ایمز ٹی وی(مانیٹرنگ ڈیسک) میل آن لائن رپورٹ کے مطابق جارج ٹاﺅن یونیورسٹی کے
پروفیسر میکاہ شیر کا کہنا ہے کہ ”ہیکرز کسی بھی یوٹیوب ویڈیو میں خفیہ آواز کے ذریعے کمانڈز (Commands)شامل کر سکتے ہیں اور اس کے ذریعے موبائل فون کو ہیک کر سکتے ہیں۔ یہ آواز انسانوں کی سمجھ سے بالاتر ہوتی ہے
ہیکرز نے لوگوں کے موبائل فون اور کمپیوٹرز ہیک کرنے کے سینکڑوں طریقے ایجاد کر رکھے ہیں لیکن بہت کم لوگ جانتے ہوں گے کہ صرف یوٹیوب کی ویڈیو کے ذریعے بھی موبائل فون ہیک کیا جا سکتا ہے۔
ہیکرز کا یہ حربہ اگرچہ ہر بار کارگر ثابت نہیں ہوتا مگر یہ نمبروں کا کھیل ہے۔ اگر 10لاکھ لوگ ہیکرز کی بنائی گئی ویڈیو دیکھتے ہیں جس میں کسی کمانڈکی حامل خفیہ آواز شامل کی گئی ہوتو ان میں سے کم از کم 10ہزار لوگوں کا فون ان کے قریب ہی پڑا ہو گا اور ویڈیو میں شامل خفیہ پیغام ان موبائل فونزکے سمارٹ اسٹنٹ کو ایسی ہدایات دے گا جس سے سمارٹ اسٹنٹ فون میں ایسی چیزیں کر دے گا کہ وہ فون ہیکر کے کنٹرول میں چلے جائیں گے۔
ہیکر اس طریقے سے سپیکر سے 10کے فاصلے تک دور پڑے موبائل فون کو بھی ہیک کر سکتے ہیں۔ انھوں نے اس کا تجربہ کیا جس میں شامل خفیہ کمانڈ میں ”اوکے گوگل“ کے لفظ شامل کیے گئے تھے۔ ان خفیہ کمانڈز کے ذریعے ہیکرز فون سے تصاویراور ویڈیوز بنوا کرحاصل کر سکتے ہیں، فون کال کروا سکتے ہیں اور رقم بھی ٹرانسفر کروا سکتے ہیں۔
یہ خفیہ آواز کمپیوٹر کے ذریعے پیدا کرکے ویڈیو میں شامل کی جاتی ہے۔ صارفین کو اس طرح کی ہیکنگ سے بچانے کے لیے موبائل فون بنانے والی کمپنیوں کو آواز کی پہچان کرنے والے سافٹ ویئر میں فلٹر لگانے چاہئیں جو انسانوں کی آواز کو کمپیوٹر کی پیدا کردہ آواز سے الگ کرکے ان کی شناخت کر سکیں۔ اس کے علاوہ صارفین اپنے موبائل فونز میں اس فیچر کو آف کرکے بھی ہیکرز سے بچ سکتے ہیں۔