ایمز ٹی وی (تعلیم /کراچی) ایڈشنل ڈا ئریکٹر ایس آر حسین سومرو کو اسکول ہیڈ ماسٹروں کی میرٹ پر بھرتی نہ ہونے پر اعتراض کرنے پر عہدے سے بر طرف کر دیا گیا ہے۔زرائع کے مطابق 14 افراد کی خا طر میرٹ پر پورا اُترنے والے 54امیدواروں کو نظر گیاہے۔ جبکہ کمیٹی نے کاغذات کی جانچ پڑ تال کے بعد977امیدواروں کی بھرتی کی سفارش کی جیسے منظوری کے لیے وزیر اعلیٰ سندھ کو بھیج دیا گیا
جس میں 14ایسے من پسند امیدوار بھی شامل ہیں جن کا بی ایڈ بعد میں ہے یعنی درخواست دینے کی آخری تاریخ گزر جانے کے کئی ماہ بعد کی ہے۔ اس لحاظ سے یہ درخواست دینے اہل نہیں تھے ۔
زرائع کے مطابق 5رکنی ہیڈ ماسٹر بھرتی کمیٹی کی چیئرپر سن عالیہ شاہد ،سیکریٹری اسکول ایجوکیشن فضل اللہ پیجو کے تبادلے کے بعد 21گریڈ کے عہدے کی تربیت جاری ہے ۔
واضع رہے حسین سومرو20برس سے محکمہ تعلیم میں اہم عہدوں پر تعینات رہے تھے اور اپنے ایماندرانہ اور انقلابی اقدامات کے حوالے سے مشہور ہیں۔
سابق سیکریٹر ی تعلیم نذر حسین مہر اور ناہید شاہ درانی نے ان کی خدما ت سے استفادہ حا صل کیا ہے۔

ایمز ٹی وی( انٹرٹینمنٹ) پاکستانی سینما گھروں میں بھارتی فلموں کی نمائش تعطل کا شکار ہونے کی بنا پر پاکستانی فلمسازوں ، فلم امپورٹرز اور سینما مالکان ہالی ووڈ موویز کے بعد ترکی ، ایران اور چین سے فلمیں امپورٹ کرنے کی حکمت عملی ترتیب دینے میں مصروف ہوگئے ۔

کہا جارہا تھا کہ عامر خان کی نئی فلم دنگل کی نمائش کیلئے خصوصی طور پر پابندی ہٹانے کافیصلہ کیا گیا تھا تاکہ معاشی طور پر کمزور ہوتی ہوئی سینما انڈسٹری کو استحکام ملے گا ان تما م امیدوں کے چراغ گل ہونے کے بعد ملکی فلمسازوں ،فلم امپورٹر ز اور سینما مالکان نے ملک میں سینما انڈسٹری میں جاری اربوں روپے کی ملکی و غیر ملکی سرمایہ کاری کو استحکام دینے کیلئے ترکی ، ایران ، چین اور دیگر ممالک کی فلمیں ڈب کرنے کا فیصلہ کیا ہے۔

جس پر کئی اداروں نے ترکی و ایرانی ڈراموں کی آڑ میں فلمیں بھی درآمد کرلی ہیں جس کو ڈب بھی کرکے رکھا ہوا ہے ملکی فنکاروں نے ان فلموں کی ڈبنگ اردو میں کرواکر شائقین فلم کیلئے تفریح کا بندوبست کردیا ہے ۔

ذرائع نے انکشاف کیا کہ پاکستانی فلم انڈسٹری سے وابستہ شخصیات نے ایران ، ترکی اور چین کے ثقافتی دوروں کی منصوبہ بندی کرلی ہے اس دوران وہ ان کی فلمیں پاکستانی سینماگھروں میں نمائش کرنے کا جائزہ بھی لیں گے اس حوالے سے گزشتہ دنوں ہدایتکار سید نور چین گئے اور وہاں فلمسازی کے حوالے سے اور ان کی فلمیں پاکستان میں ریلیز کرنے کا بھی جائزہ لیا۔

معروف امپورٹرز اور ڈسٹری بیوٹر شیخ امجد رشید نے بھی چین سے فلمیں منگوانے کا فیصلہ کر لیا ہے ۔

