ایمز ٹی وی( صحت) بال رنگنے کےبعد ان کی حفاظت ایک یقینی عمل ہے ۔ان کی حفاظت کرنا بہت مشکل کام ہوتاہے لیکن ہم آُپ کو بتاتے ہیں کہ ان کی حفاظت کیسے کرتے ہیں۔

1۔بہترین رنگ اور کوالٹی کا انتخاب کریں ۔
پہلی دفعہ بالوں کو گھر میں نہ رنگیں ،پہلی دفعہ بالوں کو رنگنے کے لئے کسی ماہر ہیئر اسٹائلسٹ سے رجوع کریں ۔ بالوں کو رنگنے کے لئے امونیا فری ہیئر کلر کا انتخاب کریں ۔ سرخ رنگ بالوں پر مشکل سے چڑھتا ہے اور جلد اترتا ہے اس لئے اپنے بالوں کی صحت کے مطابق ہیئر کلر کا انتخاب کریں ۔

2۔رنگے ہوئے بالوں پر شیمپو کم سے کم استعمال کریں ۔
رنگے ہوئے بالوں کے لئے ہفتہ میں صرف دو دفعہ شیمپو کرنا بہتر رہتا ہے ۔زیادہ شیمپو کرنے سے بالوں کا رنگ جلد ختم ہو جاتا ہے اور بال روکھے ہو جاتے ہیں ۔ یاد رکھیں کہ بالوں کو رنگنے کے بعد دو دن تک بال ہر گز نہ دھوئیں ۔

3۔ گرم پانی سے بال نہ دھوئیں ۔
رنگے ہوئے بالوں کو تیز گرم پانی سے نہ دھوئیں گرم پانی سے بالوں کا رنگ جلد اتر جاتا ہے ۔

4۔ با قاعدگی سے کنڈیشننگ کریں ۔
بالوں کو دھونے کے بعد کنڈیشنر ضرور لگائیں ۔ کندیشنر لگا کر گرم تولیے میں بالوں کو دس منٹ کے لئے لپیٹ لیں تاکہ بال زیادہ نرم و ملائم ہو جائیں ۔
ہفتہ میں دو دفعہ شیمپو کریں ساتھ کندیشنر بھی لگائیں اور دو دن صرف موائسچرائزنگ کندیشنر یا ڈیپ کنڈیشنر لگائیں ۔
کیراٹن آئل ٹریٹمنٹ یا زیتون کاتیل بھی بالوں کو ملائم کرتا ہے ۔

5۔سلفیٹ فری شیمپو استعمال کریں ۔

رنگے ہوئے بالوں پر سلفیٹ فری شیمپو ہی استعمال کریں ۔کیوں کہ سلفیٹ میں موجود نمک بالوں کی نمی ختم کر دیتا ہے جس سے بالوں کی رنگت متاثر ہوتی ہے ۔

6۔ بے بی شیمپو استعمال نہ کریں ۔
کچھ خواتین بالوں پر بے بی شیمپو استعمال کرتی ہیں جس سے بال صاف ،چمکدار ہو جاتے ہیں ۔ بے بی شیمپو میں کلیئر یفائنگ کیمیکلز ہو تے ہیں جو جڑوں سے میل ،گردو غبار کو صاف کر تے ہیں لیکن ساتھ بالوں کی تہہ سے رنگ بھی اتار دیتے ہیں اس لئے رنگے ہوئے بالوں پر ہمیشہ کلر پروٹیکٹنگ شیمپو ہی استعمال کریں ۔

7۔ ہاٹ ٹریٹمنٹ نہ کریں
رنگے ہوئے بالوں پر ہاٹ ٹریٹمنٹ ( کرلنگ ،پرمنگ ،بلو ڈرائی ،آئرننگ )اور ریلیکسنگ بار بار کرنے سے گریز کریں ۔ اور اگر کرنا ضروری ہو تو گیلے بالوں پر ہاٹ ٹریٹمنٹ قطعی نہ کریں ۔

