ایمزٹی وی(اسپورٹس) آسٹریلیا کے خلاف پہلے ٹیسٹ میچ میں پاکستانی بلے بازوں نے بدترین کارکردگی کا مظاہرہ کیا ہے اور پہلی اننگز میں فالو آن کا شکار ہونے کے قریب پہنچ چکی ہے۔

اس میچ میں پاکستانی بازوں نے خزاں کے پتوں کی طرح جھڑ کر ایک شرمناک ریکارڈ بھی اپنے نام کر لیا ہے۔ آسٹریلیا کی پہلی اننگز کے 429 رنز کے جواب میں پاکستانی بلے باز کریز پر آئے تو یوں واپس جانے لگے جیسے بیٹنگ کرنے نہیں بلکہ صرف پچ کا معائنہ کرنے کیلئے تھے آئے۔

پاکستان بیٹنگ لائن نےsarfarz  تیسری وکٹ سے آٹھویں وکٹ تک یعنی 5 کھلاڑیوں نے مجموعی اسکور میں صرف 24 رنز کا اضافہ کیا جو پاکستان کی ٹیسٹ کرکٹ کی تاریخ میں تیسری سے آٹھویں وکٹ کے درمیان بنایا گیا سب سے کم اسکور ہے۔

اس سے قبل پاکستان کا تیسری سے آٹھویں وکٹ کے درمیان پانچ کھلاڑیوں کی جانب سے مجموعی طور پربنایا جانے والے سب سے کم اسکور 25 تھا جو 1981-82 میں واکا اسٹیڈیم میں کھیلے گئے میچ میں بنایاگیا تھا۔

ایمزٹی وی(اسلام آباد) آرمی چیف جنرل قمر جاوید باجوہ نے 13دہشت گردوں کو سزائے موت دینے کی توثیق کر دی ۔

آئی ایس پی آر کے مطابق آرمی چیف نے ملک کا امن تباہ کرنے والے 13دہشت گردوں کی سزائے موت کی توثیق کر دی ۔ ان ملزمان میں پریڈ لین اور باچاخان یونیورسٹی پر حملے کرنے والے ملزمان بھی شامل ہیں ۔ سزا پانے والے دہشت گردوں نے 325افراد کو شہید اور 336کو زخمی کیا ۔

آئی ایس پی آر کا مزید کہنا ہے کہ دہشت گردوں کو سزائے موت فوجی عدالتوں نے دی جنہیں اب تختہ دار پر لٹکایا جائے گا ۔دہشت گرد پاک فوج ، سیکیورٹی اداروں اور شہریوں پر حملوں میں ملوث ہیں ۔ ان میں چارسدہ یونیورسٹی پر حملے میں ملوث دہشت گردی بھی شامل ہے ۔

سزائے موت پانے والے دہشت گردوں میں لطیف اللہ محسود، عرافات ،واحد ، اکبر ، ریاض ، نور اللہ ، عبدالرحمان ، سید رحیم ، نور محمد ، شیر علی ، قاسم شاہ،قادر فیصل اور عثمان شامل ہیں ۔

Today Chief of Army Staff confirmed death sentences awarded to another 13 hardcore terrorists, who were involved... https://t.co/SJdsGdUAuH

— ISPR (@ISPR_Official) December 16, 2016

ایمزٹی وی(اسلام آباد)قومی اسمبلی میں خطاب کے دوران سعد رفیق نے رکن اسمبلی شیریں مزاری کو ”باجی“ کہہ دیا اور ان کے آگے ہاتھ جوڑ دیے اور کہا ”باجی میں تہاڈا مقابلہ نئیں کر سکدا“۔خواجہ سعد رفیق کے ان ریمارکس پر ایوان قہقوں سے گونج اٹھا۔

اسپیکر قومی اسمبلی نے کہا کہ آیا وہ شیریں مزاری کا مائیک کھول دیں۔ سعد رفیق نے کہا کہ شیریں مزاری بغیر مائیک کے بھی بول لیتی ہیں۔

بعدازاں میڈیا کے پروگرا م میں گفتگو کرتے ہوئے شیریں مزاری نے بتایاکہ انہوں نے خواجہ سعد رفیق کو معاف کردیا ہے لیکن پہلے ایسے بیانات دیتے ہی کیوں ہیں۔

