ایمز ٹی وی (فارن ڈِسک)

مصرمیں ایک عدالت ملک کے معزول صدر حسنی مبارک کے خلاف سنہ 2011 میں بغاوت کے دوران لوگوں کو قتل کرنے کی سازش کے مقدمے کی دوبارہ سماعت کے بارے میں فیصلہ سنانے والی ہے۔

مصر کی اپیل کورٹ نے گذشتہ سال تکنیکی وجوہات کی بنا پر سنہ 2012 میں حسنی مبارک کو عمر قید سنائی تھِی-

اگرعدالت  نے حسنی مبارک کو اس مقدمے سے بری کیا تو  وہ رہا نہیں ہوں گے کیونکہ وہ پہلے ہی بدعنوانی کے مقدمے میں تین برس کی سزا کاٹ رہے ہیں۔

مصر کے سابق وزیرِ داخلہ حبیب العدلی کے ساتھ حسنی مبارک کو بغاوت کے علاوہ قتل کی سازش کے لیے سزا سنائی گئ تھی-

مصر کی عدالت نے اگست میں حسنی مبارک کو جیل سے رہائی کا حکم دیتے ہوئے انھیں قاہرہ کے ایک فوجی ہسپتال میں منتقل کرنے کا حکم دیا تھا جہاں وہ نظر بند ہیں۔

ایمزٹی وی (نیوز ڈیسک)  تھر کے ڈسٹرکٹ ہیڈ کوارٹر مٹھی کے سب سے بڑے سرکاری اسپتال میں زیر علاج 10 ماہ کی ساجدہ دار فانی سے کوچ کرگئی۔ جس کے بعد ضلع بھر میں رواں ماہ غذائی قلت کا شکار ہوکر زندگی سے منہ موڑنے والے افراد کی تعداد 98 ہوگئی ہے۔ اس کے علاوہ مٹھی، اسلام کوٹ، ڈیپلو اور چھاچھرو کے مختلف سرکاری اور نجی اسپتالوں میں درجنوں بچے زیر علاج ہیں۔

دوسری جانب ضلع بھر میں محکمہ لائف اسٹاک کا عملہ بھی اپنے مطالبات کے لئے  گزشتہ 15 روز سے ہڑتال پر ہے جس کی وجہ سے مویشیوں کی ویکسنیشن  نہیں ہورہی اور اب تک مٹھی، ڈیپلو اور چھاچھرو میں  سیکڑوں مویشی ہلاک ہوچکے ہیں۔

 ایمز ٹی وی (اسلام آباد) سابق صدر پر ویز مشرف نے کہا ہے کہ لگتا ہے 2007ءمیں میرے خلاف ایک منظم مہم چلائی گئی،میرے خلاف ایک عالمی سازش کا امکان بھی ہوسکتا ہے۔انکا کہنا تھا کہ جب میرا کیس آگئے بڑھے گا تو سب سامنے آئینگے جو ایمرجنسی کے اقدامات میں شامل تھے، مشرف نے کہا کہ اکبر بگٹی اور لال مسجد آپریشن کا فیصلہ حکومت کا تھا،جب بگٹی کی خبر آئی تو میں مری میں نہیں تھا یہ کہنا غلط ہے کہ میں مری میں تھا اور ڈانس کررہا تھا۔ اگر بگٹی کو مارنا مقصود ہوتا تو چار افسر وہاں موجود نہ ہوتے، کسی اور نے اکبر بگٹی کی غار پر راکٹ فائر کئے یا دھماکہ کیا، بلوچستان آپریشن میں 70علیحدگی پسندوں کو مارا گیا۔ اگر کو ئی علیحدگی پسند ملک کے اندر یا باہر رہ کر یہ کہے کہ وہ پاکستان کے ساتھ نہیں رہنا چاہتا تو اس کا کوئی مستقبل نہیں ہے۔ لال مسجد، افتخار چوہدری اور بلوچستان آپریشن کے فیصلے درست تھے، ای سی ایل کا معاملہ اپنی وکلاءٹیم پر چھوڑرہا ہوں،میں ایک آزادی شہری ہوں جب چاہوں ملک سے باہر جاﺅں اور جب چاہوں واپس آﺅں، یہ میرا ملک ہے جب چاہوںملک میں آجا سکتا ہوں، میرا ملک سے باہر جانے کا اب بھی ارادہ ہے لیکن میں بار بار حکومت سے درخواست نہیں کرسکتا کہ میرا نام ای سی ایل سے نکالا جائے۔حکومت میں چیک اینڈ بیلنس کیلئے فوج کا کردار ضروری ہے ۔ میں سیاست میں نہیں لیکن اب بھی 58ٹو بی کا حامی ہوں۔

ایمز ٹِی وی (فارن ڈِسک)ہانگ کانگ میں جمہورت نوازوں کی پولیس کےساتھ جھڑپیں دوبارہ شروع ہوگئی ہیں۔ ہانگ کانگ میں گزشتہ چند ہفتوں سے جمہوریت کے حق میں مظاہرہ کرنے والے افراد کے ساتھ پولیس کی جھڑپوں سے حالات میں مزید خرابی کے اشارے سامنے آئے ہیں۔ پولیس کی کوشش ہے کہ ہانگ کانگ کے سب سے زیادہ بد امنی والے ڈسٹرکٹ مونگ کوک پر مکمل کنٹرول حاصل کر سکیں-  لیکن لگتا ہے کہ مونگ کوک کا علاقہ پولیس اور مظاہرین کے درمیان تناؤ اور جھڑپوں کا مرکز بن گیا ہے- سن 1997 میں ہانگ کانگ کی انتظامی عملداری برطانوی حکومت نے چین کے سپرد کر دی تھی اور حالیہ مظاہروں کا سلسلہ خصوصی اختیارات کی حامل انتظامیہ کے لیئے آزمائش بن کر رہ گیا ہے۔a