8۔ وٹامن بی اور وٹامن سی استعمال کریں
چونکہ رنگے ہوئے بالوں کی نشوونما کی رفتار سست ہو جاتی ہے اور بال کمزور ہو جاتے ہیں اس لئے رنگے ہوئے بالوں کی صحت بڑھانے کے لئے وٹامن سی اور وٹامن بی(باؤٹین ) استعمال کریں تاکہ بالوں کی قدرتی چمک اور لچک متاثر نہ ہو ۔اپنے کھانوں میں باؤٹین سے بھر پور غذا جیسے انڈہ ،مچھلی ،پالک اور گاجر کا استعمال زیادہ کریں یا ڈاکٹر کے مشورے سے وٹامن سپلیمنٹ استعمال کریں ۔

9۔ یو وی پروٹیکشن کریں
سورج کی شعائیں قدرتی بلیچ کی طرح کام کرتی ہیں جو بالوں کا رنگ متاثر کرتی ہیں ۔ اس لئے اپنے رنگے ہوئے بالوں کو براہ راست سورج کی شعاؤں سے بچائیں ۔ یو وی پروٹیکٹر یا موائسچرایزنگ اسپرے جن میں ایس پی ایف ۰۱ یا ۵۱ ہو استعمال کریں تاکہ بالوں کا رنگ دیر تک محفوظ رہ سکے ۔

10۔ کلورین سے بچائیں

بالوں کی صحت کے لئے کلورین مضر ہوتا ہے ۔ رنگے ہوئے بالوں کو کلورین سے ہر ممکن بچانے کی کوشش کرنی چاہئے ۔ سوئمنگ پول کے پانی میں کلورین کی کافی مقدار ہوتی ہے اس لئے سوئمنگ کیپ لگا کر ہی پانی میں اتریں ۔

11۔ ہیئر کلر کا استعمال زیادہ اور جلدی نہ کریں
ایک دفعہ بالوں کو رنگنے کے بعد کم سے کم ڈیڑھ مہینہ تک دوبارہ بالوں کو نہیں رنگنا چاہئے ۔ بالوں کی جڑوں سے اگر رنگ اترنا شروع ہو جائے تو کلر اسپرے اور ہیئر مسکارا استعمال کر لیں ۔

12۔ ہوم میڈ پروٹین ماسک
رنگے ہوئے بالوں کے لئے پروٹین کی ضرورت زیادہ ہوتی ہے ۔فوری طور پر پروٹین ٹریٹمنٹ کرنے کے لئے نہانے سے دس منٹ پہلے بالوں پر زرا سا مایونیز لگا لیں یا پروٹین ماسک بنا کر لگالیں ۔ پروٹین ماسک بنانے کے لئے (ایک چمچ شہد ، ایک کیلا اور انڈے کی زردی ملائیں )اس ماسک کو آدھے گھنٹے تک لگا رہنے دیں اور پھر دھو لیں ۔

13۔ برش کرتے میں احتیاط کریں

گیلے بال زیادہ کمزور ہوتے ہیں اس لئے گیلے بالوں پر برش نہ کریں اور بالوں کوسکھانے کے لئے ہیر ڈرائیر استعمال نہ کریں ۔رنگے ہوئے بالوں کو قدرتی ہوا میں سکھائیں ۔
رنگے ہوئے بال اگر بے جان اور روکھے لگیں تو باریک کنگھی آہستہ آہستہ اور دیر تک بالوں پر پھیریں ۔

14۔ الکحل فری پروڈکٹس

ہئیر اسٹائلنگ کے لئے الکحل فری موز ،جیل لوشن اور اسپرے استعمال کریں ۔

15۔ سرکہ اور لیموں کا استعمال زیادہ نہ کریں
رنگے ہوئے بالوں پر لیموں اور سرکہ کا کثرت سے استعمال نہ کریں ،اگر بالوں کی چمک بڑھانے کے لئے استعمال کریں توپانی میں ملاکر استعمال کریں ۔

ایمز ٹی وی(صحت) ٹوبہ ٹیک سنگھ میں 35افراد کی جان لینے والی زہریلی شراب دیسی آفٹر شیو میں کیمیکل ملا کر بنائی گئی تھی ۔ٹوبہ ٹیک سنگھ میں کرسمس کے موقع پر زہریلی شراب پینے سے 35افراد ہلاک ہوئے جبکہ 25سے زائد مختلف ہسپتالوں میں تشویشناک حالت میں زیرعلاج ہیں .

