طرح مہمند ایجنسی اور خیبر ایجنسی کے بعض علاقوں میں بھی عید منائی گئی ۔ پشاور میں ایک بار پھر دو عیدوں کی روایت برقرار رہی ۔ جب کہ ملک بھر میں کل عیدالاضحی منائی جائے گی ۔

ایمز ٹی وی (کوئٹہ) بلوچستان کی وکلا تنظیموں نے عیدالاضحی کو سادگی سے منانے کا اعلان کر دیا اور 17ستمبرکو عوامی نیشنل پارٹی کی جانب سے شٹرڈاﺅن ہڑتال کی حمایت کابھی اعلان کیا گیا۔ اور یہ بھی کہا گیا کہ وکلا عید شہدا کے گھروں میں جا کران کے بچوں کے ساتھ سادگی سے منائیں گے۔ 24ستمبر کے بعد آئندہ کالائحہ عمل طے کیا جائے گا۔

ایمز ٹی وی (گھارو ) ٹھٹھہ ضلع کی تعلیم کی بہتری کےلئے ساتویں اجلاس میں خطاب کرتے ہوئے ایم پی اے حیدر شیرازی نے کہا کہ ٹھٹھہ میں تعلیم کی تباہی کی وجہ حکومت کی نااہلی ہے ۔ہر سال تعلیم کے لیے کروڑوں کا بجٹ جاری ہوتا ہے مگر وہ ہڑپ ہو جاتا ہے۔ انھوں نے مزید کہا کے علم انسان کی تیسری آنکھ ہے بغیر علم والا انسان ایک اندھے کی مثال ہے ۔ٹھٹھہ ضلع تعلیم کے حوالے سے بہت پیچھے رہ گیا ہے جو ہمارے لیے افسوس کی بات ہے مگر ایجوکیشنل ڈپارٹمنٹ اب تک غفلت کی نیند سو رہا ہے۔

ایمزٹی وی(تعلیم) دُنیا کی بہترین یونیورسٹیز کی فہرست میں پاکستان کی چھ یونیورسٹیوں کے نام شامل ہوگئے۔ ان یونیورسٹیوں میں لاہور سے لمز، یو ای ٹی اور یونیورسٹی آف لاہور کا نام بھی آگیا ہے۔

پاکستان کی چھ نامور جامعات کے نام کیو ایس ورلڈ یونیورسٹی رینکنگ میں شامل ہوئے ہیں۔ کیو ایس نے ایشیاء کی ٹاپ تین سو یونیورسٹیوں کی درجہ بندی کی فہرست میں پاکستان کی دس یونیورسٹیوں کو شامل کیا ہے۔

یہ تمام یونیورسٹیاں سات سو بہترین یونیورسٹیوں کی فہرست میں شامل ہوئی ہیں۔ عالمی درجہ بندی کی بنیاد پر نیشنل یونیورسٹی آف سائنس اینڈٹیکنالوجی کو ملک کی بہترین یونیورسٹی کا اعزاز حاصل ہوا ہے اور لاہور یونیورسٹی آف مینجمنٹ سائنسز اور قائد اعظم یونیورسٹی بالترتیب پاکستان کی دوسری اور تیسری بہترین یونیورسٹیاں ہیں۔

سالانہ رینکنگ میں اس برس تین نئی جامعات کو سات سو بہترین یونیورسٹیوں کے گروپ میں شامل کیا گیا ہے جس میں یونیورسٹی آف کراچی، یونیورسٹی آف انجنیئرنگ اینڈٹیکنالوجی لاہور اور یونیورسٹی آف لاہور شامل ہیں۔ نیشنل یونیورسٹی آف سائنس اینڈٹیکنالوجی پانچ سوپچاس بہترین یونیورسٹیوں کے گروپ میں شامل کیا گیا ہے۔

لاہور یونیورسٹی آف مینجمنٹ سائنسز کو ایشیائی خطے کی ٹاپ یونیورسٹیوں میں شامل کیا گیا ہے۔ ایشیاء کی فہرست میں یہ ایک سو گیارہویں نمبر پر ہے۔ یو ای ٹی لاہور، یونیورسٹی آف لاہور کو سات سو بہترین یونیورسٹیوں کے گروپ میں شامل کیا گیا ہے۔

