ایمزٹی وی(تعلیم)علامہ اقبال اوپن یونیورسٹی اسلام آباد کیمپس نے سمسٹرخزاں 2015ء میں پیش کئے گئے میٹرک پروگرام کے فائنل امتحانات کے نتائج کا اعلان کردیا ہے۔

کنٹرولر امتحانات سہیل نذیر رانا کے مطابق نتائج یونیورسٹی کی ویب سائٹ پر فراہم کر دئیے گئے ہیں اور تمام امیدواروں کو ان کے دئیے گئے پتوں پر ڈاک کے ذریعے بھی رزلٹ کارڈز ارسال کئے جارہے ہیں۔

ایمزٹی وی(تعلیم) لاہور بورڈ نے فرسٹ ایئر میں داخلوں کا شیڈول جاری کر دیا، تمام کالجوں کے پرنسپل کو ہدایات کی ہیں کہ شیڈول پر سختی سے عمل کیا جائے۔ شیڈول کے مطابق 20 ستمبر تک1195 روپے فی طالبعلم رجسٹریشن فیس وصول کی جائے گی جس کے لیے کالج اپنے طلباء کا آن لائن ڈیٹا بیس ستمبر تک جمع کرادیں۔

20 ستمبر کے بعد بورڈ کی جانب سے کالجوں کے ریگولر داخلوں کے لیے فی طالبعلم 500 روپے جرمانہ وصول کرے گا جس کی معیاد21 ستمبر سے 30 ستمبر تک مقرر کی گئی ہے۔ فرسٹ ایئر میں داخلوں کیلئے کالجوں کے پرنسپل کو ہدایات جاری کی گئی کہ وہ او لیول کرنے والے طلباء کے مساویت کے سرٹیفکیٹ بھی لازمی جمع کرائیں۔ مراسلے کے مطابق سابقہ دو سال کے پاس طلباء جبکہ سابقہ پانچ سال کی میڑک پاس طالبات گیارہویں جماعت میں داخلے کے لیے اہل ہوں گے۔

ایمزٹی وی(راولپنڈی)آرمی چیف نے مزید 11دہشت گردوں کی سزائے موت کی توثیق کردی، جودہشت گردی کی کارروائیوں ، اغوا کی وارداتوں سمیت دیگرسنگین جرائم میں ملوث تھے۔ پاک فوج کے شعبہ تعلقات عامہ (آئی ایس پی آر) کے اعلامیہ کے مطابق آرمی چیف نے مزید 11دہشت گردوں کی سزائے موت کی توثیق کردی، تمام ملزمان دہشت گردی، فرقہ ورانہ دہشت گردی کی کارروائیوں ، اغوا کی وارداتوں سمیت دیگرسنگین جرائم میں ملوث تھے۔

اعلامیہ میں مزید کہا گیا ہے کہ یہ دہشتگرد بلوچستان پولیس کے ڈی آئی جی فیاض سنبل، اے ایس آئی رضا خان، کوئٹہ میں آئی ایس آئی کے انسپکٹر کامران نیازی، فرنٹیئر کانسٹبلری کے اہلکاروں اور پاک فوج کے میجر عابد مجید کے قتل میں ملوث تھے۔

آئی ایس پی آر کے مطابق یہ دہشت گرداسکولوں،مواصلاتی تنصیبات پرحملوں ، فرقہ وارانہ قتل اور اغوا کی کئی وارداتوں میں بھی ملوث تھے۔دہشت گردوں کوسزائیں ملٹری کورٹ کی جانب سے سنائی گئیں۔

ایمزٹی وی(خیبرپختونخواہ) پاکستان نے پاک افغان سرحد پر دہشتگردوں کی نقل و حرکت اور افغانستان سے خیبرایجنسی میں آمد و رفت روکنے کیلئے پہاڑوں اور دروں پر مزید فوجی دستے تعینات کر دیئے ہیں ۔

