ایمزٹی وی(میرپور) پاکستان تحریک انصاف (پی ٹی آئی) کے چیئرمین عمران خان نے ترکی میں حالیہ ناکام فوجی بغاوت کے حوالے سے کہا ہے کہ اگر پاکستان میں فوج اس طرح اقتدار پر قابض ہوجاتی تو عوام خوشی میں مٹھائیاں تقسیم کرتی۔ چیئرمین پی ٹی آئی عمران خان نے آزاد کمشیر کے علاقے میرپور میں عوامی جلسے سے خطاب کے دوران ترکی کی عوام کو زبردست خراج تحسین پیش کرتے ہوئے کہا کہ ترک عوام جمہوریت کو بچانے کے لیے سڑکوں پر نکلی اور ان کی طرح پاکستانی عوام کو بھی جمہوریت کو بچانا ہوگا۔ ان کا کہنا تھا کہ ترک صدر رجب طیب اردگان کے دور حکومت میں ملک میں خوشحالی آئی اور اسی لیے عوام خدمت کرنے والی حکومت کے ساتھ کھڑے ہوئے۔ رجب طیب اردگان کی پالیسیز کا حوالہ دیتے ہوئے عمران خان نے کہا کہ ان کی حکمت عملی سے ترکی کی کرنسی کی قیمت میں اضافہ ہوا، اردگان نے تعلیم پر5 گنا زیادہ پیسہ خرچ کیا، جس کی وجہ سے آج عوام ان کے ساتھ ہیں۔ طیب اردگان کی عوام میں پزیرائی کے حوالے سے چیئرمین پی ٹی آئی نے کہا کہ مصر کے حسنی مبارک اور عراق کے صدام حسین بھی پاکستانی حکمرانوں کی طرح جواب نہیں دیتے تھے۔ عمران خان نے کہا کہ ترکی کے لوگوں کی طرح پاکستانیوں کو بھی اپنی جمہوریت بچانا ہوگی، ہمارے ملک میں جمہوریت کو فوج سے نہیں نوازشریف کی ڈکٹیٹرشپ سے خطرہ ہے۔ ان کا دعویٰ تھا کہ پاکستان میں جمہوریت کے نام پر بادشاہت قائم کی جارہی ہے، پنجاب میں رنجیت سنگھ کے بعد نواز شریف نے سب سے زیادہ عرصے تک حکومت کی ہے۔ ماڈل ٹاؤن واقعے کا حوالہ دیتے ہوئے پی ٹی آئی چیئرمین نے کہا کہ ماڈل ٹاؤن میں عوام پر گولیاں برسائی گئیں، ایسا کس جمہوری دور میں ہوا ہے؟ عمران خان نے الزام لگایا کہ نواز شریف پاکستان میں بادشاہوں کی طرح زندگی گزار رہے ہیں اور صرف رائیونڈ کی سیکیوٹی کیلئے تعینات 1200 سے زائد پولیس والوں پر سالانہ کروڑوں روپے خرچ ہوتے ہیں۔ انھوں نے بتایا کہ نواز شریف نے پاکستان کو گذشتہ 3 سال میں 6 ہزار ارب روپے کا مقروض کردیا ہےاورعوام کےنام پرقرضہ لےکرآف شور کمپنیاں قائم کی جاتی رہی ہیں۔

ایمزٹی وی(تعلیم) پنجاب بھرکی سرکاری انجینیرنگ یونیورسٹیوں میں داخلے کے لیے انٹری ٹیسٹ میں صوبے بھرکے 41 ہزار امیدواروں نے شرکت کی ہے۔ ذرائع کے مطابق پنجاب کی یونیورسٹی آف انجینیرنگ اینڈ ٹیکنالوجی اوراس سے الحاق شدہ دیگر اداروں میں بی ایس انجینیرنگ اوربی ایس ٹیکنالوجی کے لئے سالانہ انٹری ٹیسٹ کا انعقاد کیا گیا ، جس کے لئے صوبے بھرمیں 13 امتحانی مراکز قائم کئے گئے۔ یونیورسٹی آف انجینیرنگ اینڈ ٹیکنالوجی اوراس سے الحاق شدہ دیگراداروں میں کل نشستوں کی تعداد 5 ہزار500 سے زائد ہے، جن کے لئے منعقدہ انٹری ٹیسٹ میں 41 ہزارسے زائد امیدواروں نے حصہ لیا۔ انٹری ٹیسٹ کے نتائج کا اعلان 24جولائی کو کیا جائے گا۔

