ایمزٹی وی(انٹرنیشنل)کالا دھن سفید کرنے والے بدعنوان عناصر کی قانونی معاونت سے شہرت حاصل کرنے والی بین الاقوامی فرم موزیک فونسیکا کے دونوں مالکان جرگن موزیک اور ریمون فونسیکا کو گرفتار کر لیا گیا ہے۔
بین الاقوامی فرم موزیک فونسیکا کے ایک مالک ریمون فونسیکا پاناما کے صدر جان کارلوس کے معاون بھی رہ چکے ہیں تاہم دونوں مالکان کو برازیل میں کرپشن کیس میں ملوث ہونے کی بنا پر پاناما سے ہی گرفتار کیا گیا۔
یاد رہے کہ بین الاقوامی فرم موزیک فونسیکا کی جانب سے دنیا بھر کے کرپٹ افراد کی معاونت پر پاناما پیپرز کے نام سے رپورٹ جاری ہوئی تھی جو ایک کروڑ دس لاکھ سے زائد دستاویزات پر مشتمل ہے۔
موزیک فونسیکا کالا دھن سفید کرنے والوں کو پاناما میں آف شور (بے نامی) کمپنیاں بنا کردیتی ہے اوران کمپنیوں کو قانونی معاونت فراہم کرتی ہے۔