ایمز ٹی وی (بنوں) پاکستان میں داعش کے مبینہ گروپ کانام سامنے آگیاہے جس نے  بنوں کے مختلف مقامات پر راتوں رات پوسٹر لگادیئے گئے ہیں جن پر امیر ابوہریرہ سیف اسلام گروپ دولت اسلامیہ درج ہے اور پاکستان میں یہ پہلا موقع ہے جب کسی بھی گروپ نے پوسٹرز پر اپنے نام کے ساتھ دولت اسلامیہ استعمال کیا ۔پوسٹرز کے متن میں کہاگیاہے کہ کالعدم تنظیمیں غیرملکیوں کی ایماءپر خون بہارہی ہیں ، مسلمان بھائی اسلام کے نام دھوکہ کھارہے ہیں ، دھماکوں سے کب تک مرتے رہیں گے ، تنظیم کے ساتھ تعاون کریں ۔

 ایمز ٹی وی (اسلام آباد) قائد حزب اختلاف قومی اسمبلی خورشید شاہ نے کہا ہے کہ حکومت اگر عمران کان سے مذاکرات نہیں کرے گی تو اپنے لیے گڑھے کھودے گی۔ حکومت اور عمران خان دونوں ریاست کو نقصان پہنچانے پر تلے ہوئے ہیں ،انکا کہنا تھا کہ حکومت کو عمران خان سے مذاکرات کرنے پڑیں گے ورنہ اگر نہیں کریں گے توخود کو نقصان پہنچائیں گے ۔خورشید شاہ نے کہا کہ وہ وزیراعظم سے خود کہیں گے کہ عمرا ن خا ن سے مذاکرات نہ کرنے کافیصلہ انتہائی افسوسناک ہے اور عمران خان بھی اپنے عزائم میں کامیاب نہیں ہوں گے کیوں کہ عمران خا ن کی کال پر ملک بند نہیں ہو گا ۔

 ایمز ٹی وی (کراچی) ایبولاوائرس کے شبہ میں ایک اور پاکستانی شہری کوجناح اسپتال منتقل کردیاگیاہے،45سالہ محمد ہارون لائبیریا سے پاکستان آیاتھااور سکریننگ کے لیے ہسپتال منتقل کردیاگیا۔

ڈاکٹرسیمی جمالی نے بتایاکہ مریض کو ایئرپورٹ حکام نے ہسپتال منتقل کیاہے اور تیز بخار کی شکایت پر آئسولیشن وارڈ میں منتقل کیاگیاجہاں مختلف ٹیسٹ کیے جائیں گے ۔ہسپتال ذرائع کے مطابق مریض کا درجہ حرارت اب نارمل ہے اور ایبولاوائرس کاخدشہ کم ہے ۔ واضح رہے کہ محمد ہارون29نومبر کو لائبیریاسے آیاتھا اور دوران پرواز ہی تیز بخار ہوگیا جو 103پر ریکارڈ کیاگیا تھا۔

 ایمز ٹی وی (سکھر) قائدین کے ہمراہ پریس کانفرنس سے خطاب کرتے ہوئے مولانافضل الرحمان نےاحتجاجی تحریک شروع کرنے کا اعلان کردیا،جس کا آغاز پانچ دسمبر سے ہوگااحتجاج میں 20دسمبر کو صوبائی، ڈسٹرکٹ ہیڈکوارٹرزپرجلسے ، مظاہروں ہوں گے جبکہ یکم مارچ کو اسلام آباد میں بڑامظاہرہ ہوگا،انکا کہنا تھا کہ خالد محمود سومرو کی شہادت سب کے لیے بڑاسانحہ ہے ، رہنماﺅں کی شہادتوں پر خاموش تماشائی نہیں بن سکتے ، اس وقت پوری دنیا میں امریکہ کا ایجنڈا چل رہاہے اور امریکہ نے 2001ءسے مذہبی جماعتوں کونشانہ بنارکھاہے ،جے یوآئی ایف ملک کی سب سے بڑی جماعت ہے، مولاناعبدالغفور حیدری نے کہاکہ اب تک مولانافضل الرحمان پر بھی تین حملے ہوچکے ہیں جن پر صوبائی حکومتوں نے اطمینان بخش جواب نہیں دیا۔