ایمزٹی وی(انٹر نیشنل)پیرس میں دہشت گردی کے واقعات کے بعد فرانس نے خود ساختہ اسٹیٹ داعش کے گڑھ رقہ میں جوابی کاروائی کا آغازکردیا ہے۔ فرانس کی جانب سے پہلے جوابی حملے میں شدت پسندوں کے تربیتی کیمب کو تباہ کردیا۔ ذرائع کے مطابق وزارتِ دفاع کے حوالے سے بتایا ہے کہ فرانس کے 10 جنگی طیاروں نے اتوار کو شام میں شدت پسند تنظیم دولتِ اسلامیہ کے گڑھ رقہ پر بمباری کی اور وہاں 20 بم گرائے۔ان کا کہنا تھا کہ "کارروائی کی ابتداء کرنا ایک معمول کی بات تھی اور فرانس کو اس کا حق حاصل تھا، ہم نے ماضی میں بھی یہ کیا اور ہم نے شامی شہر رقہ میں تازہ فضائی کارروائیوں کا اغاز کردیا ہے."واضح رہے اتوار کو ترکی میں ہونے والی جی 20 کانفرنس کے دوران فرانس کے وزیر خارجہ لارینٹ فیبیئس کا کہنا تھا کہ ان کا ملک شام میں کارروائیاں کرنے میں حق بجانب ہے.