ذرائع نے انکشاف کیا ہے کہ وہ گزشتہ جمعہ کو چین کا 10 روزہ دورہ کرکے لوٹے ہیں وہ چین سے فلمیں منگواکر ڈب کرکے سینما گھروں میں نمائش کے خواہش مند ہیں ۔ کہا جارہا ہے کہ پاکستان فلم انڈسٹری کے دیگر فلمسازوں نے بھی تجارتی سرگرمیوں کو مدنظر رکھتے ہوئے بھارتی فلموں کے بجائے چین کے ساتھ مشترکہ فلمسازی کے منصوبے بنانے کی تیاریاں شرو ع کردی ہیں جس کیلئے وہ سرکاری طور پر سپورٹ بھی چاہتے ہیں۔

واضح رہے ماضی میں لیجنڈ اداکار سدھیر کی فلم باغی ، غلام محی الدین و بابرہ شریف کی فلم میرا نام ہے محبت چین میں کئی برس تک نمائش پذیر رہی اسی طرح روس میں لیجنڈ اداکار محمد علی اور شمیم آرا کی فلم صاعقہ بھی کئی برس تک نمائش پذیر رہی ۔

ایمز ٹی وی( تعلیم / میرپور خا ص) میرپور خا ص پریس کلب کے سامنے اساتذہ نے دور دراز علاقو ں میں اُن کے ہو نے والے تبادلوں اور دیگر مطالبات کے حق میں احتجا جی کیمپ قائم کر دیا ہے۔

رکن سندھ اسمبلی ڈاکٹر ظفر کما لی نے بھوک ہڑتالی کیمپ کا دورہ کیا اور اس مو قع پر اُنھوں نے اساتذہ نمائندوں اور دیگر سے اظہارِ یکجہتی کیا اور کہا کے اساتذہ کے دور دراز علاقوں میں تبادلے تعجب کی بات ہے جبکہ شہروں میں بھی اساتذ ہ کی ضرورت ہے

ایمز ٹی وی ( تعلیم /کراچی) جناح سندھ میڈیکل یونیور سٹی انسٹیٹیو ٹ کے ڈائر یکٹر محمد ابو زر واجدی کے اعلامیہ کے مطابق انسٹیٹیوٹ آ ف ہیلتھ اینڈ بزنس مینجمینٹ اینڈ سوشل سائنسسز نے بی بی اے(آنرز) ،بی بی اے (ہاسپٹل اینڈ کیئر مینجمینٹ)، ایم بی اے ،ای ایم بی اے ،اور ایم بی اے (ہاسپٹل اینڈ کیئر مینجمینٹ) کے داخلہ فارم جمع کرانے کی تاریخ میں تو سیع کر دی گئی ہے۔
اب داخلہ فارم 31دسمبر 2016 تک جمع کرا ئے جا سکتے ہیں ۔ انٹری ٹیسٹ یکم جنوری 2017کو صبح10بجے انسٹیٹیوٹ میں منعقد ہوں گے۔
اُ میدوار اپنے ایڈ مٹ کارڈ 31دسمبر تک انسٹیٹیوٹ سے حا صل کر لیں اور یکم جنوری کو صبح 9:30بجے تک انٹری ٹیسٹ کے لیے پہنچ جائیں۔

ایمز ٹی وی (باکسنگ)پاکستانی نژاد برطانوی باکسر عامر خان نے ہاتھ کی سرجری کے بعد ایک بار پھر باکسنگ رنگ میں اترنے کا فیصلہ کرلیا ہے۔ عامر خان آئندہ برس اپریل میں اپنی اگلی پروفیشنل باوٹ کھیلیں گے، جس کے لیے انہوں نے تیاریاں شروع کردی ہیں۔ باکسر عامر خان گزشتہ برس میکسیکو کے کنیلو الواریز کے ہاتھوں شکست کے بعد سے رنگ سے آوٹ ہیں۔ اس کی ایک بڑی وجہ ان کے ہاتھوں کی سرجری تھی۔ستمبر میں دونوں ہاتھوں کی سرجری کے بعد عامر تیزی سے صحتیاب ہوئے ہیں اور اب ایک بار پھر باکسنگ رنگ میں واپسی کیلئے تیار ہیں۔ عامر خان اپریل میں اگلی فائٹ کریں گے، جس کیلئے حریف کا انتخاب اگلے ماہ کے آغاز میں ہوجائے گا۔ عامر خان کا کہنا ہے کہ وہ بے تابی سے اپنی اگلی فائٹ کے منتظر ہیں۔ کافی بہتر محسوس کررہے ہیں اور جلد ہی اپنی پوزیشن واپس حاصل کریں گے۔

