ایمز ٹی وی(سرینگر) مقبوضہ کشمیر میں قابض بھارتی فوج نے ظلم و ستم کی انتہا کردی، کشمیر کے متنازعہ علاقے میں دوست کے ساتھ ٹہلنے پر 11سالہ بچے کواٹھک بیٹھک کرنے پر مجبور کیااوراس سزا کے دوران بچے پر ہنس کر اس کی تضحیک بھی کی گئی۔ بدھ کو میر مہران نامی 11سالہ بچہ اپنے دوست کے ہمراہ گلی میں ٹہل رہا تھا کہ وہاں موجود قابض بھارتی فوج نے دونوں بچوں کو روک کر ان کی تضحیک کی اور گھر سے باہر گھومنے کی وجوہ پوچھتے ہوئے انہیں اٹھک بیٹھک کرنے پر مجبور کیااور اٹھک بیٹھک کے دوران بھارتی فوجی ہنستے بھی رہے۔ فوجیوں کی جانب سےبچوں کو سزا دینے کی تصویر وائرل ہونے پر کشمیریوں میں شدید غم و غصہ پایا جارہا ہے۔