پاک فوج کے شعبہ تعلقات عامہ کے مطابق سیکورٹی فورسز نے پاک افغان سرحد پر آپریشن کیا ہے ، جس کا مقصد خیبرایجنسی میں دہشتگردوں کی آمد و رفت روکنا ہے ۔ آئی ایس پی آر کے مطابق وادی راجگال سمیت خیبرایجنسی کے بلند پہاڑی علاقوں میں دہشتگردوں کی نقل و حرکت پر موثر انداز میں نظر رکھنے اور افغانستان سے پاکستان داخلے کو روکنے کیلئے آپریشن کیا گیا، سرحد پر قائم چیک پوسٹوں اور دروں پر مزید فوجی دستے تعینات کر دیئے گئے ہیں ۔

واضح رہے کہ گذشتہ روز وزیراعظم نواز شریف کی زیرِصدارت سیاسی و عسکری قیادت کے اہم اجلاس میں نیشنل ایکشن پلان پر عملدرآمد کے لیے ٹاسک فورس کے ارکان کا تعین کرنے کے ساتھ ساتھ سرحدوں کی نگرانی کے لیے سول آرمڈ فورسز کے 29 ونگز بنانے کا بھی فیصلہ کیا گیا تھا ۔ واضح رہے کہ کوئٹہ کے سول ہسپتال میں ہونے والے دھماکے کے نتیجے میں 70 سے زائد افراد ہلاک ہوگئے تھے۔

ایمزٹی وی(آزاد کشمیر) صدرآزادکشمیرکے انتخاب کے لیے پولنگ آج صبح 10 بجےآزادجموں وکشمیر قانون سا زاسمبلی کے لاجنگ ہال میں ہو گی ۔ صدر آزادکشمیر سردار محمد یعقوب خان کی زیر صدارت آزادکشمیر اسمبلی اور کونسل کے مشترکہ اجلاس میں آزاد ریاست جموں وکشمیر کے نئے صدر کا انتخاب ہو گا۔ حکمراں جماعت مسلم لیگ ن نے سابق سفارت کارمسعود خان جبکہ پیپلز پارٹی نے سابق وزیر خزانہ اورپارٹی کے جنرل سیکریٹری چودھری لطیف اکبرکو صدارتی امیدوار نامزد کیا ہے ۔

آزاد کشمیر قانون ساز اسمبلی کے 49 میں سے 48 جبکہ کشمیر کونسل کے 7 اراکین صدر کے انتخاب کے لیے ووٹ کا حق استعمال کریں گے ۔ آزادجموں وکشمیر پیپلزپارٹی کے سربراہ سردار خالد ابراہیم خان کشمیر قانون ساز اسمبلی کے رکن تو منتخب ہوچکے ہیں لیکن اب تک حلف نہیں اٹھایا ۔ انھوں نے صدارتی انتخابات کا بائیکاٹ اوراس موقع پر سینٹرل پریس کلب کے باہر احتجاج کرنے کا اعلان کیا ہے۔

ایمزٹی وی(خیبرپختونخواہ)خیبرپختونخوا حکومت نے بچوں کی شرح اموات پر قابو پانے کے لئے روٹا کے نام سے نئی ویکسین کو اگلے سال ای پی آئی پروگرام کا حصہ بنا نے کا فیصلہ کیا ہے ۔ صوبائی حکومت نے اس نئی ویکسین کے لیے چھ ارب روپے کی منظوری بھی دیدی ہے۔

روٹا ویکسین کو ای پی آئی پروگرام میں شامل کرنے کا فیصلہ صوبہ میں ہر سال 30 فیصد نومولود بچوں کا ڈائریا اور ہیضہ میں مبتلا اور شرح اموات میں اضافہ کی وجہ سے کیا گیا ہے۔ یہ ویکسین بچوں کو پیدائش کے پہلے آٹھ ماہ کے دوران دی جائے گی۔

طبی ماہرین کے مطابق جن بچوں کی قوت مدافعت کم ہوتی ہے ان پر ہیضہ اور ڈائریا کا حملہ زیادہ ہوتا ہے ۔خوراک میں احتیاط سے ان امراض کا سدباب کیا جاسکتا ہے۔

ایمزٹی وی(تعلیم) لاہور میں تعلیمی اداروں کی سیکورٹی کا جائزہ لینے کے لیے آرپی اوز کانفرنس کا انعقاد کیا گیا ۔آئی جی پنجاب مشتاق سکھیرا نے خطاب میں ہدایت دی کہ تمام ریجنل اور ڈویژنل پولیس افسران تعلیمی اداروں کا دورہ کریں، کوئیک ریسپانس فورس اور بیٹ افسر بھی متحرک رہیں۔