ایمزٹی وی(اسلام آباد)وزیر ریلویز خواجہ سعد رفیق نے کہا ہے کہ ملک کی بقاءکیلئے دہشت گردی کا مقابلہ ضروری ہے اور قوم نے عہد کیا ہے کہ آخری دہشتگرد کا بھی پیچھا کریں گے ۔”دہشتگردوں کے ساتھ کوئی رعایت نہیں کریں گے “۔دہشتگردی کا مقابلہ کیے بغیر ملک کو قائم نہیں رکھ سکتے۔

قومی اسمبلی کے اجلاس کے بعد میڈیا سے گفتگو کرتے ہوئے انہوں نے کہا کہ پیپلز پارٹی کو چودھری نثار علی خان سے کچھ مسائل ہیں تاہم وہ فرض شناس، اصول پسند اور دیانتدار وزیر داخلہ ہیں جو اصول پر سیاست کرتے ہیں اور ڈٹ جاتے ہیں۔ امید ہے کہ نئی جماعتیں سیاسی بلوغت کی طرف آئیں گی.

ایک سوال پر انکا کہنا تھا کہ سی پیک کو نہ سمجھنے والے اس پر تبصرے کررہے ہیں ۔چینی سمجھدار ہیں اور انہیں پتہ ہے کہ پیسہ کہاں لگانا اور کیسے واپس لے کر جانا ہے ۔ وہ ہماری مرضی سے پیسہ نہیں لگائیں گے ۔”چین کی ترجیحات ہیں کہ پیسہ جلد ریکوری والے منصوبوں پر لگایا جائے “۔
خواجہ سعد رفیق نے مزید کہا کہ 1971ءمیں اگر اکثریت کو تسلیم کر لیا جاتا تو پاکستان نہ ٹوٹتا ،یہ نعرہ لگایا گیا کہ جو ادھر جائے گا اس کی ہڈیاں توڑ دی جائیں گی۔ ایوب خان کے مارشل لاءنے حالات بہت خراب کیے ۔ ملک ٹوٹنے کا سبب بننے والوں نے آج تک معافی نہیں مانگی ۔

۔انہوں نے کہا کہ اقلیت اکثریت پر حکمرانی کرنے کی کوشش نہ کرے اور آئین کی حکمرانی کو تسلیم کیا جائے ۔لوگوں کو محکوم بنا کر رکھنے کی خواہش سے گریز کیا جائے ۔آرمی پبلک سکول کے سانحے نے سب کے دل چکنا چور کر کے رکھ دیے ہیں تاہم ہم انے بچوں کو کبھی نہیں بھلائیں گے ۔

وفاقی وزیر نے ایک سوال پر جواب دیا کہ مشرقی پاکستان میں قومی اسمبلی کا اجلاس نہیں ہونے دیا گیا۔ سقوط ڈھاکہ او ر سانحہ اے پی ایس کے گہرے اثرات ہیں ۔

ایمز ٹی وی(صحت) موسم بدلتا ہے تو بہت سی احتیاطیں کرنا پڑتی ہیں،جہاں سردیوں کاموسم اپنے ساتھ کئی بیماریوں کو لاتا ہے وہیں اس موسم میں کچھ ایسی غذائیں ہیں جن سے ہم ان بیماریوں سے بچ سکتے ہیں ۔

چکن سوپ۔
سردی کے موسم میں نزلہ زکام کی شکایات ہو تو چکن یا سبزیوں کا سوپ بہتر غذا ہے کیونکہ یہ زکام کے وائرس سے بچانے میں بڑی مدد کرتا ہے اور اگر چکن سوپ میں سبزیوں کا استعمال کرلیا جائے تو اس کے مفید اثرات اور بھی نمایاں ہوجاتے ہیں۔

شہد۔
سردیوں میں خالص شہد کا استعمال آپ کو نزلہ، زکام اور کھانسی سے تحفظ فراہم کرنے کے علاوہ بہت سے دوسرے فائدے بھی پہنچاتا ہے۔

.رس دار پھل
سردیوں کی سوغات میں کینو، موسمی اور چکوترے شامل ہیں، سردیوں کے تقریبا تمام رس دار پھلوں میں وٹامن سی کی وافر مقدار ہوتی ہے جو کھانسی اور زکام کی شدت کم کرنے میں خصوصی مدد کرتی ہے ۔

ہرے پتے والی سبزیاں۔
ماہرین صحت کا کہنا ہے کہ موسم سرما میں جسم کو گرم رکھنے کے لیے گرم خوراک ، گرم مشروبات اور پھل استعمال کیے جائیں اور وٹامن سی اوربی سے بھرپور ہرے پتوں والی سبزیاں استعمال کی جائیں کیونکہ یہ سردی کے انفیکشن کے خطرے کو کم کرنے میں مدد کر سکتے ہیں۔ جس کے باعث مختلف بیماریوں سے بچاجاسکتا ہے.

