Reporter SS
ایمزٹی وی(آزادکشمیر)وزیراعظم آزادکشمیر چوہدری عبدالمجیدنے کہا ہے کہ آزادکشمیرمیں قتل وغارت کے ذمہ داروفاقی وزراء ہیں ، ہم نے پانچ سالوں میں اخوت بھائی چارے اور رواداری کی سیاست کی، اپوزیشن کو ساتھ لے کرچلے ، آزادکشمیر کو تحریک آزادی کا صحیح معنوں میں بیس کیمپ بنایا۔ وفاقی وزراء نے بھمبر سے اشتعال انگیزی کی ابتدا کی اور آج سارےآزادکشمیر میں کشیدگی ہے ، عوام نے وفاقی وزراء کا ایجنڈاناکام بنادیاہے ،وفاقی وزراء آزادکشمیرکے گلی کوچوں میں نجانے کیاڈھونڈرہے ہیں،انہیں آزاد کشمیر سے کچھ نہیں ملنے والا۔ آزادکشمیرکے عوام باشعور ہیں اورعوام کا استحصال کرنے والوں کے چہروں کو پہچانتے ہیں، 21 جولائی کو عوام ان اقتدار پرستوں کے غباروں سے ہوانکال دیں گے اور انھیں ان کی اصل اوقات یاد دلادیں گے ،21 جولائی کو پیپلزپارٹی آزادکشمیر میں کلین سویپ کریگی۔ وزیراعظم یہاں اپنے حلقہ انتخاب میں مختلف کارنرمیٹنگز اور خواتین کے اجتماع سے خطاب کررہے تھے ۔ وزیراعظم آزادکشمیر نے کہاکہ وفاقی وزراء کو اندازہ ہوگیاہے کہ پیپلزپارٹی الیکشن جیت چکی ہے اب وفاقی وزراء بوکھلاہٹ میں آزاد کشمیر کو بھی صوبہ سمجھنے لگے ہیں اور وہ آزادخطہ کے پرامن ماحول کوخراب کررہے ہیں،وفاقی وزراء ہمیں دھمکیاں دے کرنہ ڈرائیں۔ وزیراعظم نے کہاکہ آزادکشمیر تحریک آزادی کا بیس کیمپ ہے اور آزادکشمیر کا اقتدار کشمیری شہداء کی امانت ہے ، ہم کشمیری شہداء کے لہوکورائیگاں نہیں جانے دیں گے ۔دریں اثناء وزیراعظم آزادکشمیرچوہدری عبدالمجید نے مقبوضہ کشمیرمیں بھارتی بربریت کشمیریوں کے قتل وغارت حریت قیادت کی گرفتاریوں ، نظربندیوں اورکرفیوکے نفاذکی شدید مذمت کرتے ہوئے آزادی پسند دنیاسے اپیل کی کہ وہ مقبوضہ کشمیرمیں قابض بھارتی فورسز کے ہاتھوں ریاستی عوام کا قتل عام بند کرائیں اورریاست جموں وکشمیر کے عوام کو بھارت کے غاصبانہ تسلط سے آزادی دلائیں، وزیراعظم نے کہاکہ بھارت بھی جان لے کہ کشمیری شہداء کا لہورائیگاں نہیں جاسکتا، جبروتشدد قتل وغارت سے اب کشمیریوں کی آزادی کا راستہ نہیں روکاجاسکتا۔
ایمزٹی وی(اسلام آباد)پاکستان نے سعودی عرب میں خودکش حملے میں حملہ آور کے پاکستانی ہونے کے سعودی دعوے کی تحقیقات شروع کریں ، متعلقہ اداروں کو شناخت کے حوالے سے رپورٹ دینے کی ہدایات جاری کر دی گئیں۔
ذرائع کے مطابق سعودی وزارت داخلہ کی جانب سے خود کش حملہ آور کی تفصیلات جاری کیے جانے کے پاکستان نے اپنے طور پر تحقیقات کا فیصلہ کیا ہے۔
