ایمزٹی وی(تعلیم)جامعہ کراچی کے مشیر امور طلبا پروفیسر ڈاکٹر سید انصر رضوی کے اعلامیہ کے مطابق جمعہ12 اگست2016 ء کی صبح 10بجے جشن آزادی واک منعقدکی جارہی ہے ۔جس میں مسجل، روسائے کلیہ جات،تمام اداروں کے ناظمین، صدور شعبہ جات ، اساتذہ، طلباوطالبات اورغیر تدریسی ملازمین شرکت کرینگے ۔

مذکورہ واک شیخ الجامعہ ،پروفیسر ڈاکٹرمحمد قیصرکی قیادت میں آزادی چوک سے شروع ہوکر ایڈمنسٹریشن بلاک پرختم ہوگی۔اس موقع پر شیخ الجامعہ پروفیسر ڈاکٹر محمد قیصرپرچم کشائی اورخطاب بھی کرینگے ۔بعد ازاں جشن آزادی کی مناسبت سے ملک کی ترقی وخوشحالی کے لئے دعا کی جائے گی۔

ایمزٹی وی(اسالم آباد)وزیراعظم آفس اسلام آباد میں میں نیشنل ایکشن پلان کا جائزہ لینے کے لئے اعلی سطح کا اجلاس ہوا اجلاس میں ملکی داخلی و سلامتی اور نیشنل ایکشن پلان پر تبادلہ خیال کیاگیا جب کہ کوئٹہ دھماکے کے بعد حالیہ فیصلوں پر غور اورسیکیورٹی اداروں کے عزم اور قربانیوں کو سراہا گیا۔

اجلاس کے دوران نیشنل ایکشن پلان پرعمل درآمد کے جائزے کے لیے ٹاسک فورس بنانے کا فیصلہ کیا گیا، اس ٹاسک فورس میں وفاقی اور صوبائی حکومتوں کے نمایندے اور متعلقہ ایجنسیوں کے سربراہ شامل ہوں گے۔ اس موقع پر وزیر اعظم نے متعلقہ حکام کو ہدایت کی کہ نیشنل ایکشن پلان پر مکمل اور موثر عمل درآمد کے لیے کوئی کسر نہ اٹھارکھی جائے، دہشت گردی کے مکمل خاتمے کے لیے نتیجہ خیز اور بروقت ایکشن یقینی بنائیں۔

اجلاس میں وفاقی وزیرداخلہ چوہدری نثار، وزیرخزانہ اسحاق ڈار، مشیر قومی سلامتی لیفٹیننٹ جنرل (ر) ناصر جنجوعہ، سربراہ پاک فوج جنرل راحیل شریف، ڈی جی آئی ایس آئی لیفٹیننٹ جنرل رضوان اختر اور دیگر سیاسی و عسکری حکام نے شرکت کی۔

ایمزٹی وی(تعلیم)صدر آزاد کشمیر سردار یعقوب خان کی زیر صدارت ویمن یونیورسٹی باغ کی سینیٹ کا اجلاس منعقد ہوا۔ اجلاس میں وائس چانسلر ڈاکٹر حلیم خان،وائس چانسلر پشاور یونیورسٹی ،ڈائریکٹر ہائر ایجوکیشن کمیشن اور دیگر اراکین سینیٹ نے شرکت کی۔

سردار یعقوب خان نے خطاب کرتے ہوئے کہا کہ ہمارے خطہ کے لیے تعلیم ایک نیو کلیئر پاور جیسی حیثیت رکھتی ہے وہی قومیں ترقی کرتی ہیں جوتعلیمی میدان میں آگے ہوں باغ یونیورسٹی کے قیام میں سردار قمرالزمان خان کا بڑا کردار ہے انہیں خراج تحسین پیش کرتا ہوں اور اعلان کرتا ہوں کہ اگر 20سال بعد بھی کوئی ثابت کر دے کہ یہاں ایک بھی تقرری رشوت یا میرٹ سے ہٹ کر ہوئی ہے تو وہ اپنی رقم مجھ سے سو گنا زیادہ لے سکتا ہے۔

انہوں نے کہا کہ ہمارے دشمن پراپیگنڈا کرتے ہیں کہ یہاں دہشت گردوں کے کیمپ ہیں لیکن درحقیقت یہ ایک پرامن علاقہ ہے اس لیے ہماری خواہش تھی کہ ہم قلم لیکر دہشت گردی فرقہ پرستی ناانصافی اور جہالت کے خلاف کھڑے ہوں جس میں کامیاب رہے ، میں اپنے حکمرانوں کو یہ نصیحت کرنا چاہتا ہوں کہ وہ تعلیم کے فروغ میں دلچسپی لیں تاکہ ہماری آنے والی نسلیں ترقی کرسکیں اجلاس سے قبل کوئٹہ بم دھماکہ اور کشمیر کے شہدا کے ایصال ثواب کیلئے فاتحہ خوانی کی گئی