ایمزٹی وی(بخارسٹ) رومانیہ کے صدر کلاز ایوہانس نے وزارتِ عظمی کےلئے بائیں بازو سے تعلق رکھنے والے سوشل ڈیموکریٹس کی مسلم خاتون امیدوار سیول شائدہ کی نامزدگی کو مسترد کردیا ہے۔
اگر سیول شائدہ کی نامزدگی مسترد نہ کی جاتی تو وہ یورپی یونین کے کسی بھی ملک کی پہلی خاتون اور اولین مسلمان وزیراعظم ہوتیں، تاہم ایوہانس نے ان کی نامزدگی مسترد کرنے کی کوئی وجہ نہ بتاتے ہوئے بائیں بازو کی سیاسی جماعتوں کے اتحاد ’’پی ایس ڈی‘‘ سے کہا ہے کہ وہ اس عہدے کےلئے اپنا کوئی اور امیدوار تجویز کرے۔

واضح رہے کہ رومانیہ کے حالیہ انتخابات میں پی ایس ڈی 465 میں سے 250 نشستیں حاصل کرکے حکومت بنانے کی پوزیشن میں آگیا ہے اور اسی اتحاد نے 52 سالہ ترکی نژاد سیول شائدہ کو وزارتِ عظمی کےلئے نامزد کیا تھا لیکن رومانیہ کے صدر نے یہ نامزدگی مسترد کردی ہے۔

سیاسی مبصرین کا کہنا ہے کہ شائدہ کی نامزدگی مسترد ہونے کی ایک ممکنہ وجہ ان کا مسلمان ہونا ہے۔

کلاز ایوہانس کی جانب سے سیول شائدہ کو بطور وزیراعظم مسترد کرنے کے فیصلے پر ردِعمل دیتے ہوئے پی ایس ڈی کی قیادت کا کہنا ہے کہ وہ اس پر صدر کا مواخذہ کرنے کے بارے میں غور کرسکتے ہیں کیونکہ اس سے پہلے کسی صدر نے نامزد وزیراعظم کو کبھی مسترد نہیں کیا۔

ایمز ٹی وی(انٹرٹینمنٹ) ہالی ووڈ کی نامور ترین فلم سیریز ’اسٹار وارز‘ میں پرنسز لیاہ کا کردار ادا کرنے والی کیری فشر انتقال کرگئی ہیں‘ ان کی عمر 60 برس تھی۔

کیری فشر برطانوی ٹی وی ڈرامے ‘کیٹس ٹراف’ کے تیسرے سیزن کی عکس بندی سے فراغت کے بعد جمعے کو لندن سے لاس اینجلس آرہی تھیں جب دورانِ پرواز انہیں دل کا دورہ پڑا تھا۔

کیری فشر کے انتقال کا اعلان ان کی صاحبزادی نے گزشتہ روزایک بیان میں کیا جس کے بعد ان کے پرستاروں اور ساتھی فن کاروں کی جانب سے سوشل میڈیا پر تعزیتی پیغامات کا سلسلہ شروع ہوگیا۔

کیری فشر اداکارہ ڈیبی رینالڈز اور گلوکار ایڈی فشر کی صاحبزادی تھیں جنہیں ’اسٹار وارز‘ سیریز میں پرنسز لیاہ کے کردار کے باعث شہرت ملی۔ انہوں نے چار دہائیوں سے زائد عرصے تک ہالی ووڈ کی درجنوں فلموں میں معاون اداکارہ کے طور پر کام کیا جب کہ کئی کتابیں بھی تحریر کیں۔

وہ منشیات کی عادی ہونے اور ہالی ووڈ کی کئی مرکزی شخصیات کے ساتھ اپنے معاشقوں کے باعث مسلسل تنازعات اور خبروں میں رہیں۔ کیری فشر کی تازہ ترین کتاب گزشتہ ماہ منظرِ عام پر آئی تھی جو 1976ء میں بننے والی”اسٹار وارز” کی پہلی فلم کی عکس بندی سے متعلق ان کی یادداشتوں پر مشتمل ہے۔

اپنی کتاب میں انہوں نے انکشاف کیا تھا کہ 40 سال قبل فلم کی عکس بندی کے دوران ان کا اپنے ساتھی اداکار ہیری سن فورڈ کے ساتھ تین ماہ تک معاشقہ رہا تھا۔

اس فلم کی عکس بندی کے وقت کیری فشر کی عمر صرف 19 جب کہ ہیری سن فورڈ کی 33 برس تھی۔ فورڈ نے فلم میں خلائی جہاز کے پائلٹ ہان سولو کا کردار ادا کیا تھا۔