ایمزٹی وی(گلگت بلتستان)قائد ملت جعفریہ پاکستان علامہ سید ساجد علی نقوی نے عید الاضحی کے موقع پراپنے خصوصی پیغام میں کہا ہے کہ قربانی دیتے وقت دو امور کی طرف خصوصی توجہ رکھنی چاہیے ایک یہ کہ پیغمبران خدا حضرت ابراہیم علیہ السلام اور حضرت اسماعیل علیہ السلام کی طرف سے اپنے رب کی رضا کی خاطر دی گئی قربانی کے اہداف کو سامنے رکھیں اور دوسرا یہ کہ قربانی کو فقط رسم تک محدود نہ رکھیں بلکہ قربانی جیسے نیک عمل کی روح کی طرف توجہ کریں کیونکہ ہماری قربانی کے جانور کا گوشت اور خون ہمارے خالق تک نہیں پہنچتے بلکہ ہمارا تقوی‘ ہماری نیکی اور ہمارا اخلاص بارگاہ ایزدی میں قبولیت پاتا ہے۔

نہوں نے مزید کہا کہ حضرت ابراہیم ؑ و اسماعیل ؑ کی یہ لازوال قربانی انسانیت اور اسلام سے وابستہ لوگوں کے لئے اطاعت و ایثار کا عملی اور حسین نمونہ ہے تاکہ وہ اپنے مفادات‘ ذاتی خواہشات‘ غلطیوں‘ کوتاہیو ں اور خطاﺅں کو قربان کرنے کے بعد جانور کی قربانی کریں اور ان کے سامنے یہ نظریہ نہ ہو کہ خدا کے حضور ان کے قربان کردہ جانور کا گوشت پوست اور خون پہنچتا ہے بلکہ صدق و یقین سے یہ بات ان کے مدنظر ہونا چاہیے کہ قربانی تو ایک ذریعہ ہے لیکن اصل میں ان کا ہدف ان کی نیت‘ ان کا ایثار‘ خلوص اور جذبہ خدا کے حضور پیش ہوتا ہے لہذا انہیں عید الاضحی مناتے وقت اور قربانی کرتے وقت اس خاص امر کو ملحوظ خاطر رکھنا چاہیے۔

قائد ملت جعفریہ نے یہ بات زور دے کر کہی کہ عید الاضحی کے نیک اور بابرکت موقع پر ہمیں عہد کرنا چاہیے کہ ہم انبیاءکرام‘ ائمہ معصومین ؑ‘شہدائے اسلام کی قربانی سے بالخصوص حضرت ابراہیم و اسماعیل ؑ کی قربانی سے الہام اور سبق لیتے ہوئے عالم اسلام کو درپیش مسائل کے حل کے لئے ایک راہ متعین کریں گے ۔ امت مسلمہ کے اتحاد اور ترقی میں رکاوٹ بننے والے عوامل‘ بحرانوں‘ چیلنجز اور مشکلات کے خاتمے کے لئے اقدامات کریں گے۔

ایمزٹی وی(صحت)فاطمہ جناح جنرل اینڈ چسٹ اسپتال کوئٹہ میں کانگو وائرس کے شبہ میں 2 مزیدمریض منتقل کردئیے گئے ہیں، اسپتال انتظامیہ نے آئسولیشن وارڈ کے اسٹاف کی چھٹیاں منسوخ کردئیے ہیں۔

اسپتال حکام کے مطابق دونوں مریضوں کا تعلق لورالائی کے علاقے میختر سے ہے، دونوں باپ بیٹے ہیں، بیٹے کی حالت تشویشناک ہے،طبی امداد دی جارہی ہے جبکہ اسپتال میں زیر علاج کانگو وائرس میں مبتلا مریضہ بی بی صائمہ کی حالت بہتر ہے،اس وقت اسپتال میں کل 3 افراد زیر علاج ہیں۔

دوسری جانب چیف میڈیکل آفیسر ڈاکٹر عباس نوتکانی کے مطابق کانگو وائرس کی وجہ سے آئسو لیشن وارڈ میں تعینات متعلقہ ڈاکٹرز اور طبی عملہ کی چھیاں منسوخ کردی گئی ہیں، تمام اسٹاف کو اپنی ڈیوٹیوں پرحاضر رہنے کی ہدایت کردی گئی ہے