پاکستان اپنے اداروں کے ذریعے سعودی دعویٰ کی تحقیقات کرے گا ، دفتر خارجہ نے وزارت داخلہ اور دیگر اداروں کو عبداللہ خان گلزار کے حوالے سے معلومات کی تصدیق کی ہدایات جاری کر دی ہیں۔ تحقیقات کا مقصد اس بات کا پتا لگانا ہے کہ عبد اللہ خان گلزار حقیقت میں پاکستانی ہے بھی یا نہیں، ترجمان دفترخارجہ کا کہنا ہے کہ عبد اللہ خان گلزار کی حتمی شناخت سامنے آنے تک مزید تبصرہ نہیں کریں گے۔ پاکستان سعودی عرب میں ہونے والی دہشتگردی کی شدید الفاظ میں مذمت کرتا ہے۔
ایمزٹی وی(اسلام آباد)پاکستان نے سعودی عرب میں خودکش حملے میں حملہ آور کے پاکستانی ہونے کے سعودی دعوے کی تحقیقات شروع کریں ، متعلقہ اداروں کو شناخت کے حوالے سے رپورٹ دینے کی ہدایات جاری کر دی گئیں۔
ذرائع کے مطابق سعودی وزارت داخلہ کی جانب سے خود کش حملہ آور کی تفصیلات جاری کیے جانے کے پاکستان نے اپنے طور پر تحقیقات کا فیصلہ کیا ہے۔
پاکستان اپنے اداروں کے ذریعے سعودی دعویٰ کی تحقیقات کرے گا ، دفتر خارجہ نے وزارت داخلہ اور دیگر اداروں کو عبداللہ خان گلزار کے حوالے سے معلومات کی تصدیق کی ہدایات جاری کر دی ہیں۔ تحقیقات کا مقصد اس بات کا پتا لگانا ہے کہ عبد اللہ خان گلزار حقیقت میں پاکستانی ہے بھی یا نہیں، ترجمان دفترخارجہ کا کہنا ہے کہ عبد اللہ خان گلزار کی حتمی شناخت سامنے آنے تک مزید تبصرہ نہیں کریں گے۔ پاکستان سعودی عرب میں ہونے والی دہشتگردی کی شدید الفاظ میں مذمت کرتا ہے۔
ایمزٹی وی(اسلام آباد)چیف جسٹس پاکستان جسٹس انور ظہیر جمالی نے ملک میں مردم شماری نہ کرانے کا نوٹس لے لیا ہے اور معاملے پر اٹارنی جنرل آف پاکستان سے جواب بھی طلب کرلیا ہے۔ ذرائع کے مطابق چیف جسٹس نے مردم شماری كے معاملے كا كھلی عدالت میں سماعت كا فیصلہ كرتے ہوئے 15جولائی کی تاریخ كو سماعت كے لیے مقرر كیا ہے۔ چیف جسٹس نے تمام فریقین سے جواب طلب كرتے ہوئے وضاحت مانگی ہے كہ 1998 كے بعد ملك میں مردم شماری كیوں نہیں ہوسكی اور مردم شماری میں تاخیر كی وجہ كیا ہے۔ واضح رہے کہ ملک میں کئی بار مردم شماری کرانے کا فیصلہ مؤخر ہوچکا ہے جس میں حکومت کی جانب سے سیکیورٹی اہلکاروں کی عدم دستیابی سمیت دیگر مسائل بتائے جاتے ہیں۔
ایمزٹی وی(تعلیم)پنجاب یونیورسٹی کے زیر اہتمام طلبہ کی سہولت کے لئے بی ایڈ پرائیویٹ رجسٹریشن 2016 کے لئے فارم جمع کر انے کی تاریخ میں توسیع کر دی گئی ہے جس کے مطابق امیدوار 6500روپے کے ساتھ رجسٹریشن فارم 29جولائی تک جمع کر ا سکتے ہیں۔ تفصیلات پنجاب یونیورسٹی کی ویب سائٹ پر بھی دیکھی جا سکتی ہیں۔ -
