ایمزٹی وی(اسلام آباد) ضلعی انتظامیہ نے 14 اگست کے روز تخریب کاری کے خدشے کے پیش نظر موبائل فون سروس بند رکھنے کا فیصلہ کیا ہے جب کہ شہر میں 2 ماہ کے لیے لاؤڈ اسپیکر کے استعمال اور جلسے جلوسوں پر بھی پابندی عائد کردی گئی ہے۔ اسلام آباد کی ضلعی انتظامیہ کے مطابق جشن آزادی کے روز وفاقی دارالحکومت میں موبائل فون سروس بند رہے گی اور اس کا دورانیہ صبح 6 بجے سے دن 12 بجے تک رہے گا۔

ضلعی انتظامیہ کا کہنا ہے کہ موبائل فون سروس کی بندش دہشت گردی کے ممکنہ خدشات کے پیش نظر کی جارہی ہے اور اس سلسلے میں وزارت داخلہ اور پاکستان ٹیلی کمیونیکیشن اتھارٹی کو خط لکھ کر آگاہ کردیا گیا ہے۔ دوسری جانب ڈپٹی کمشنر اسلام آباد کا کہنا ہےکہ وفاقی دارالحکومت میں لاؤڈ اسپیکر کے لیے استعمال، آتش بازی، اسلحہ نمائش اور جلسے جلوسوں پر 2 ماہ کے لیے پابندی عائر کردی گئی ہے۔

ڈپٹی کمشنر کے مطابق شہر کے اہم مقامات پر سیکیورٹی خدشات کے پیش نظر 2 ماہ کے لیے دفعہ 144 بھی نافذ کردی گئی ہے جب کہ جن مقامات پر دفعہ 144 کا نفاذ ہوگا ان میں ریڈو زون، ایمبیسی روڈ، یونیورسٹی روڈ، تھرڈ ایونیو، فورتھ ایونیو، مری روڈ، جناح ایونیو اور ملحقہ علاقے شامل ہیں۔

ایمزٹی وی(کراچی)جامعہ کراچی کے رجسٹرارپروفیسرڈاکٹر معظم علی خان کے اعلامیہ کے مطابق جامعہ کراچی میں 14 اگست کو جشن یوم آزادی کے سلسلے میں نئی انتظامی بلڈنگ کے سامنے ایک پروقاراورآزادی کے شایان شان تقریب کا آغازصبح ساڑھے 7بجے ہوگا۔

7بجکر40منٹ پرتلاوت قرآن کریم، 7 بجکر 45 منٹ پرایک منٹ کی خاموشی اور7 بجکر46 منٹ پرہدیہ نعت پیش کیاجائے گاجبکہ 7 بجکر50 منٹ پر شیخ الجامعہ کراچی پروفیسر ڈاکٹر محمد قیصر پر چم کشائی کرینگے۔ اس موقع پر شیخ الجامعہ پروفیسر ڈاکٹر محمد قیصراساتذہ،طلبہ اور ملازمین سے خطاب کرینگے۔ آخرمیں وطن عزیزکی سلامتی ،سربلندی اور استحکام کے لئے خصوصی دعا کی جائے گی۔

ایمزٹی وی(کراچی)جامعہ کراچی میں ڈاکٹرجمیل جالبی ریسرچ لائبریری کے سنگ بنیاد رکھنے کی تقریب14اگست کو دوپہر2 بجے نزد ڈاکٹر محمود حسین لائبریری منعقد ہوگی۔ سابق شیخ الجامعہ پروفیسر ڈاکٹرجمیل جالبی خصوصی طورپرلائبریری کی عمارت کا سنگ بنیاد رکھیں گے ۔اس موقع پرڈاکٹر جمیل جالبی کے صاحبزادے اور چیئرمین ایکسپورٹ پروسسنگ زون ڈاکٹر محمد خاور جمیل،شیخ الجامعہ پروفیسرڈاکٹرمحمد قیصراوررجسٹرارپروفیسرڈاکٹرمعظم علی خان بھی خطاب کریں گے

۔واضح رہے کہ یہ کتب خانہ جدیدترین انداز میں تعمیرہوگا اوراس میں ایک ریسورس سینٹربھی بنایا جائے گا ۔ کتب خانہ نئے دور کے تمام علمی اورتحقیقی تقاضوں کو پوراکرے گااورمذکورہ لائبریری میں ایک لاکھ کتابیں اورقلمی نسخے شامل ہیں