ایمزٹی وی(تعلیم)کراچی میں گلبرگ پولیس نے کارروائی کرکے پولیس افسر کے قتل میں ملوث 2 ملزمان کو گرفتارکرلیا گرفتارکئےگئےملزمان جامعہ کراچی کے ملازم ہیں۔ پولیس کے ہاتھوں گرفتار ملزمان کی شناخت ذیشان اور ریحان کے نام سے ہوئی ہے،ملزمان انسپکٹر توفیق زاہد قتل کیس میں ملوث ہیں۔ جبکہ دوسری جانب لیاری میں پولیس نےکارروائی کرکے7 ملزمان کو گرفتار کرلیا۔ لیاری کے علاقے بغدادی کی سیفی لائن،گل محمد لین اور شاہ بیگ لائن میں پولیس نے سرچ آپریشن کے دوران7ملزمان کو گرفتار کیا،ملزمان کا تعلق بابا لاگروپ سے ہے جبکہ آپریشن میں 100 پولیس کمانڈوز نے بھی حصہ لیا۔

ایمزٹی وی(تعلیم)جامعہ کراچی کے ناظم امتحانات پروفیسرڈاکٹر ارشد اعظمی کے مطابق ایم اے اور ڈبل ایم اے پرائیویٹ اور امپرومنٹ آف ڈویژن کے لیے رجسٹریشن فارم جمع کرانے کی تاریخ میں 2اگست تک توسیع کردی گئی ہے ۔ طلبہ اپنے رجسٹریشن فارم 3500روپے فیس کے ساتھ یو بی ایل بینک کاؤنٹرز واقع سلورجوبلی گیٹ جامعہ کراچی پر جمع کراسکتے ہیں۔مضمون کی تبدیلی کے لیے بھی انہی تاریخوں میں 700روپے فیس کے ساتھ فارم جمع کرائے جاسکتے ہیں۔

ایمزٹی وی (تعلیم)وفاقی نظامت تعلیمات نے نصابی کتب کی خریداری میں بڑے پیمانے پر بے ضابطگیوں کا انکشاف ہوا ہے۔ ذرائع کے مطابق وفاقی نظامت تعلیمات نے پیپرا رولز کی پیروی کیے بغیر نیشنل بک فائونڈیشن کے ساتھ پرائمری سے ہائی اسکول تک کی کتابوں کی خریداری میں17 کروڑ 54 لاکھ 80 ہزار روپے کا معاہدہ کیا جوپیپرا رولزکی خلاف ورزی ہے۔ دستاویزات کے مطابق اس طرح کا معاہدہ کرنے سے قبل پیرا رولز کے تحت مجازاتھارٹی کو حکومت سے قواعد میں نرمی کے لیے اجازت لینا ہوتی ہے جبکہ اس کا ٹینڈرطلب کیاجاتاہے۔ جس کا اشتہار وفاقی نظامت تعلیمات کی ویب سائٹ اور2 قومی جریدوں اردواورانگریزی میں دینا لازمی ہوتا ہے تاہم وفاقی نظامت تعلیمات نے دونوں قانونی تقاضے پورے کیے بغیر براہ راست نیشنل بک فائونڈیشن کے ساتھ کروڑوں روپے کی کتابوں کی خریداری کا معاہدہ کرلیاجس میں بڑے پیمانے پر بے ضابطگیاں کی گئی ہیں میں کتابوں کی چھپائی نیشنل بک فائونڈیشن، ٹیکسٹ بک بورڈزاور پرائیویٹ پبلشرسے کراناتھی تاہم ان کتب کی چھپائی میں17 کروڑ 54 لاکھ80 ہزار روپے کی بے ضابطگیوں کا انکشاف ہوا ہے۔ دستاویزات میں مزید انکشاف کیا گیا ہے کہ وفاقی تعلیمی اداروں کے لیے کتب کی چھپائی غیرمعیاری کی گئی ہے جبکہ کتابوں کی قیمتوں میں بھی معیار کو مدنظر نہیں رکھاگیا۔