ایمزٹی وی(اسلام آباد) اسپیکر قومی اسمبلی سردار ایاز صادق کا کہنا ہے کہ جب بھی قومی ترانہ پڑھا جاتا ہے تو میرے رونگٹے کھڑے ہو جاتے ہیں۔ یوتھ پارلیمنٹرین فورم سے خطاب کرتے ہوئے اسپیکر قومی اسمبلی سردارایاز صادق کا کہنا تھا کہ نوجوان پاکستان کا اثاثہ اور روشن مستقبل ہیں اور ہمیں نوجوانوں کے درمیان برداشت اور دوسروں کو عزت دینے کی روایت کو قائم کرنا ہے۔

ان کا کہنال تھا کہ گالیوں کا رواج 2013 میں پروان چڑھا، کیا ہم اپنی نوجوان نسل کو یہ تربیت دے رہے ہیں۔ سردار ایاز صادق نے کہا کہ کوئی بھی طالب علم پارلیمنٹ میں انٹرن شپ کرنا چاہے ہم خوش آمدید کہتے ہیں، نوجوانوں کی تربیت کے لئے ہم نے یوتھ پارلیمنٹرین کورسز کا اہتمام کیا۔

انھوں نے کہا کہ مجھ سمیت جو بھی ممبر قومی اسمبلی کارکردیگ نہ دکھائے تو اسے ووٹ نہ دیں، جب بھی قومی ترانہ پڑھا جاتا ہے تو میرے رونگٹے کھڑے ہو جاتے ہیں۔

ایمزٹی وی(تعلیم)ثانوی تعلیمی بورڈ کراچی کے جاری اعلامیہ میں بورڈ سے الحاق شدہ اسکولوں کے سربراہان سے کہا گیا ہے کہ وہ نویں اور دسویں جماعت کے سالانہ امتحانی فارم 2017 کے ساتھ انرولمنٹ کارڈ کی فوٹو کاپی منسلک کریں اور امتحانی فارم میں انرولمنٹ نمبر ضرور درج کریں بصورت دیگر فارم قابل قبول نہیں ہوں گے ۔

اسی طرح سالانہ امتحانات برائے 2016 کی مارک شیٹ کی وصولی کیلئے بھی اسکول کے سربراہان یا ان کے نمائندے اتھارٹی لیٹر ساتھ لائیں اور کلیئرنس سرٹیفکیٹ انرولمنٹ سیکشن سے تصدیق بھی کروا لیں اس کے بغیر امتحانی فارم اور مارک شیٹ کا اجرا نہیں کیا جائے گا۔

ایمزٹی وی (اسلام آباد )وزیراعظم نوازشریف کی زیرصدارت نیشنل ایکشن پلان پرعملدرآمد کا تفصیلی جائزہ لینے کے لیے وزیراعظم ہاؤس میں اعلی سطح کا اجلاس ہوا جس میں آرمی چیف جنرل راحیل شریف، ڈی جی آئی ایس آئی لیفٹیننٹ جنرل رضوان اختر، وفاقی وزیرداخلہ چوہدری نثارعلی خان، وزیرخزانہ اسحاق ڈار سمیت اعلیٰ سیاسی و عسکری شخصیات نے شرکت کی۔

اجلاس کے دوران وزیرداخلہ اور مشیر قومی سلامتی لیفٹیننٹ جنرل (ر) ناصر خان جنجوعہ نے شرکا کو ملکی سیکیورٹی صورتحال اور دہشت گردوں کے خلاف جاری کارروائیوں سے متعلق بریفنگ دی۔ اجلاس کے دوران سول و عسکری قیادت نے دہشت گردی کے خلاف مل کر کام کرنے پر اتفاق کیا اور فیصلہ کیا کہ ملک سے دہشت گردی کے خاتمے کے لئے بھرپور طاقت استعمال کی جائے گی۔ واضح رہے کہ 8 اگست کو کوئٹہ کے سول اسپتال میں دھماکے کے نتیجے میں وکلا اور صحافیوں سمیت 73 افراد جاں بحق اور 80 سے زائد زخمی ہوگئے تھے

