ایمزٹی وی (نیویارک) نیو یارک پر دہشتگرد حملوں کو سولہ برس گزر گئے۔ ورلڈ ٹریڈ سنٹر پر ہونے والے حملے میں تین ہزار سے زائد لوگ موت کے منہ میں چلے گئے تھے۔ اس حملے کو بنیاد بنا کر امریکہ افغانستان پر حملہ آور ہوا۔ گیارہ ستمبر دو ہزار ایک جسے دنیا نائن الیون کے نام سے جانتی ہے، نیو یارک کے ہوائی اڈے سے چار مسافر بردار طیارے اغوا کئے گئے۔ ان میں سے دو طیارے نیویارک میں ورلڈ ٹریڈ سینٹر سے ٹکرا دیئے گئے جبکہ تیسرا طیارہ محکہ دفاع کے ہیڈ کوارٹر پینٹا گان پر گرایا گیا

جس سے عمارت کو جزوی طور پر نقصان پہنچا۔ چوتھا جہاز وائٹ ہاوس کی طرف لے جایا جا رہا تھا جسے پنسلوانیا میں لڑاکا طیاروں کے ذریعے مار گرایا گیا۔افغانستان میں مقیم القاعدہ کی قیادت نے حملوں کی ذمہ داری قبول کی، جس کو بنیاد بنا کر امریکہ نے افغانستان پر حملہ کر دیا۔ سانحے کے رد عمل میں دنیا بھر میں بے گناہ مسلمانوں پر ظلم و ستم کے پہاڑ توڑے گئے۔ امریکی مسلمانوں پر زمین تنگ کر دی گئی۔ ان حملوں کے بعد پوری دنیا میں مسلمانوں کا جو تاثر خراب ہوا اس کو ابھی تک بحال نہیں کیا جا سکا۔