ایمز ٹی وی ( انٹر ٹینمنٹ )اداکارہ ویناملک نے اسدخٹک سے خلع لے لی۔۔۔چار سال پہلےدھوم دھام سے شادی کرنیوالی ویناکہتی ہیں معاف کیجیےابھی اس معاملے پربات نہیں کرسکتی، امیدہےآپ صورتحال کی نزاکت سمجھ سکتے ہیں۔دوسری جانب اسد خٹک کا کہنا ہے کہ وینامیری بیوی ہے،بہت پیارکرتاہوں۔

اسد خٹک نے کہا کہ جب ہم راضی ہوجائیں گےتوعدالت بھی فیصلہ ہمارےحق میں دےگی۔شادی برقراررہےگی،جب میاں بیوی راضی توکیاکرےگاقاضی! انہوں نے کہا کہ وینا اگر آپ مجھ سے ناراض ہو تو میں آپ سے معافی مانگتاہوں،میں نے آپ کو کوئی تکلیف پہنچائی ہو توبھی معافی مانگتاہوں،بزرگ ہمارےدرمیان صلح کرائیں گے۔

اسد خٹک کا کہنا تھا کہ وینا اچھی بیوی، اچھی ماں اور اچھی دوست ہے، میاں اور بیوی میں لڑائی جھگڑے ہوتے رہتے ہیں، چاہتاہوں کہ صلح ہوجائے۔

انہوں نے مزید بتایا کہ جنوری میں عمرے پر گیا اور پھر وہیں سےامریکا چلا گیاتھا۔میں ملک سےباہر تھا پچھلے ہفتے ہی واپس آیا ہوں۔