بعض کی حالت زیادہ خراب ہونے کے باعث انھیں الائیڈ اسپتال فیصل آباد منتقل کر دیا گیا ہے جب کہ ہلاکتوں میں اضافے کا خدشہ بھی ظاہر کیا جا رہا ہے۔

پاکستان کے صوبہ پنجاب کے وسطی علاقے ٹوبہ ٹیک سنگھ میں زہریلی شراب پینے سے مرنے والوں کی تعداد بدھ کو 34 ہو گئی۔

پولیس کے مطابق مبارک آباد بستی میں کرسمس کے موقع پر متعدد افراد نے غیر قانونی طور پر تیار کی گئی دیسی شراب پی تھی جس سے ان کی حالت بگڑ گئی۔

متاثرہ افراد کو ڈسٹرکٹ ہیڈکوارٹر اسپتال ٹوبہ ٹیک سنگھ منتقل کیا گیا جہاں پیر کی شام تک ان میں سے 12 افراد جان کی بازی ہار چکے تھے۔

مرنے والوں میں دو کے علاوہ دیگر کا تعلق مسیحی برادری سے بتایا جاتا ہے۔

بعض کی حالت زیادہ خراب ہونے کے باعث انھیں الائیڈ اسپتال فیصل آباد منتقل کر دیا گیا ہے جب کہ ہلاکتوں میں اضافے کا خدشہ بھی ظاہر کیا جا رہا ہے۔

مقامی پولیس نے زہریلی شراب تیار کرنے کے شبے میں بعض افراد کو حراست میں بھی لینے کا بتایا ہے جب کہ واقعے کی تحقیقات کے لیے پولیس کے ایک اعلیٰ عہدیدار کی سربراہی میں ٹیم بھی تشکیل دے دی گئی ہے۔

پاکستان ایک اسلامی ملک ہے جہاں شراب کی خریدوفروخت قانوناً ممنوع ہے۔

لیکن غیر مسلموں اور غیر ملکیوں پر اس قانون کا اطلاق نہیں ہوتا اور یہ لوگ لائسنس یافتہ شراب خانوں سے اجازت کے مطابق شراب حاصل کر سکتے ہیں۔

لیکن اکثر ایسی خبریں منظریں عام پر آتی رہتی ہیں کہ غیر قانونی طور پر گھروں میں تیار کی جانے والی شراب پینے سے لوگ موت کا شکار ہونے کے علاوہ بعض دیگر طبی پیچیدگیوں کا شکار ہو جاتے ہیں۔

رواں سال اکتوبر میں جہلم میں ایسی ہی آلودہ شراب پینے سے سات افراد ہلاک ہوگئے تھے جب کہ مارچ میں سندھ کے علاقے ٹنڈو محمد خان میں زہریلی شراب استعمال کرنے والے 20 لوگ موت کا شکار ہوئے تھے۔

ایمزٹی وی(پنجاب)پنجاب ٹیکسٹ بک بورڈ میں200گھوسٹ پرنٹرز وپبلشرز کا انکشاف ہوا ہے ، جس کے بعد ایم ڈی بورڈنے اسکروٹنی کرنے کا فیصلہ کرتے ہوئے ریکارڈ کی چھان بین شروع کردی ہے ۔ اس وقت بورڈ میں رجسٹرڈ پرنٹرز وپبلشرز کی تعداد700سے زائد بتائی جارہی ہے ۔

مصدقہ ذرائع کے مطابق پنجاب ٹیکسٹ بک بورڈ اینڈ کریکولم اتھارٹی میں200کے قریب گھوسٹ پرنٹرز و پبلشرز رجسٹرڈ ہیں۔اس سے قبل رجسٹرڈ پبلشرز کی تعداد450کے قریب تھی مگر دوبارہ رجسٹریشن کھلنے کے بعد پرنٹر ز کی تعداد700جبکہ پبلشرز کی تعداد650کے قریب ہوچکی ہے جو پنجاب کے 53ہزار سرکاری اسکولوں کے علاوہ نجی اسکولوں کے لئے ہر سال13کروڑ درسی کتب کی چھپوائی کرتے اور کرواتے ہیں۔