ایمزٹی وی(تعلیم)اینٹی کرپشن جامشورو نے لیاقت میڈیکل یونیورسٹی ہیلتھ اینڈ سائنسز جامشورو میں آتشزدگی کے اس واقعے کی تحقیقات شروع کردی ہے جس میں فنانس کے ریکارڈ سمیت دیگر اہم ریکارڈ جل گیا تھا، تفصیلات کے مطابق لیاقت میڈیکل یونیورسٹی ہیلتھ اینڈ سائنسز جامشورو میں کچھ روز قبل ڈائریکٹر فنانس کے آفس کے قریب اسٹور میں آگ لگ گئی تھی جس میں فنانس کے اہم ریکارڈ سمیت دیگر اہم فائلیں جل کر خاک ہو گئی تھیں ، ذرائع کے مطابق اینٹی کرپشن جامشورو نے آتشزدگی کے اس واقعے کی تحقیقات شروع کر دی ہے ، اس سے قبل بھی ڈائریکٹر فنانس سے ریکارڈ طلب کیا گیا تھا مگر مذکورہ آفس میں کئی فائلیں موجود نہ ہونے پر کارروائی نہیں کی گئی تھی، ذرائع کے مطابق اینٹی کرپشن کی ٹیم لمس کے دو ہاسٹلز کو ٹھیکے پر دینے سمیت دیگر اہم معاملات کا ریکارڈ چیک کرے گی جبکہ نجی پوائنٹ بسوں کے حوالے سے بھی تحقیقات کی جائے گی، دوسری جانب مذکورہ معاملے پر ڈائریکٹر فنانس اور انتظامیہ لاعلم ہے اور ان کی جانب سے کسی بھی حوالے سے بات کرنے سے منع کر دیا گیا ہے ۔
ایمزٹی وی(تعلیم)حبیب یونیورسٹی کے 8 طلباء اسٹین فورڈ یونیورسٹی کیلیفورنیا کے زیراہتمام منعقدہ اسٹین فورڈسمرانٹرنیشنل آنرزپروگرام میں شرکت کے لئے امریکا پہنچ گئے ۔یہ پروگرام 2 ماہ تک جاری رہے گا۔ جس میں دنیا کے 14 ممالک کی 20 یونیورسٹیوں کے 100 طلباء شامل ہوں گے ۔ حبیب یونیورسٹی پاکستان کی پہلی یونیورسٹی ہے جس کے طلباء کو اسٹین فورڈ سمر انٹرنیشنل پروگرام میں شرکت کا اعزاز حاصل ہوا ہے ۔ اس پروگرام کا مقصد مختلف ممالک کے طلباء کو یکجا کرکے ان کو ایک دوسرے کی تہذیب اور ایک دوسرے کے خیالات سے ہم آہنگی پیدا کرنا ہے
ایمزٹی وی (اسلام آباد)وفاقی وزیر مذہبی امور سردار یوسف نے وفد کے ہمراہ امام کعبہ شیخ ڈاکٹرصالح بن الحمید سے ملاقات کی جس میں عالم اسلام کے استحکام و اتحادِ امت کے لیے مل کرکام کرنے کی ضرورت پر زوردیا گیا۔ امام کعبہ نے کہاکہ پاکستان اسلامی ممالک میں بہت اہمیت کاحامل ہے۔ پاک سعودی عرب تعلقات بھی انتہائی اہمیت کے حامل ہیں، مسالک کی تفریق کے بغیر سب کو مل کر درپیش مسائل کا مقابلہ کرنا ہو گا۔ وفاقی وزیر مذہبی امور سردارمحمد یوسف نے کہا کہ پاکستان بین المسالک اور بین المذاہب ہم آہنگی کے لیے اہم اقدامات کررہا ہے، علما ومشائخ کونسل کا قیام تمام مسالک کو اکٹھا کرنے کی ایک کاوش ہے۔ انھوں نے کہا کہ سعودی عرب کی طرف سے حجاج کو بہتر سے بہترسہولتوں کی فراہمی پرمشکور ہیں۔ سردار یوسف نے امام کعبہ کو دورہ پاکستان کی دعوت بھی دی جس پر انھوں نے کہا مناسب وقت پر پاکستان کا دورہ کریں گے۔