ایمزٹی وی(انٹرٹینمنٹ)معروف بھارتی ہدایتکارکرن جوہرپریانکا چوپڑااور دپیکا پڈوکون کو اپنے پروگرام " کافی ود کرن"میں ایک ساتھ لانے میں ناکام ہوگئے ہیں،دونوں اداکاراوں نے پروگرام میں ایک ساتھ شرکت کرنے سے معذرت کرلی ہے۔

نامور ہدایت کار کرن جوہر کی خواہش تھی کہ اداکارہ دپیکا پڈوکون اور پریانکا چوپڑا ایک ساتھ ان کے پروگرام کا حصہ بنیں لیکن کئی مرتبہ کوشش کے باوجودان کو ناکامی کا سامنا کرنا پڑا۔

کرن جوہر اپنے پروگرام میں دونوں اداکاراوں کو بلوا کر ان کی ہالی ووڈ میں انٹری اور کامیابی پر بات کرنا چاہتے تھے لیکن دونوں نے ہالی ووڈ فلموں میں مصروفیات کا بہانہ بناتے ہوئے شو میں ایک ساتھ شرکت کرنے سے معذرت کرلی ہے۔

ذرائع کے حوالے سے کہنا تھاکہ بین الاقوامی شہرت یافتہ دونوں اداکارائیں " کافی ود کرن" میں الگ الگ شریک ہونے کے لئے تو تیار ہیں لیکن ایک ساتھ کسی شو میں شریک نہیں ہونا چاہتیں جس کی وجہ شاید دونوں کا خود کو نمبر ون اداکارہ سمجھناہے۔

ایمزٹی وی(اسلام آباد)وزیر مملكت برائے اطلاعات و نشریات مریم اورنگزیب نے کہا ہے کہ محترمہ بے نظیر بھٹو کی برسی کے جلسے میں میں رقص كیا گیا اور ڈھول بجائے گئے جو انتہائی غیر مناسب تھے جب کہ پیپلز پارٹی نے محترمہ كی برسی پر عوام كو اپنے سیاسی مقاصد كے لیے اكٹھا كیا۔

وزیر مملکت برائے اطلاعات و نشریات مریم اورنگزیب نے کہا کہ بلاول بھٹو زرداری اور آصف علی زرداری پاناما پرسیاست كررہے ہیں، پیپلز پارٹی نے محترمہ كی برسی پر عوام كو اپنے سیاسی مقاصد كے لیے اكٹھا كیا۔ انہوں نے كہا كہ ان كی برسی كے موقع پر جلسے كے جو مناظر تھے اس میں رقص كیا گیا اور ڈھول بجائے گئے جو انتہائی غیر مناسب تھے، بے نظیر بھٹو ایك وژنری لیڈر تھیں، آج پاكستان پیپلز پارٹی كے قائدین ماضی كی بات كررہے ہیں جو مضحكہ خیز ہے، پانچ سال تك ان كی حكومت رہی، اس دوران انہوں نے محترمہ کے قتل کی كوئی تحقیقات نہیں كرائیں، اگروہ اپنے دور میں ایك كمیشن ہی بنا دیتے تو كم از كم وہ اپنی رپورٹ ہی پیش كردیتا۔

مریم اورنگزیب نے كہا كہ یہ پیپلزپارٹی اوران كے رہنماؤں كے لیے ایك سوال ہے كہ ایسا كیوں نہیں كیا گیا، ان كو خود اپنے آپ سے پوچھنا چاہیے كہ وہ قاتلوں كی كم از كم نشاندہی كردیتے۔ انہوں نے کہا کہ بلاول بھٹوكو محترمہ بے نظیربھٹو كی سیاسی زندگی سے سیكھنے كی ضرورت ہے كیونكہ وہ ایك بڑی لیڈر تھیں اور ان كی زندگی سے بہت كچھ سیكھا جاسكتاہے، بلاول بھٹو زرداری كے پارلیمنٹ میں آنے سے ان كی بہتر سیاسی تربیت ہوگی۔ ان کا کہنا تھا کہ پاكستان پیپلز پارٹی اعلانات كركے قبل از وقت الیكشن موڈ میں چلی گئی ہے، انتخابات میں ابھی ڈیڑھ سال باقی ہے، پیپلز پارٹی نے لانگ مارچ كا اعلان كرنا تھا لیكن یہ بات واضح ہے كہ پاكستان كی عوام نے لانگ مارچ اور دھرنے كی سیاست كو مسترد كردیا ہے جب كہ ایك اورسیاسی جماعت پچھلے تین سال سے دھرنے اور مارچ كی سیاست كركے مایوس ہو چكی ہے۔