پنجاب ٹیکسٹ بک بورڈ اینڈ کریکولم اتھارٹی میں ایسے پرنٹرز وپبلشرز کو گھوسٹ قرار دیا جاتا ہے جن کے شوروم ، پرنٹرزاور دیگرمطلوبہ معیار مکمل نہیں ہوتا اور وہ صرف کاغذوں کی حد تک پرنٹرز و پبلشرز ہوتے ہیں، ایسے افراد بورڈ سے ٹھیکہ حاصل کرکے دوسرے لوگوں سے پرنٹنگ و پبلشنگ کا کام لیتے ہیں اور کمیشن وصول کر کے درسی کتب کا ورک آرڈر دوسرے افراد کو دے دیتے ہیں ۔ ایم ڈی بورڈاحمد علی کمبوہ نے ایسے گھوسٹ پبلشرز کا ریکارڈ طلب کرکے ان سے ذاتی ملاقاتوں کا آغاز کردیا ہے اور ان کے شو رومز سمیت دیگر معاملات کی انسپکشن شروع کردی ہے ۔

ایم ڈی پنجاب ٹیکسٹ بک بورڈ اینڈ کریکولم اتھارٹی احمد علی کمبوہ کا کہنا ہے کہ درسی کتب کی پبلشنگ کے عمل کو شفاف اور معیاری بنانے کے لئے گھوسٹ پبلشرز کی نشاندہی کا آغاز کیا گیا ہے اور ایسے افراد کو فارغ کرنے کے عمل میں کسی قسم کی سفارش قبول نہیں کرینگے ۔

۔ایمز ٹی وی (انٹرٹینمنٹ)پاکستانی اداکار اور ہدایتکار جاوید شیخ نے اپنی 2017 کی حکمتِ عملی اور مصروفیا ت کا اعلان کرتے ہو ئے کہا ہے کہ وہ 2017میں جا وید شیخ پروڈکشن کے تحت 6فلمیں بنا نے جا رہے ہیں 

جس میں سے جنوری میں فلم "وجود " کی شوٹنگ کا آغاز کیا جا رہا ہے ۔ انھوں نے مزید کہا اُنھیں اداکاری میں مصروف ہونے کی وجہ سے ڈائریکشن کے لیے وقت نہیں ملا۔ مگر اب مکمل منصوبہ بندی کے ساتھ "وجود" فلم بنا نے کی تیاری ہے۔

اُن کاکہنا ہے کہ یہ عالمی سطح کی معیاری فلم ہے جو پاکستانی فلم انڈسٹری کے احیاءمیں نمایاں کردار ادا کرئے گی۔ ہماری فلم انڈسٹری ترقی کی رہ پر گامزن ہے اور مایوسی ختم ہو کر کامیابی کے سفر کا آغا ز ہو گیا ہے ۔ واضع رہے کےپاکستانی اداکار اور ہدایتکار جاوید شیخ پاکستان کے علاوہ بھارتی فلم انڈسٹری میں بھی اداکاری کے جوہر دیکھا چکے ہیں ۔

ایمز ٹی وی(انٹرٹینمنٹ) نئی آنے والی ہندی فلم حرام خور کا ٹریلرگزشتہ روز لانچ کیا گیا۔ فلم کی خاص بات یہ ہےکہ یہ صرف 16 دن میں مکمل کی گئی ہے۔

فلم کے ڈائریکٹر شلکو شرما نے فلم کی تیزی سے تکمیل کا سہرا اس کے اداکاروں اور ٹیم کو دیا ہے۔فلم جس کی مرکزی کاسٹ میں نوازالدین صدیقی اور شیوتا ترپاٹھی شامل ہیں، حقیقی لوکیشنز پر فلمائی گئی ہے۔

شلکو شرما نے اپنے بیان میں کہا کہ یہ یقیناِِ بہت بڑاچیلنج تھا کہ پوری فلم 16 دن میں مکمل کرلی جائے، اس میں پوری ٹیم کا کردار بہت اہمیت کا حامل رہا، میرے مرکزی کردار نوازالدین صدیقی اور شیوتا اور پورا عملہ وہاں موجود رہا۔

ڈائریکٹر فوٹو گرافی سدھارتھ اور ان کی ٹیم کا پروڈکشن ٹیم کے ساتھ رہنا بہت اہم تھا۔اس کے بغیر یہ ناممکن تھا۔

فلم حرام خور سینٹرل بورڈ آف فلم سرٹیفیکشن کے بعد آئندہ سال 13 جنوری کو ریلیز کیلئے تیار

