حماس کے عہدیدار کا کہنا ہے کہ گروپ جنگ بندی کے معاہدے پر بات چیت کے لیے تیار ہے۔

سینیئر عہدیدار سامی ابو زہری نے کہا کہ گروپ ایک معاہدے پر بات چیت کے لیے تیار ہے جس سے غزہ میں جنگ کے خاتمے اور اسرائیلی فوج کے مکمل انخلا کو یقینی بنایا جائے۔

انہوں نے کہا کہ ہم نے ثالثوں کی جانب سے نئی تجاویز پر بات کرنے کی درخواست کا جواب دیا ہے۔

ان کا کہنا تھا کہ گروپ غزہ کی پٹی پر جارحیت کو ختم کرنے والی کسی بھی تجویز کے لیے تیار ہے، گروپ کسی ایسے معاہدے کے لیے بھی تیار ہے جو فلسطینی عوام کے مصائب کا خاتمہ کرے اور مستقل جنگ بندی کی طرف لے جائے۔

عہدیدار نے کہا کہ اسرائیلی افواج نے جان بوجھ کر غزہ میں طبی انفراسٹرکچر اور فلسطینی شہری دفاع کے وسائل کو تباہ کیا فلسطینی قوم کے رہنماؤں اور مختلف جماعتوں کی جانب سے مذمتی بیانات اب قابل قبول نہیں ہیں۔

حماس نے اسرائیل کے ساتھ تعلقات کو معمول پر لانے والے ممالک سے فوری طور پر اپنے دوطرفہ تعلقات منقطع کرنے کا مطالبہ کیا ہے۔

مقبوضہ کشمیر میں بھارتی فوج نے اپنی بربریت جاری رکھی ہوئی ہے، بے لگام بھارتی فوجیوں نے جموں میں تین کشمیری نوجوانوں کو گولیاں مار کر موت کے گھاٹ اتار دیا۔

کشمیر میڈیا سروس کی رپورٹ کے مطابق مذکورہ جوانوں کو ضلع جموں کے علاقے اکھنور میں محاصرے اور تلاشی کی کارروائی کے دوران شہید کیا گیا۔

جموں کے اکھنور سیکٹر میں آپریشن کے بعد دوسرے دن بھی سرچ آپریشن جاری رہا، اس سے قبل اسی علاقے میں بھارتی فوج کی ایک گاڑی پر بھی حملہ ہوا تھا۔

بھارتی فوجیوں نے کارروائی کرکے کپواڑہ میں ایک نوجوان گرفتار کرلیا، مذکورہ نوجوان کو علاقے کے محاصرے اور تلاشی کے دوران گرفتار کیا گیا۔

کے ایم ایس کی رپورٹ کے مطابق بے گناہ کشمیریوں کو گرفتار کرنے کے لئے مقبوضہ کشمیر میں اس طرح کی کارروائیاں روز کا معمول بن گئی ہیں۔ 5اگست 2019 سے لے کر اب تک 25 ہزار سے زائد کشمیریوں کو گرفتار کیا جا چکا ہے۔

کشمیر میڈیا سروس کی رپورٹ کے مطابق بھارتی حکومت کی آر ایس ایس پر مبنی پالیسیاں علاقائی ہم آہنگی کے لیے ایک اہم خطرہ ہیں۔

گزشتہ کئی دہائیوں سے بھارت تنازعہ کشمیر کے پُرامن حل میں رکاوٹیں ڈال رہا ہے، جنوبی ایشیا بھارتی محاذ آرائی کی وجہ سے عدم استحکام کا شکار ہے۔

جموں و کشمیر پر بھارت کا وحشیانہ قبضہ جنوبی ایشیا میں امن کی راہ میں رکاوٹ ہے، جنوبی ایشیاء میں امن، عوام کی خواہشات کے مطابق مسئلہ کشمیر کے حل سے مشروط ہے۔

چترال میں پہلی بار بونی انوائرمنٹ اکیڈمی کی طرف سے "موسمِ خزان بائی سائیکل ریلی” کا کامیاب انعقاد کیا گیا۔اپر چترال کے علاقے لاسپور سے سرغوز تک اس 12 کلومیٹر ٹریل پر ہونے والی بائی سائیکل ریلی میں 12 بچوں اور بچیوں نے شرکت کی۔اس ریلی کا مقصد نوجوانوں میں ماحولیات کی اہمیت اجاگر کرنا اور صحت مند اور ماحول دوست سرگرمیوں کو فروغ دینا تھا۔اس ریلی کے انعقاد میں بونی انوائرمنٹ اکیڈمی کو کینیڈین سفارت خانے کا تعاؤن حاصل تھا۔