ایمزٹی وی(ملتان)مفتی عبدالقوی کا کہنا ہے کہ انہوں نے قندیل بلوچ کو معاف کردیا ہے اور اب ان کا معاملہ اللہ کے سپرد کرتے ہیں۔ ذرائع کے مطابق قندیل بلوچ کے قتل کے بعد مفتی عبدالقوی نے اپنے بیان میں کہا ہے کہ انہیں قندیل بلوچ کے قتل پر بہت افسوس ہے، ان کے دل میں قندیل کے لئے کوئی کدورت نہیں ، چند روز قبل قندیل بلوچ نے ان سے معافی مانگی تھی جس کے بعد انہوں نے ماڈل کو معاف کردیا ہے۔ اپنا معاملہ اللہ کے سپرد کردیا ہے۔ واضح رہے کہ رمضان المبارک کے دوران قندیل بلوچ نے مفتی عبدالقوی کے ہمراہ چند تصاویر اور وڈیوز سوشل میڈیا پر اپ لوڈ کی تھیں جس کے بعد مفتی عبدالقوی کو شدید تنقید کا نشانہ بنایا گیا تھا اور رویت یلال کمیٹی سے ان کی رکنیت بھی معطل کردی گئی تھی۔

ایمزٹی وی(لاہور) وزیراعظم نواز شریف نے ترکی میں فوجی بغاوت کی کوشش کی سختی سے مذمت کرتے ہوئے کہا کہ ہم ترکی کی جمہوری حکومت کے ساتھ کھڑے ہیں۔ وزیراعظم کے معاون خصوصی طارق فاطمی نے ترک وزیر خارجہ سے رابطہ کیا اور انھیں کہا کہ وزیراعظم نواز شریف نے ترکی میں فوج کے ایک چھوٹے سے گروپ کی جانب سے حکومت کا تختہ الٹنے کی کوشش کی شدید الفاظ میں مذمت کی ہے۔ ان کا کہنا تھا کہ حکومت پاکستان اور عوام ترکی کی جمہوری حکومت کے ساتھ کھڑی ہے، امید ہے کہ ترک حکومت جلد ہی حالات پر قابو پا لے گی۔ وزیر خارجہ خواجہ آصف کا اپنے بیان میں کہنا تھا کہ جس طرح ترک عوام نے فوجی بغاوت کی کوشش کو ناکام بنایا انھیں سلام پیش کرتا ہوں، دوسروں کو بھی اس سے سبق سیکھنا چاہیئے۔ دوسری جانب امیر جماعت اسلامی سراج الحق نے بھی ترکی میں فوجی بغاوت کی شدید الفاظ میں مذمت کرتے ہوئے کہا کہ ترکی کی عوام نے جس بہادری اور ہمت کا مظاہرہ کیا اس کی مثال نہیں ملتی۔

ایمزٹی وی(ملتان)معروف سوشل میڈیا سٹار کو ملتان میں اپنے آبائی گھر میں قتل کر دیا گیا ۔ قندیل بلوچ کے مالک مکان کا کہنا ہے کہ اس کو بھائی نے گلہ دبا کر قتل کیا ہے ۔ ذرائع کے مطابق ملزم قتل کرنے کے بعد فرار ہو گیا ۔ اس سے کچھ روز پہلے ماڈل قندیل بلوچ کی تین شادیاں منظر عام پر آئی تھیں ۔ پولیس کے مطابق قندیل بلوچ کا بھائی ان کی تصاویر اور ویڈیوز کی وجہ سے ناراض تھا ۔ میڈیا پر ماڈل کا ایک نکاح نامہ سامنے آیا جس کے مطابق اس کی شادی کوٹ ادو کے علاقے شیخ عمر موضع لدھا لنگر کے رہائشی عاشق حسین سے 2008ء میں ہوئی۔ دونوں کا آٹھ سال کا بچہ بھی ہے۔ یہ شادی صرٖف ڈیڑھ سال چل سکی اور ماڈل نے خلع لے کر ملتان اور ڈی جی خان کے دارالامان میں پناہ لے لی ۔ تاہم اس شادی کے بعد ماڈل کی دو اور شادیاں بھی منظر عام پر آئیں ۔ قندیل بلوچ گذشتہ کافی عرصے سے میڈیا کی خبروں میں اِن تھیں. اس سے قبل قندیل بلوچ نے پاکستان تحریک انصاف (پی ٹی آئی) کے چیئرمین عمران خان کو بھی شادی کی پیشکش کی تھی۔ واضح رہے کہ کچھ روز پہلے ماڈل قندیل بلوچ نے وزارت داخلہ کو سیکیورٹی کے لیے درخواست لکھی تھی۔ وزارت داخلہ کا کہنا ہے کہ قندیل بلوچ نے جن وجوہات پر سیکیورٹی مانگی وہ زیادہ اہم نہیں ہیں۔ وزارت داخلہ قندیل بلوچ اپنی سیکیورٹی کے لیے متعلقہ تھانے سے رجوع کریں۔ واضح رہے کہ قندیل بلوچ نے وزارت داخلہ کے نام لکھے گئے ایک خط میں سیکیورٹی تحفظ فراہم کرنے کی درخواست کی تھی۔ قندیل بلوچ نے مطالبہ کیا تھا کہ ان کی شناختی دستاویزات سوشل میڈیا کے ذریعے عام کرنے والوں کیخلاف بھی کارروائی کی جائے۔ قندیل کا کہنا تھا کہ ان کی زندگی خطرے میں ہے۔ انھیں دھمکی آمیز فون کالز آ رہی ہیں۔