ایمزٹی وی(تعلیم) امریکا میں 2014-15ء تعلیمی سال کے دوران پڑھنے والے پاکستانیوں کی تعداد میں 8.5 فیصد اضافہ ریکارڈ ہوا ہے۔ 2013-14 کی نسبت 2014-15 کے دوران امریکا میں تعلمی اداروں میں پڑھنے والے پاکستانیوں کی تعداد بڑھ کر 5354 ہوگئی، گزشتہ روزاوپن ڈورز کی جانب سے جاری سالانہ رپورٹ کے مطابق امریکا کے تعلیمی اداروں میں پاکستانی طلبا کی تعداد میں اضافہ انتہائی خوشگوار ہے اور توقع ہیں کہ اس رجحان میں مزید اضافہ ہو گا۔ امریکا میں پڑھائی کے لیے جانے والے پاکستانی طلبا کی تقریب سے خطاب کرتے ہوئے امریکی سفارتخانے کے کلچرل اتاشی ڈاکٹر ڈینئل ایس میتھرن نے کہا کہ پاکستانی طلبا امریکا میں دنیا کی بہترین تعلیم حاصل کرتے ہوئے پاکستانی ثقافت اور اقدار کو بھی فروغ دے رہے ہیں ۔ امریکی کالجوں اور یونیورسٹیوں میں پڑھنے والے 70 پاکستانی طلبا نے روانگی سے قبل ایک تقریب میں شرکت کی جس کا اہتمام ایجوکیشن یو ایس اے نے کیا تھا۔
ایمزٹی وی(تعلیم) ملالہ یوسفزئی کو ان کی کتاب کی مد میں 15 کروڑ روپے سے زائد کی رقم کی ادائیگی کی گئی ہے۔ نوبیل انعام یافتہ پاکستانی لڑکی ملالہ یوسفزئی اب اپنی کتاب کی رقم اور تقاریر کے معاوضے سے کروڑ پتی بن چکی ہیں اور ان کی کتاب ’’آئی ایم ملالہ‘‘ کی لاکھوں کاپیوں کی فروخت سے انہیں 11 لاکھ برطانوی پاؤنڈ آمدنی ہوئی ہے جو ٹیکس ادائیگی کے بغیر ہے جب کہ یہ رقم پاکستانی روپوں میں 15 کروڑ سے زائد بنتی ہے۔ 4 سال قبل سوات میں قاتلانہ حملے کا شکار ہونے والی 18 ملالہ یوسفزئی اس وقت برطانیہ میں مقیم اور ایجبیسٹن ہائی اسکول میں زیرِ تعلیم ہیں۔ ان کے اہلِ خانہ سالارزئی لمیٹڈ کمپنی کے حصص میں شریک ہیں اور گزشتہ اگست تک ان کے والدین کے اکاؤنٹ میں 22 لاکھ پاؤنڈ کے برابر رقم موجود تھی۔ تاہم اگلے سال ملالہ برطانیہ میں ٹیکس کی مد میں 2 لاکھ پاؤنڈ کی رقم ادا کریں گی۔ ملالہ کے خاندان کے مطابق ان کی کتاب کی آمدنی سے حاصل شدہ رقم سے 10 کروڑ روپے پہلے ہی عطیہ کیے جاچکے ہیں۔ اپنی خطابت کی صلاحیت کی بنا پر ملالہ یوسفزئی کو پوری دنیا سے تقاریر کے لیے بلایا جاتا ہے اور وہ ایک تقریر کے ایک لاکھ 14 ہزار پاؤنڈ لیتی ہیں جو ایک کروڑ پاکستانی روپے کے برابر ہے۔ ملالہ یوسفزئی نے 2013 میں لڑکیوں کی تعلیم کے لیے ایک عالمی فنڈ بھی قائم کیا ہے۔ واضح رہے کہ ملالہ یوسفزئی کو سوات میں لڑکیوں کی تعلیم کی حمایت اور اس پر بلاگ لکھنے کے پاداش میں قاتلانہ حملے کا نشانہ بنایا گیا تاہم زندگی اور موت کی کشمکش میں انہیں دماغی سرجری کے لیے برطانیہ منتقل کیا گیا تھا۔