ایمزٹی وی(lاہور)سابق آرمی چیف ریٹائرڈ جنرل راحیل شریف کی اسلامی فوج میں دفاعی مشیر کے طور پر تقرری کا امکان ہے ،وہ آج سعودی عرب کی دعوت پر خصوصی طیارے میں شاہی مہمان بن کر سعودی عرب پہنچے ہیں ۔سابقہ سپہ سالار کے اعزاز میں دارالحکومت ریاض میں خصوصی تقریب کا اہتمام کیا گیا ہے جس میں سعودی حکمران خاندان کے افراد شرکت کریں گے ۔

ذرائع کے مطابق مطابق اسلامی فوج میں ریٹائرڈ جنرل راحیل شریف کا ابتدائی کنٹریکٹ دو سال کا ہو گا ۔واضح رہے کہ راحیل شریف کو سعودی عرب کی جانب سے ریٹائرمنٹ کے بعد مشترکہ فوج کی سربراہی کی پیشکش ہوئی تھی ۔
اخباری رپورٹ کے مطابق کے مطابق سعودی عرب کی دعوت پر ریٹائرڈ جنرل راحیل شریف لاہور سے سعودی عرب پہنچے عمرہ کی سعادت حاصل کرنے کے بعد ان کے سعودی حکومت کے اعلیٰ ترین افراد سے مذاکرات ہونگے اور وہ 34ممالک کی مشترکہ فوج میں بطوری دفاعی مشیر کی حیثیت سے خدمات سرانجام دیں گے جہاں انہیں نیٹو افواج کے سربراہ سے بھی کہیں زیادہ معاوضہ اور مراعات کی پیشکش ہو چکی ہے ۔

ذرائع کے مطابق اگر مذاکرات طے ہو جاتے ہیں جن کے بارے میں پتہ چلا ہے کہ پہلے سے سارے معاملات طے ہو گئے ہیں تو ریٹائرڈ جنرل راحیل شریف کا کنٹریکٹ دو سال کے لیے ہو گا ۔اطلاعات کے مطابق سابق آرمی چیف نے اسلامی ملٹری اتحاد کی ذمہ داری سنبھالنے کے لیے رضا مندی کا اظہار کردیا ہے ۔مشترکہ فورس کا صدر دفتر سعودی عرب کے شہر ریاض میں ہے جسے جوائنٹ کمانڈ سنٹر کہا جاتا ہے ،یہ تنظیم سعودی ولی عہد شہزادہ محمد بن نائف کی کوششوں سے قائم ہوئی جو داعش اور اس طرح کی دیگر دہشت گرد تنظیموں کے خلاف بنائی گئی ہے

۔جب تنظیم بنانے کا اعلان کیا گیا تو رکن ممالک کی تعداد 34تو جو اب بڑھ کر 39ہو گئی ہے جن میں سعودی عرب ،پاکستان ،ترکی ،اردن ،متحدہ عرب امارات ،بحرین ،بنگلہ دیش ،تیونس ،سوڈان ،سینگال ،ملائیشیا ،مصر ،مر اکش اور یمن کے علاوہ بعض ایسے اسلامی ممالک بھی شامل ہیں جن کی فوج صرف رسمی ہے جو پروٹوکول اور حکمران طبقہ کی سیکیورٹی تک محدود ہے۔

ایمز ٹی وی( صحت) امریکی شہر شکاگو کی ایک معروف ڈینٹل کمپنی ’انوی‘ نے ایسا انوکھا اسمارٹ ٹوتھ برش متعارف کرادیاہے جو اب برش کرنے کے ساتھ آپ کے دانتوں کی ویڈیو بھی بنا سکتا ہے۔

اس منفرد ٹوتھ برش کے ذریعے آپ دانت صاف کرنے کے ساتھ یہ بھی جان پائینگے کہ دانتوں کے کن حصوں کو زیادہ توجہ کی ضرورت ہے۔

پروفکس نامی اس اسمارٹ برش میں مائیکرو کیمرہ نصب ہے جو منہ کے اندر کے مناظر برہ راست آپ کے اسمارٹ فون پر دکھائے گاجس سے دانتوں میں مطلوبہ حصے کی تصویر بنا کر موجودہ حالت کا جائزہ لیا جاسکتا ہے۔

اس اسمارٹ برش میں ایک چھوٹا آئینہ بھی نصب ہے جو مشکل جگہوں کا مشاہدہ کرنے کے لئے مدد گار ہوگا۔واضح رہے اس برش کی قیمت عالمی مارکیٹ میں 400ڈالر ہے۔