ایمزٹی وی(اسلام آباد) وزیراعظم نواز شریف نے مقبوضہ کشمیر کی صورتحال پر 19 جولائی کو یوم سیاہ منانے اور پارلیمنٹ کا مشترکہ اجلاس بلانے کا فیصلہ کیا ہے۔تعصیلات کے مطابق گزشتہ روز وزیراعظم نواز شریف كی زیرصدارت وفاقی كابینہ كا اجلاس گورنر ہاؤس لاہور میں ہوا جس میں مقبوضہ كشمیركی صورتحال كا جائزہ لیا گیا۔ وزیراعظم نوازشریف نے كہا كہ بھارت كشمیریوں پروحشیانہ مظالم ڈھارہا ہے، میں اور پوری پاكستانی قوم كشمیریوں كے ساتھ كھڑی ہے، كشمیری اپنی آزادی كی جنگ لڑ رہے ہیں اور بھارتی جارحیت كشمیریوں كے عزم كو اور زیادہ مضبوط بنائے گی۔ انہوں نے کہا کہ بھارت كی طرف سے كشمیریوں كی تحریك آزادی كو دہشت گردی قرار دینا افسوسناك ہے اور اس كا پراپیگنڈہ كشمیریوں كی تحریك كو كمزور نہیں كرسكتا اور نہ ہی عالمی برادری كو گمراہ كرسكتا ہے۔ ان کا کہنا تھا کہ مقبوضہ كشمیر میں 7 لاكھ بھارتی فوجی كشمیریوں كی جدوجہد كو دبانے میں ناكام رہے ہیں، بھارتی افواج كی جانب سے بے گناہ كشمیریوں كا قتل خطے كے امن كے لیے خطرہ ہے۔ اجلاس كے بعد جاری اعلامیہ میں كہا گیا ہے كہ پاكستان كشمیریوں كے حق خودارادیت كی جدوجہد كی اخلاقی، سیاسی اور سفارتی حمایت جاری ركھے گا۔ وزیراعظم نواز شریف نے اجلاس سے خطاب كرتے ہوئے كہا كہ اقوام متحدہ كو كشمیر كے بارے میں اپنے نامكمل ایجنڈا كو پورا كرنا چاہیے اور كشمیریوں كو حق خودارادیت دینے كو یقینی بنانا چاہیے۔

ایمزٹی وی(تعلیم )کامسیٹس انسٹیٹیوٹ آف انفارمیشن ٹیکنالوجی کے بورڈ آف گورنرز نے ہارون رشید کے پی ایچ ڈی مقالے میں نقالی ثابت ہونے پر انہیں نوکری سے برخاست کرنے کا فیصلہ کر لیا. قبل ازیں ہارون رشید کو خود حاضر ہو کر اپنے خلاف لگائے گئے الزامات کا دفاع کرنے کے لئے کہا گیا تھا مگر وہ حاضر ہوئے نہ ہی انہو ں نے بورڈ کی جانب سے جاری کردہ نوٹس کا جواب دیا۔ جس کی بناء پر بورڈ آف گورنرز نے اپنے اگلے ہنگامی اجلاس میں متعلقہ قوانین کے مطابق انہیں فی الفور نوکری سے برخاست کرنے کا فیصلہ کر دیا۔