چترال میں پہلی بار بونی انوائرمنٹ اکیڈمی کی طرف سے "موسمِ خزان بائی سائیکل ریلی” کا کامیاب انعقاد کیا گیا۔اپر چترال کے علاقے لاسپور سے سرغوز تک اس 12 کلومیٹر ٹریل پر ہونے والی بائی سائیکل ریلی میں 12 بچوں اور بچیوں نے شرکت کی۔اس ریلی کا مقصد نوجوانوں میں ماحولیات کی اہمیت اجاگر کرنا اور صحت مند اور ماحول دوست سرگرمیوں کو فروغ دینا تھا۔اس ریلی کے انعقاد میں بونی انوائرمنٹ اکیڈمی کو کینیڈین سفارت خانے کا تعاؤن حاصل تھا۔

آسٹریلیا کے معروف وکٹ کیپر بلے باز نے میتھو ویڈ نے بین الاقوامی کرکٹ سے ریٹائرمنٹ کا اعلان کر دیا ہے۔

کرکٹ ویب سائٹ کرک انفو کے مطابق آسٹریلیا کے وکٹ کیپر میتھیو ویڈ نے ریڈ بال کے بعد اب وائٹ بال انٹرنیشنل کرکٹ سے ریٹائرمنٹ کا اعلان کر دیا ہے۔ اس کے ساتھ ہی ان کا 13 سالہ بین الاقوامی کرکٹ کیریئر اپنے اختتام کو پہنچ گیا ہے۔

میتھیو ویڈ نے آسٹریلیا کے لیے 36 ٹیسٹ، 97 ون ڈے اور 92 ٹی ٹوئنٹی انٹرنیشنل میچز کھیلے۔ ان کی پاکستان کے خلاف 2021 کے ٹی 20 ورلڈ کپ کے سیمی فائنل میں 17 گیندوں پر 41 رنز کی نا قابل شکست میچ وننگ اننگ یادگار کارکردگی ہے۔

واضح رہے کہ اس سے قبل میتھیو ویڈ نے رواں سال مارچ میں ٹیسٹ کرکٹ سے ریٹائرمنٹ کا اعلان کیا تھا۔

میتھیو ویڈ نے انٹرنیشنل کرکٹ سے ریٹائرمنٹ کے بعد کوچنگ کا سفر شروع کر دیا ہے اور انہیں کرکٹ آسٹریلیا نے آئندہ ماہ پاکستان کے خلاف ون ڈے اور ٹی ٹوئنٹی انٹرنیشنل سیریز کے لیے کوچنگ اسٹاف میں شامل کر لیا ہے۔

یاد رہے کہ پی ایس ایل 8 میں آسٹریلوی وکٹ کیپر بیٹر میتھیو ویڈ نے کراچی کنگز کی نمائندگی کی تھی۔

آرٹس کونسل کراچی میں جاری 38 روزہ ورلڈ کلچر فیسٹیول کے 33 ویں روز شرکا نے قطاروں میں لگ کر ٹکٹ خریدے اور پھر تھیٹر پلے ’بوئنگ بوئنگ‘ دیکھ کر ہنسی سے لوٹ پوٹ ہوئے۔

تھیٹر پلے میں گڈو کی لچھے دار گفتگو، نرگس، نجمہ اور زرینہ کو بے وقوف بناتا چرب زبان کنوارا اور چالباز جمیل، جس نے تینوں لڑکیوں کو محبت کے جال میں پھنسایا، جمی کا دوست بشیر پنڈی سے آیا اور گھر کے تماشے دیکھ کر حیران ہوا، پھر بشیر، نجمہ سے دل ہار بیٹھا، کھیل کے آخر میں جمیل کی چالبازی سے بھی پردہ اٹھتا ہے۔

آرٹس کونسل میں جاری عالمی ثقافتی میلے کے آخری ہفتے بھی خوب چہل پہل دکھائی دیتی ہے جہاں ملکی اور بین الاقوامی فنکار حاضرین کو محظوظ کررہے ہیں تو وہیں پولیس کے جوان بھی شرکا کے تحفظ کی ضمانت بنے ہوئے ہیں۔