آئی جی پنجاب نے پولیس افسران کو حکم دیا کہ بچوں کے والدین،ٹیچرز اورمعززین علاقہ سے مستقل رابطے رکھیں۔ان کا کہنا تھا کہ پنجاب پولیس کےٹریننگ اسکولز اور کالجز میں صحت مندانہ ماحول کی فراہمی کو یقینی بنا یا جائے گا۔

ایمزٹی وی(اسلام آباد) وزیراعظم نواز شریف کی زیر صدارت ملک میں سیکیورٹی کی صورت حال پر غور کے لیے اعلیٰ سطح کا اجلاس ہوا جس میں اعلیٰ سیاسی و عسکری قیادت نے لیفٹیننٹ جنرل ریٹائرڈ ناصر جنجوعہ کو نیشنل ایکشن پلان پر عملدرآمد کی مانیٹرنگ ٹاسک فورس کے سربراہ مقرر کیا ہے ۔

اجلاس میں ملک کی اندرونی سلامتی،بارڈر مینجمنٹ کے لیےسول آرمڈ فورسزکے29ونگ بنانے کا فیصلہ کیا گیا، اس کے علاوہ وزیر اعظم کے مشیر برائے قومی سلامتی ناصر جنجوعہ کو نیشنل ایکشن پلان پر عملدرآمد کی مانیٹرنگ ٹاسک فورس کے سربراہ مقرر کیا گیا ہے، کمیٹی میں وفاقی سیکرٹری داخلہ ، ڈی جی نیکٹا ، چاروں صوبوں کے چیف سیکرٹریز، داخلہ سیکرٹریز اور آئی جیز بھی شامل ہوں گے، اس کمیٹی کو ملک کی تمام سول و عسکری انٹیلی جنس ایجنسیوں کی معاونت حاصل ہوگی۔

واضح رہے کہ سانحہ کوئٹہ کے بعد منعقدہ اجلاس میں نیشنل ایکشن پلان پرعملدرآمدکا جائزہ لینے کے لئے مانیٹرنگ ٹاسک فورس قائم کرنے کا فیصلہ کیا گیا تھا اور وفاقی و صوبائی حکومتوں کے نمائندے، وفاقی اور صوبائی حکومتوں کی متعلقہ ایجنسیاں بھی ٹاسک فورس کا حصہ ہوں گی

ایمزٹی وی(کراچی) ایگزیکٹ اوربول ٹی وی کے سی ای او شعیب شیخ کو سندھ ہائی کورٹ سے ضمانت ملنے کے باوجود انکی مشکلات کم نہ ہوئیں،شعیب شیخ کی رہائی کا فیصلہ ہونے کے باوجود ابھی رہائی نہیں مل سکے گی، سٹی کورٹ سے ضمانت ملنے کے بعد ہی شعیب شیخ رہا ہوسکیں گے،آج 13 ملزمان کے ضمانتی مچلکے جمع کروانے کے بعد ملزمان کا ریلیز آرڈر جاری ہوجائیگا۔ ریلیز آرڈرجاری ہونے کے بعد ملزمان سینٹرل جیل سے رہا ہونگے

شعیب شیخ کے ہمراہ تمام 13 ملزمان ضمانتی مچلکے جمع کروا کر رہا ہوجائنگے جبکہ شعیب شیخ کو ابھی ایک مقدمے میں ضمانت ملنا باقی ہے، شعیب شیخ پر جعلی ڈگری کی فروخت کے ساتھ منی لانڈرنگ کا مقدمہ بھی درج ہے جسکی سماعت سٹی کورٹ میں سیشن جج ساوتھ کی عدالت میں کی جا رہی ہے۔

سندھ ہائیکورٹ نے شعیب شیخ سمیت دیگر چودہ ملزمان کو جعلی ڈگری کیس میں 5،5 لاکھ روپے ضمانتی مچلکوں کےعوض جمع کرانے کا حکم دیا ہے۔