ایمزٹی وی(کراچی)صوبا ئی وزیر برا ئے تعلیم جام مہتا ب حسین ڈہر نے سندھ پرو فیسرز لیکچرز ایسو سی ایشن کے وفد سے ملا قا ت کی۔ اس موقع پر ان کا کہنا تھاکہ اسکو لز کا لجز کے سربراہان کی ذمہ دا ر ی ہے کہ وہ اپنے تعلیمی ادا روں کو بہتر طریقے سے چلائیں ،طالبعلمو ں کی تعلیم و تر بیت کے ساتھ ان کی حفاظت پر بھی تو جہ دیں وفد میں سپلا کے صدر سید مر تضیٰ اور سپلا کرا چی کے صدر فیرو ز الدین احمد صدیقی اور دیگر عہدیدا ر بھی مو جو د تھے ۔صوبا ئی وزیر تعلیم نے کہا کہ ریجنل ڈائر یکٹرز کا لجز کے لئے کسی سینئر افسر کو تعینا ت کیا جا ئے تا کہ کا لج کی سطح پر اساتذہ کے مسائل بر وقت حل ہو سکیں۔

ایمزٹی وی (فتح جنگ) سکیورٹی کے بہتر انتظامات نہ کرنے پر دو پرائیویٹ تعلیمی اداروں کو سیل کرنے کا فیصلہ کر لیا گیا یہ فیصلہ تحصیل ایڈوائزری کمیٹی کے اجلاس میں کیا گیا جو ڈی ایس پی آصف مسعود کی صدارت میں ہوا ۔ اجلاس میں اے سی فتح جنگ نیلم سلطانہ ،فتح جنگ سرکل کے تمام تھانوں کے انچارج بھی شریک تھے ۔

اجلاس میں دیگر تعلیمی اداروں ،فتح جنگ بار ، بینکوں اور جیولر ی کی دکا نوں کے مالکان کی جانب سے کئے گئے حفاظتی انتظامات کا جائزہ لیا گیا ۔اجلاس میں فیصلہ کیا گیا کہ جو ادارہ بھی سکیورٹی کے مناسب انتظامات نہیں کرے گا پہلے اسے نوٹس دیا جائے گا اس پربھی عمل نہ کیاتو اسے سیل کر دیا جائے گا۔

ایمزٹی وی(راولپنڈی)تحصیل گوجرخان میں ناقص کارکردگی دکھانے والے سرکاری تعلیمی اداروں کے سربراہوں کے خلاف کارروائی کا فیصلہ کرلیا جبکہ اسکول کے سربراہوں کو ضلع بدر کرنے کے ساتھ ساتھ ان کی سالانہ ترقی میں کمی کی جائے گی۔

تفصیلات کے مطابق ڈائریکٹر ایجوکیشن مانیٹرنگ سیل پنجاب رانا عبدالقیوم نے میڈیا سے اپنی گفتگو میں کہا کہ وزیر اعلیٰ پنجاب میاں شہباز شریف صوبے میں سرکاری تعلیمی اداروں میں جدید سہولتوں کی فراہمی کے خواہاں ہیں ضلع راولپنڈی میں اس سال سرکاری تعلیمی اداروں کے گراف میں کمی دیکھنے میں آئی ہے ذمہ دار اساتذہ و اسکول کے سربراہوں کے خلاف کارروائی کی جائے گی

ایمزٹی وی(اسلام آباد)بین الاقوامی اسلامی یونیورسٹی اسلام آباد کی آفیسرز ویلفیئر ایسوسی ایشن کی مجلس عاملہ کی تقریب حلف برداری نیو کیمپس میں ہوئی، ڈائریکٹر جنرل جامعہ خالد محمود راجہ نے اراکین سے حلف لیا۔ انہوں نے نو منتخب اراکین کو مبارکباد دی اور امید ظاہر کی کہ وہ ادارے کی فلاح و ترقی کے لیے مزید عملی اقدامات کریں گے ۔

حلف اٹھانے والوں میں ناصر فرید، چوہدری محمد نذیر ، فاروق احمد شریف، ملک ظہور احمد، عباس گنائی، محمد تزہر، عدیل اکبر ، ثمینہ بلال، حمیرا اسلام اور ثناء مرزا شامل ہیں، نصیر عباسی اور ارسلان خورشید کا بطور آڈیٹر انتخاب کیا گیا ہے