اخروٹ۔
اخروٹ خشک میووں میں نہایت غذائیت بخش میوہ شمار ہوتا ہے۔ اس کی بھنی ہوئی گری جاڑوں کی کھانسی میں خاص طور پر مفید ہے۔ اس کے استعمال سے دماغ طاقتور ہوجاتا ہے۔

لہسن ۔
لہسن ایک قدرتی دوا ہے۔ یہ بھی نظام دفاع کو مضبوط کرتا ہے۔ موسموں کے بدلتے ہی اس کا استعمال بڑھادینا چاہیئے۔
ماہرین کا کہنا ہے کہ ان میں قدرتی طور پر ایسے درجنوں مادے پائے جاتے ہیں جو ایک طرف تو زخموں کو خراب ہونے سے بچاتے ہیں تو دوسری جانب ہمارے جسم میں بیماریوں سے لڑنے والے انسانی مدافعتی نظام کو بھی مضبوط بناتے ہیں۔

مچھلی.

مچھلی کے مناسب مقدار میں روزانہ استعمال کرنے سے ایسے مادوں کی مقدار بڑھ جاتی ہے جو زکام کے وائرس کو ہمارے جسم سے نکال باہر کرنے میں مددگار ہوتے ہیں۔

مچھلی کے مناسب مقدار میں روزانہ استعمال کرنے سے ایسے مادوں کی مقدار بڑھ جاتی ہے جو زکام کے وائرس کو ہمارے جسم سے نکال باہر کرنے میں مددگار ہوتے ہیں۔

کالی مرچ۔

کالی مرچ بھی سردیوں کے موسم میں آپ کو نزلے، زکام اور کھانسی سمیت کئی طرح کی بیماریوں سے بچانے میں مدد کرسکتی ہے۔ اگر پسی کالی مرچ کو کُٹی ہوئی ادرک اور سرکے میں ملاکر استعمال کیا جائے تو یہ دواؤں کی تاثیر بڑھانے میں بھرپور کردار ادا کرتی ہے۔گلے کی تکلیف میں ادرک والی چائے کا استعمال ہمارے ہاں عام ہے

سیلینیم والی غذائیں۔

سیلینیم وہ عنصر ہے، جو ہمارے امیون سسٹم کو مضبوط بناتا ہے جبکہ مناسب مقدار میں اس کا روزانہ استعمال ایسے مادّوں کی مقدار بڑھاتا ہے، جو زکام کے وائرس کو ہمارے جسم سے نکال باہر کرنے میں مددگار ہوتے ہیں۔ باداموں میں سیلینیمکی وافر مقدار ہوتی ہے۔

سی فوڈز۔
سی فوڈز مثلاً لابسٹر، کیکڑوں، ٹیونا اور کاڈفش، سیلینیم کے معاملے میں بھرپور ہوتے ہیں، اگر آپ روزانہ مچھلی اپنی غذا میں شامل کرلیں تو وہ سیلینیم کی ضروری مقدار فراہم کرنے کے ساتھ ساتھ بہت سے دوسرے اضافی غذائی اجزاء سے بھی آپ کو فائدہ پہنچائے گی۔

ایمزٹی وی(نکیال) ایل اوسی پربھارتی فوج کی اسکول وین پرفائرنگ سے ڈرائیورشہید جب کہ 8 بچے زخمی ہوگئے ہیں۔
لائن آف کنٹرول پرکچھ دن خاموشی کے بعد بھارت کی جانب سے ایک بارپھرجارحیت اور اشتعال انگیزی کا سلسلہ شروع ہوگیا، بھارتی فوج نے نکیال سیکٹرپرشہری آبادی پرگولہ باری اور فائرنگ کی ہے۔ بھارتی جارحیت کا پاک فوج کی جانب سے بھر پور جواب دیا جارہا ہے۔

پاک فوج کے شعبہ تعلقات عامہ (آئی ایس پی آر) کے مطابق ایل اوسی سے ملحقہ گاؤں موہڑہ اوردھروتی میں بھارتی فوج نے شہری آبادی اورایک اسکول وین کونشانہ بنایا، جس کے نتیجے میں اسکول وین کا ڈرائیوراسد ولد دل محمد شہید جب کہ اسکول جانے والے 8 بچے زخمی ہوئے۔