ایمزٹی وی(اسلام آباد)الیکشن کمیشن نے انتخابی فہرستوں کی گھر گھر تصدیق اور تجدید کا عمل شروع کردیا۔ جس کے لئے 136 رجسٹریشن آفیسرز کو تعینات کردیا گیا ہے، انتخابی فہرستوں کی رجسٹریشن کے لئے پنجاب میں 42، بلوچستان میں 32، سندھ میں 29، خیبر پختونخوا میں 25، فاٹا میں 7 اور اسلام آباد میں ایک آفیسر تعینات کیا گیا ہے

الیکشن کمیشن کے مطابق اس وقت ملک میں رجسٹرڈ ووٹرز کی تعداد 9 کروڑ 30 لاکھ ہے، ووٹر لسٹوں میں تصدیق میں نئے ووٹرز کا اندراج کیا جائے گا جب کہ وفات پانے والے افراد کے نام انتخابی فہرستوں سے خارج کر دیئے جائیں گے۔

الیکشن کمیشن کے مطابق انتخابی فہرستوں کی تصدیق اور تجدید کے عمل کے ذریعے ووٹرز کی تعداد 50 لاکھ اضافے کے بعد 9 کروڑ 80 لاکھ تک پہنچنے کا امکان ہے جب کہ انتخابی فہرستون کی تصدیق و تجدید کا عمل 29 اگست تک جاری رہے گا۔

ایمزٹی وی(تعلیم) وزیراعلیٰ پنجاب شہباز شریف نے میٹرک کے امتحانات میں اعزازی نمبر حاصل کرنے والی ہونہار غریب طالبہ کو 5 لاکھ روپے انعام کے ساتھ مفت گھر فراہم کرنے کا اعلان بھی کردیا۔ تفصیلات کے مطابق وزیراعلیٰ پنجاب شہباز شریف نے چکوال کی کچی بستی میں جھگی میں رہنے والی ہونہار طالبہ نرگس گل سے ملاقات کی اور راولپنڈی بورڈ کے تحت میٹرک کے امتحانات میں 1004 نمبر لینے پر نرگس گل کو مبارکباد دی اسکول کی ہیڈ مسٹریس کی کارکردگی کو بھی سراہا۔

اس موقع پر وزیراعلیٰ پنجاب نے نرگس کو 5 لاکھ روپے کا چیک اور لیپ ٹاپ بھی فراہم کیا، شہباز شریف نے پنجاب حکومت کی جانب سے نرگس گل کے لئے مفت گھر دینے کا اعلان کرتے ہوئے کہا کہ ہونہار طلبہ لاہور یا چکوال جہاں چاہے گی اسے گھر کے کر دیں گے۔

وزیراعلیٰ پنجاب کا کہنا تھا کہ نرگس گل کے تمام تعلیمی اخراجات پنجاب حکومت برداشت کرے گی، یہ ہونہار طالبہ پاکستان کا روشن چہرہ اور تابناک مستقبل ہے۔ انھوں نے کہا کہ ہونہار طالبہ پاکستان کا روشن چہرہ اور تابناک مستقبل ہے، جھگیوں میں رہنے والی اس بچی نے اپنی محنت سے ثابت کیا ہے کہ تعلیم کسی کی میراث نہیں۔

ایمزٹی وی(کوئٹہ) کمانڈر سدرن کمانڈ لیفٹیننٹ جنرل عامر ریاض نے کوئٹہ دھماکے میں شہید نجی ٹی وی چینل کے کیمرہ مین شہزاد خان کے بچوں کو اپنے یونیفارم پر لگا قومی پرچم ہٹا کر تحفے میں دے دیا۔ ذرائع کے مطابق کمانڈر سدرن کمانڈ لیفٹیننٹ جنرل عامر ریاض کوئٹہ دھماکے میں شہید ہونے والے نجی ٹی وی چینل کے کیمرہ مین شہزاد خان کے گھر گئے اور اہلخانہ سے تعزیت کی۔

لیفٹیننٹ جنرل عامر ریاض نے شہید کیمرہ مین کے بچوں سے بھی ملاقات کی اور انہیں اپنے یونیفارم پر لگا پاکستانی بیج اتار کر تحفے میں دے دیا جب کہ انہوں نے اہلخانہ سے تعزیت کرتے ہوئے کہا کہ انسانی جان کی تلافی ممکن نہیں لیکن آپ کو ہرممکن تعاون فراہم کریں گے، شہزاد پاکستان کا شہید ہے اور پاک فوج اپنےشہدا کو کبھی نہیں بھولتی۔ واضح رہے کہ 8 اگست کو سول اسپتال کوئٹہ میں دھماکے کے نتیجے میں وکلا اور صحافیوں سمیت 73 افراد جاں بحق اور 80 سے زائد زخمی ہوگئے تھے۔