1971 کو آج ہی کے روز پاک بھارت جنگ کے دوران مشرقی پاکستان کو ہم سے الگ  ہوئے آج تنتالیس برس گزر چکے ہیں ، مگر آج بھی اس دن کی تکلیف اور اذیت کا اثر کم نہ ہوسکا ہے۔ کہا جاتا ہے کہ ملک کے دونوں بازوؤں کے درمیان پہلی دراڑ، اردو کو قومی زبان کا درجہ دیئے جانے پر پڑی، جسے اس وقت کی حکمران جماعت کی جانب سے 1951 میں مشرقی پاکستان میں انتخابات نہ کرواکر گہرا کیا اور وقت گزرنے کے ساتھ ساتھ اس میں مزید اضافہ ہوتا گیا۔1970 کے عام انتخابات میں مجیب الرحمان کو واضح اکثریت ملی لیکن اقتدار انہیں سونپنے کے بجائے آمریت کا سہارا لیا گیا اور بالاخر بھارتی جارحیت نے ملک کو توڑنے کے لئے تابوت میں آخری کیل ٹھونک دی ۔جس کے بعد پرتشدد مظاہروں سے حالات مزید بگڑ گئے۔دشمن نے بھی اس کا پورا فائدہ اٹھاتے ہوئے جنگی عزائم کو عملی جامہ پہنایا اور پاکستان پر جنگ مسلط کر دی جو سقوط ڈھاکہ پے ختم ہوئی ۔مشرقی پاکستان میں ملک کو ٹوٹنے سے روکنے کے لئے قربانیاں بھی دی گئیں تھیں اور بھارتی سازشوں کا مقابلہ کرنے کی ہر ممکن کوشش بھی کی گئی تھی ان میں بنگالی اور غیر بنگالی دونوں ہی شامل تھے۔  گو کہ اب مشرقی پاکستان کو بنگلہ دیش بنے تینتالیس برس گزر گئے ہیں لیکن کروڑوں پاکستانیوں کے دل آج بھی مشرقی پاکستان کے لئے دھڑکتے ہیں۔ اس موقع پر ملک بھر میں مختلف سیاسی، سماجی اور مذہبی تنظیموں کی جانب سے سیمینارز ، ریلیاں اور دیگر تقریبات منعقد کی جارہی ہیں،تجزیہ کار کہتے ہیں تاریخ سکھاتی ہے کہ سیاسی اور انتظامی فیصلوں میں غلطیوں سے بچاجاتا  تو آج پاکستان کی تاریخ پر یہ سیاہ داغ نہ ہوتا۔

ایمز ٹی وی (نیوز ڈیسک)کوئٹہ میں نوجوانوں کی پاسنگ آؤٹ پریڈ کے تقریب کے مہمان خصوصی چیف آف آرمی اسٹاف جنرل راحیل شریف ہیں-  اس موقع پرپاک فوج کے ۵۸۰جوانوں نے تربیت کا عملی مظاہرہ بھی کیا ، تقریب میں فنکاروں کی عمدہ پرفارمنس نے حاضرین کو خوب محظوظ کیا۔ 

کوئٹہ کینٹ میں تقریب کا باقاعدہ آغاز تلاوت کلام پاک سے ہوا ، جس کے بعد بلوچستان سے پاک فوج میں شامل ہونے والے فوجی جوانوں کے چاک و چوبند دستے نے مارچ پاسٹ کیا ۔  ۔ فنکاروں نے مقامی زبانوں میں رقص اور ملی نغمے پیش کر کے حاضرین کو محظوظ کیا ۔ تقریب میں وزیر اعلیٰ بلوچستان صوبائی وزراء اور قبائلی عمائدین نے بھی شرکت کی ہے جبکہ کمانڈر سدرن کمانڈر لیفٹینٹ جنرل ناصرخان جنجوعہ بھی تقریب کا حصہ ہیں ۔ اس موقع پر سیکورٹی کے سخت انتظامات  بھی کیے گئے ہیں۔

ایمزٹی وی (موسمیات) پنجاب کے مختلف علاقوں میں دھند کے ڈیرے، حد نگاہ صفر ہونے پر شيخو پورہ سے لاہور تک موٹروے دو مقامات پر بند کردی گئی۔ پنڈی بھٹیاں سے فیصل آباد تک بھی موٹروے بند کردی گئی۔ پشاور، اسلام آباد موٹروے ایم 1اور 2 پر حد نگاہ 5 میٹر رہ گئی۔ رپورٹ کے مطابق پنجاب کے دیگر شہروں کی طرح لاہور میں بھی دھند پڑنی شروع ہو گئی ہے۔ شدید دھند کے باعث لاہور سے کالا شاہکاکو تک موٹروے کو ٹریفک کے لیے بند کر دیا گیا ہے۔ موٹروے ذرائع کے مطابق موٹروے پر لاہور سے کالا شاہکاکو حد نگاہ صفرہونے پر ٹریفک کے لیے بندکر دیا گیا۔ موٹروے ذرائع کے مطابق بابو صابو انٹر چینج اور ٹھوکر نیاز بیگ انٹر چینج سے موٹروے پر جانے والی ٹریفک کو روک دیا گیا ہے جبکہ لاہور سے بھیرہ اور پنڈی بھٹیاں سے فیصل آباد تک موٹروے مختلف مقامات پر شدید دھند کی لپیٹ میں ہیں جسکے باعث موٹروے پرسفر کرنے والی گاڑیوں کواحتیاط اور اسپیڈ آہستہ رکھنے اورفوگ لائیٹس کے استعمال کی ہدایت دی جا رہی ہیں ۔

ایمزٹی وی (سیاسی) لاہور کی سڑکیں بند ہونے سے مریضوں کو بھی راستہ نہ مل سکا جسکی وجہ سے 4 مریض اسپتال جاتے ہوئے راستوں میں ہی دم توڑ گئے، مشیر صحت پنجاب سلمان رفیق کا کہنا ہے کہ 17 دن کی بچی، 15سالہ لڑکے سمیت چار مریض اسپتال جاتے ہوئے راستوں میں ہی دم توڑ گئے۔ شاہدرہ کا 15سالہ لڑکا ایمبولینس میں، 17دن کی بچی کو چلڈرن اسپتال لایا جارہا تھا، دونوں شاہدرہ موڑ پر راستہ نہ ملنے اور اسپتال نہ پہنچنے کی وجہ سےدم توڑگئے۔ چوڑے پل پر راستہ نہ ملنے پرچونگی امرسدھو کا رہائشی رکشےمیں دم توڑگیا، 60سال کا شخص دل کا مریض تھا اوراسے پی آئی سی لے جایا جا رہا تھا، جبکہ 17 سال کی لڑکی کے بھی ایمبولینس میں دم توڑنے کی اطلاعات ہیں ۔