ایمز ٹی وی ( انٹرٹینمٹ) نئی آنے والی پاکستانی فلم تھوڑا جی لے نئے سال کے تیسرے ہفتے میں نمائش کے لئے پیش کی جائے گی ، فلم کی کاسٹ میں نئے ٹیلنٹ کوشامل کیا گیا ہے۔

فلم تھوڑا جی لے کہانی ہے سات ایسے افراد کی جو کالج سےعملی زندگی میں قدم رکھتےہوئے ایک دوسرے کا ساتھ نبھانے کا عہد کرتے ہیں ۔

فلم میں مستی، دوستی، محبت اور ایکشن کے سارے مصالحے موجود ہیں، فلم کی کاسٹ پرامید ہے کہ ان کی کاوش فلمی شائقین کو پسند آئے گی ۔

فلم کا میوزک صہیب راشدی نےترتیب دیاہے،نواجون ہدایت کار اور رائٹر رافع راشدی کا کہنا ہے کہ فلم کی کہانی حقیقت سے قریب تر ہے۔

دوستی اور محبت اور رشتوں کے تانے بانوں کی دلکش عکاسی کرتی فلم تھوڑا جی لے20 جنوری 2017 سے بڑے پردے کی زینت بنے گی۔

ایمزٹی وی(اسلام آباد)ترجمان وزارت داخلہ کا کہنا ہے کہ انسداد دہشت گردی ایکٹ اور تحفظ پاکستان قانون کو ضم کرنے کا فیصلہ کرلیا گیا ہے جبکہ نئے قانون کا مسودہ بھی تیار کرلیا گیا ہے۔
ذرائع کے مطابق قومی اسمبلی کی قائمہ کمیٹی داخلہ کےاجلاس میں اہم فیصلے کئے گئے ہیں۔ اجلاس میں وزارت داخلہ نے انسداد دہشت گردی ایکٹ اور تحفظ پاکستان قانون کو ضم کرکے نیا قانون بنانے کی تجویز دی ہے۔
ترجمان وزارت داخلہ کے مطابق نئے قانون کا مسودہ بھی تیار کرلیا گیا ہے اور اس پر وزارت قانون سے مشاورت جاری ہے جبکہ نئے مجوزہ قانون کا مسودہ منظوری کے لئے وزیرداخلہ کو پیش کیا جائے گا اور وزیرداخلہ کی باقاعدہ منظوری کے بعد اسے پارلیمنٹ میں لایا جائے گا جس کے بعد یہ قانون مستقل قانون کی حیثیت رکھے گا۔
نئے مجوزہ قانون میں فوجی عدالتوں کی مدت کا معاملہ بھی شامل کردیا گیا ہے ، فوجی عدالتوں کی مدت آئندہ برس 7 جنوری کو ختم ہورہی ہے اور فوجی عدالتوں میں زیرسماعت تمام کیسز انسداد دہشتگردی عدالتوں میں منتقل ہوجائیں گے اس وقت فوجی عدالتوں میں 300 کیسز بجھوائے گئے ہیں اور 120 کیسز زیرسماعت ہیں۔
نئے قانون میں دہشتگردی کے مقدمات فوجی عدالتوں میں ہی بھیجے جائیں گے دہشت گردی کے مقدمات کے لئے فوجی عدالتیں مستقل ہوجائیں گی۔ نئے قانون کے تحت قانون نافذ کرنے والے ادارے ملزمان کو تحقیقات کے لئے 90 روز تک اپنی تحویل میں رکھ سکیں گے۔

ایمزٹی وی(مانیٹرنگ ڈیسک)امریکی کمپنی کا ایک اور کارنامہ۔ ایک امریکی کمپنی نے اسپورٹس کار کی طرز پر ایسا جہاز بنایا ہے جو بیک وقت سمندر اور خشکی پر اڑ سکتا ہے۔

دو سیٹوں پر مشتمل اس جہاز کی تیاری میں دس سال کا عرصہ لگا۔ اس کا وزن پندرہ ہزار پائونڈ اور لمبائی 23فٹ ہے۔ سمندر اور خشکی پر ارنے والا 

اس کا انٹرئیر ایک کار کی طرح ہے۔ ایک انجن پر مشتمل جہاز کی قیمت دو لاکھ ڈالرز رکھی گئی ہے۔