عالمی ثقافتی میلے میں ورلڈ میوزیکل کانسرٹ، ڈانس پرفارمنس اور تھیٹرکی رنگارنگی اور خوشیوں کے ساتھ تحفظ کا احساس بھی ہوتا ہے کیوں کہ محافظ اپنا فرض بخوبی نبھارہے ہیں، خواتین کی چیکنک کیلئے بھی اسٹاف تعینات ہے۔

فیسٹیول کے 34 ویں روز سوئیٹزرلینڈ کا تھیٹر گروپ کھیل ’شیم آن یو‘ میں اپنی اداکاری سے پاکستانیوں کے دل جیتے گا۔

ایرانی تیل کی ترسیل پر پابندی کے خلاف بلوچستان اسمبلی میں احتجاج کیا گیا، اپوزیشن ارکان اسمبلی نے پابندی ہٹانے کا مطالبہ کردیا۔

ایرانی تیل کی ترسیل پر پابندی کے خلاف بلوچستان اسمبلی کے اپوزیشن ارکان نے پلے کارڈ اٹھار کر اسمبلی میں کھڑے ہوکر احتجاج کیا، صوبائی اسمبلی کے اندر اور باہر الگ الگ احتجاج کیا گیا۔

اپوزیشن ارکان نے کہا کہ ایرانی تیل کے کاروبار سے 50 لاکھ لوگ منسلک ہیں، افسوس ہے کہ اس کاروبار کو اسمگلنگ کا نام دیا جارہا ہے۔

اس موقع پر اپوزیشن ارکان واک آؤٹ کرکے اسمبلی کے باہر احتجاج میں شامل ہوگئے، مکران اور رخشاں ڈویژن کے مکینوں نے بارڈر ٹریڈ کھولنے کا مطالبہ کیا۔

اسپیکر اور صوبائی وزیر فشریز کی یقین دہانی پر ایرانی تیل کی ترسیل پر پابندی کے خلاف احتجاج کرنے والوں نے احتجاج ختم کیا۔

واشنگٹن : بانی پی ٹی آئی کی رہائی کیلئے اراکین کانگریس کا خط صدر بائیڈن کو مل گیا، امریکی ترجمان کا کہنا ہے کہ خط کا مناسب وقت پر جواب دیں گے۔

تفصیلات کے مطابق ترجمان امریکی محکمہ خارجہ میتھیو ملر کی پریس بریفنگ کے دوران امریکی کانگریس اراکین کے صدر بائیڈن کو خط سے متعلق سوال کیا گیا‌۔

جس پر میتھیو ملر نے کانگریس اراکین کا خط ملنے کی تصدیق کردی اور کہا بانی پی ٹی آئی سے متعلق اراکین کانگریس کا خط ہمیں موصول ہوا ہے تاہم اراکین کانگریس کو مناسب وقت پر جواب دیں گے۔

ترجمان امریکی محکمہ خارجہ کا مزید کہنا تھا کہ امریکا پاکستان میں جمہوریت کو پھلتے پھولتے دیکھنا چاہتا ہے۔

صحافی نے امریکا کی ڈپٹی اسسٹنٹ سیکرٹری کی اسلام آباد میں پاکستانی حکومت کےنمائندے سے ملاقات سے متعلق سوال پوچھتے ہوئے کہا کہ ملاقات کے بعد بانی پی ٹی آئی کی اہلیہ اور بہنوں کو رہا کر دیاگیا؟

جس پر ترجمان نے کہا کہ میں پاکستان میں بنیادی آزادیوں کواستعمال کرنےکے بنیادی حق پربات ہوئی۔

صحافی نے سوال کیا کیا امریکا نے بانی پی ٹی آئی کی اہلیہ اور بہنوں کی رہائی میں کوئی کردار ادا کیا ہے؟ تو ترجمان امریکی محکمہ خارجہ نے جواب دینے سے گریز کیا اور کہا میں اس پر کوئی بات نہیں کروں گا۔

پشاور: پشاور ہائی کورٹ نے بانی پی ٹی آئی کی اہلیہ بشریٰ بی بی کوکسی بھی مقدمے میں گرفتار نہ کرنے کا حکم دے دیا۔

تفصیلات کے مطابق پشاورہائیکورٹ میں بانی پی ٹی آئی کی اہلیہ بشریٰ بی بی کی مقدمات تفصیل کیلئے دائردرخواست پرسماعت ہوئی۔

