ایمزٹی وی(سری نگر)حریت رہنما میر واعظ عمر فاروق نے کہا ہے کہ بھارت کشمیر میں ریاستی دہشتگردی کر رہا ہے تاہم ہمارے حوصلے بلند ہیں کیونکہ ہم جانتے ہیں کہ بھارتی ظلم و ستم کا مقصد کشمیریوں کی تحریک آزادی کو کمزور کرنا ہے ۔ میڈیا سےخصوصی گفتگو کرتے ہوئے انکا کہنا تھا کہ کشمیری عوام نے نام نہاد بھارتی انتخابات کے ڈرامے کو مسترد کر کے پوری دنیا کو پیغام دیا ہے کہ یہاں کے لوگ انتخابات نہیں آزادی چاہتے ہیں ۔”یہ کشمیری عوام کا بھارتی حکومت کیخلاف ریفرنڈم ہے “ میر واعظ عمر فاروق کا کہنا تھا کہ کشمیری عوام انتخابات نہیں ریفرنڈم چاہتے ہیں ۔ بھارتی حکومت نے ہمیں نظر بند رکھا اور کمپین چلانے تک کی اجاز ت نہیں دی مگر اس کے باوجود کشمیری عوام نے بھارتی نام نہاد انتخابات کو مسترد کر کے پوری دنیا کو پیغام دیا ہے ۔ حریت رہنما کا کہنا تھا کہ بھارتی حکومت جمہوریت کی بات کرتی ہے مگر شرم کی بات ہے کہ بھارتی فوج نہتے اور معصوم کشمیریوں کو گولیاں مار رہی ہے ۔