ایمزٹی وی(تھر پارکر) تھرپارکر میں وبائی امراض کے باعث آج بھی 2 بچے دم توڑ گئے ہے۔ تفصیلا ت کے مطابق سول اسپتال مٹھی میں وبائی امراض کے باعث زیر علاج ایک نومولود بچہ دم توڑ گیا جب کہ تھرپارکر کی تحصیل اسلام کوٹ کے گاوں پرآگو میں بھی 15 روز کا ایک بچہ انتقال کر گیا۔ واضح رہے کہ گزشتہ روز پاکستان پیپلز پارٹی کے چیرمین بلاول بھٹو زرداری نے تھرپارکر میں ایک ماہ کے دوران وبائی امراض کے باعث 45 بچوں کی اموات کا نوٹس لیا تھا ۔ رواں ماہ کے دوران تھرپارکر میں اب تک 17 بچے وبائی امراض کے باعث دم توڑ چکے ہیں۔