جسٹس شکیل احمد،جسٹس صاحبزادہ اسد اللہ پر مشتمل بنچ نےسماعت کی، وکیل درخواست گزار نے کہا کہ چاروں صوبوں میں کیسز درج ہیں، جس پر جسٹس شکیل احمد نے استفسار کیا بشریٰ بی بی کےخلاف خیبر پختونخوا میں تو کوئی کیس نہیں ہوگا؟

وکیل درخواست گزار نے بتایا کہ جی یہاں پر کیس نہیں اس وجہ سے یہاں آئےہیں تو جسٹس اسداللہ نے ریمارکس دیئے یہاں کوئی کیس نہیں توکیا دوسرے صوبوں کیلئے او منی بس دے سکتے ہیں۔

وکیل نے کہا دوسرے صوبوں میں مقدمات ہوں تو یہاں سے حفاظتی ضمانت لےسکتےہیں ، جس پر جسٹس صاحبزادہ اسد اللہ کا کہنا تھا کہ دائرہ اختیار میں آئےتوالگ بات ہےاورلایاجائےتوالگ بات ہے، کے پی میں کیس نہیں ہے تو پنجاب، بلوچستان اور سندھ کیلئےحفاظتی ضمانت دے سکتے ہیں۔

قاضی انور ایڈوکیٹ نے بتایا کہ ہائیکورٹ کی جانب سےپہلےبھی عدالتی ضمانتیں دی گئی ہیں تو جج کا کہنا تھا کہ یہ نہیں کہناچاہتےکہ حفاظتی ضمانت نہیں دے رہے صرف معاونت لینا چاہتے ہیں۔

جسٹس شکیل احمد نے ریمارکس دیے آرٹیکل 199 میں دائر اختیار کا لفظ استعمال ہوا ہے، قاضی صاحب سے ہم سیکھنا چاہتے ہیں اس لیےسوالات کرتےہیں۔

عدالت نے بانی پی ٹی آئی کی اہلیہ کو کسی بھی مقدمےمیں گرفتارنہ کرنےکاحکم دیتے ہوئے کہا کہ اٹارنی جنرل آفس مقدمات تفصیل سےمتعلق تفصیلی رپورٹ جمع کرائے۔

پشاور ہائیکورٹ کا اٹارنی جنرل آفس کو 14 دن میں رپورٹ جمع کرانے کا حکم دے دیا۔

پشاور : وزیراعلیٰ خیبر پختونخوا علی امین گنڈاپور نے وفاقی اور پنجاب حکومت کو پورا پاکستان بند کرنے کی دھمکی دیتے ہوئے کہا حکومت ہمیں مجبور کر رہی ہیں کہ ہم پر امن نہ رہیں۔

تفصیلات کے مطابق وزیراعلیٰ خیبرپختونخواعلی امین گنڈاپور نے ویڈیو پیغام میں کہا ہے کہ وفاقی اور پنجاب حکومت نے بانی پی ٹی آئی سے بدترین رویہ اختیار کیا ہوا ہے، جیل میں بانی پی ٹی آئی کو سہولتیں نہیں دی جا رہیں۔

وزیراعلی کے پی کا کہنا تھا کہ بانی پی ٹی آئی کو کبھی کھانا نہیں دیا جاتا تو کبھی بجلی بند کردی جاتی ہے، وفاقی اور پنجاب حکومت کو وارننگ دیتا ہوں بانی کی کوئی شکایت آئی تو پورا پاکستان بند کردیں گے۔

علی امین نے کہا کہ ہم حکومت کے دن گن رہےہیں، بہت جلد پورے پاکستان کو بند کرکے حکومت سے چھٹکاراحاصل کریں گے ، حکومت مجبور کر رہی ہے ہم پرامن نہ رہیں۔

ان کا کہنا تھا کہ بانی پی ٹی آئی سےغداری کرنےوالوں کی جماعت میں کوئی گنجائش نہیں، ہماری پارٹی میں نظریاتی لوگ ہیں جو نظریہ کےساتھ کھڑےہیں اور وہ وقت دورنہیں جب ہمیں اپنی منزل مل جائے گی۔

یاد رہے گذشتہ روز علیمہ خان نے کہا تھا کہ پتا نہیں بانی پی ٹی آئی کوکیا دیا گیا کہ ان کی طبیعت خراب ہوگئی ہے، تین اکتوبرسے سیل میں بند کیا ہواتھا اور ورزش کیلیے سائیکل نہیں دی جارہی۔