واضح رہے کہ پاکستان کی اعلی ترین عسکری قیادت میں تبدیلی کے بعد بھارتی فوج کی جانب سے یہ پہلی باراشتعال انگیزی کی گئی ہے

سوشل میڈیا پر ایک تصویر سے مشہور ہونے والا اسلام آباد کا چائے والا ارشد خان ایشیا کے پرکشش ترین مردوں کی فہرست میں شامل ہو گیا ہے۔ایمز ٹی وی (انٹرٹینمنٹ)

لندن کے میگزین ایسٹرن آئی نے ایشیا کے پرکشش ترین مردوں کی فہرست شائع کی ہے جس میں ایک تصویر سے سماجی رابطے کی سائٹ پر دھوم مچانے والا اسلام آباد کا ارشد خان ’چائے والا ‘ بھی شامل ہے۔

فہرست میں پہلا نمبر پاکستانی نژاد برطانوی گلوکار زین ملک کا ہے جب کہ ارشد خان اس فہرست میں 31 ویں نمبر پر آئے ہیں۔

چائے والا‘ کے نام سے سماجی رابطے کی سائٹ پر شہرت پانے والے ارشد خان اب نہ صرف ماڈلنگ کرتے ہیں بلکہ ایک میوزک ویڈیو میں بھی نظر آئے ہیں، صرف یہی نہیں .

ارشد خان کا جہاں پاکستان بھر میں چرچا رہا وہیں بھارت میں بھی ان کی خوبصورتی کے گن گائے گئے اور بالی وڈ کنگ شاہ رخ خان بھی ارشد خان کی تعریف کیے بنا نہیں رہ سکے۔

ایمزٹی وی(بزنس) فاطمہ جناح پارک میں سولر لائیٹنگ منصوبے کی افتتاحی تقریب میں وزیر خزانہ سنیٹر اسحاق ڈار کی ایک گھنٹے تاخیر سے آمد پر سعودی سفیر فنکشن ادھورا چھوڑ کر چلے گئے۔

ذرائع کے مطابق تقریب کا وقت تین بجے طے تھا تاہم مہمان خصوصی وفاقی وزیر سنیٹر اسحاق ڈار ایک گھنٹے کی تاخیر سے چار بجے ایونٹ میں تشریف لائے جس پر سعودی عرب کے پاکستان میں سفیر عبداللہ الاظہر انی تقریب ادھوری چھوڑ کر چلے گئے جبکہ دیگر شرکاءوفاقی وزیر کی آمد کے لیے بے چینی سے انتظار کرتے رہے۔

ایمز ٹی وی(مانیٹرنگ ڈیسک) سماجی رابطے کی سب سے بڑی سائٹ فیس بک نے جعلی خبروں سے نمٹنے کے لیےنیا فیچر متعارف کرایا ہے،جو خبروں میں موجود غلط معلومات کا پھیلائو روکے گا ۔

متعارف کرائے گئے رپورٹنگ فیچرز کے متعلق کمپنی نے اعلان کیا ہے کہ ہم لوگوں کو آواز دینے کے حق میں ہیں اور ہم سچ اور جھوٹ کا فیصلہ کرنے والے نہیں ہیں، اس لیے ہم اس مسئلے پر بہت احتیاط سے کام کر رہے ہیں۔

سماجی رابطے کی سائٹ نے کسی بھی پوسٹ کو رپورٹ کرنے کے لیے موجود آپشنز میں ایک نئے آپشن کا اضافہ کیا ہے، جس کا عنوان ہے ’یہ ایک جعلی خبر ہے‘۔

یہ آپشن ہم اب تک کسی پریشان کن پوسٹ کے لیے استعمال کرتے ہیں۔

ایمزٹی وی(اسلام آباد)مشترکہ مفادات کونسل نے 15مارچ 2017 ءسے مردم شماری شروع کرنے پر آمادگی ظاہر کردی ہے اور اس پرعمل درآمد کیلئے سیکریٹری شماریات اور چاروں چیف سیکریٹریز پر مشتمل ایک کمیٹی تشکیل دی جائے گی ۔

وزیراعظم کی زیرصدارت ہونیوالے مشترکہ مفادات کونسل کے اجلاس میں بتایاگیاکہ مردم شماری کا مرحلہ ایک یا پھر دو مراحل میں بھی ہوسکتاہے ، ہرمرحلہ صوبے بھر میں ایک ہی وقت میں ہوسکتاہے ۔مردم شماری میں صوبائی حکومتوں کا قریبی تعاون بھی حاصل ہوگا۔