ایمزٹی وی(تعلیم) علامہ اقبال اوپن یونیورسٹی نے اپنے بی ایڈ پروگرام کو ایچ ای سی کے نئے روڈ میپ کے مطابق بنا دیا اور داخلوں کا آغاز کردیا ہے ۔ ایچ ای سی نے ایک سالہ بی ایڈ پروگرام کو چار سال کے دورانیہ میں بدل دیا ہے تفصیلات کےمطابق کے لئے ایف اے /ایف ایس سی کی اہلیت مقرر کی ہے ، ایم اے /ایم ایس سی، بی ایس اور چار سالہ بی اے (آنرز) سیکنڈ ڈویژن کے ساتھ پاس کرنے والے طلبا و طالبات کے لئے ڈیڑھ سالہ دورانیہ کا نیا بی ایڈ پروگرام بھی شروع کردیاہے ۔

یونیورسٹی نے ڈیڑھ سالہ اور چار سالہ دونوں بی ایڈ پروگراموں میں داخلوں کا آغاز کردیا ہے جس میں داخلہ فارم جمع کرنے کی آخری تاریخ 5ستمبر مقرر کی گئی ہے۔ داخلہ فارم اور پراسپیکٹس یونیورسٹی کے مین کیمپس اور ملک کے 44اہم شہروں میں یونیورسٹی کے علاقائی دفاتر سے حاصل کئے جاسکتے ہیں۔

ایمزٹی وی(تعلیم)ثانوی تعلیمی بورڈ کراچی کے اعلامیہ کے مطابق بورڈ کے چیئرمین پرفیسر انوار احمد زئی نے تمام کارکنا ن اور اراکین بورڈ سے خطاب کرتے ہوئے کہا ہے کہ وہ 14اگست تک اپنے لباس پرپاکستان کے پرچم کی علامت کو نمایاں رکھیں۔انہوں نے کہا کہ ثانوی تعلیمی بورڈ وہ جگہ ہے جہاں سے طلبہ اور نوجوانوں کامسلسل رابطہ ہے اس لئے یہاں آنے والے افراد کے لئے بورڈ کے کارکنان کی جانب سے یاد دہانی کا پیغام بھی ہوگاکہ ہمیں ملک کے پرچم کوسینے سے لگا کر رکھنا ہے او ر اسکی سر بلندی کے لئے محنت و دیانت سے کام کواپنا شعار بھی بنانا ہے۔

مراسلے میں بورڈکے ساتھیوں سے یہ بھی کہا گیا ہے کہ یومِ آزادی کوبھی قوم کی امنگوں کے مطابق منائیں۔ انہوں نے بتایا کہ اس موقع پر بورڈ کی عمارت کو سجایا جائے گااور اس سے قبل 12اگست کو بورڈ میں جشن آزادی کے حوالے سے تقریب بھی منعقد ہوگی جسے بورڈ ایپکا ایونٹ نے مرتب کرنے کا فیصلہ کیا ہے اور اس تقریب کی اجتماعی صدارت حالیہ امتحانات میں خصوصی طلبہ کے گروپ میں پوزیشن حاصل کرنے والے طلبہ مشترکہ طور پر کریں گے

ایمزٹی وی(تعلیم) وفاقی اردو یونیورسٹی کے ناظم امتحانات غیاث الدین احمد کے مطابق ایم اے سال اول و دوم پرائیوٹ کے امتحانی فام جمع کرانے کی تاریخ میں 200روپےلیٹ فیس کے ساتھ 11اگست سے 22 اگست تک توسیع کردی گئی ہے۔امتحانی فارم الائیڈ بینک یونیورسٹی روڈ برانچ اور عسکری بینک بوہرہ پیر روڈ برانچ سے حاصل اور جمع کرائے جاسکتے ہیں۔

امتحانی فیس3500 روپے جبکہ امتحانی فارم کی قیمت 200روپے مقرر کی گئی ہے۔ دوسی جانب اسلام آباد کمپس کے طلبا و طالبات کے لئے بھی امتحانی فارم جمع کرانے کی تاریخ میں 15اگست سے 30اگست تک توسیع کردی گئی ہے