ایمزٹی وی(پشاور) چیف آف آرمی ا سٹاف جنرل قمر جاوید باجوہ نے کہا ہے کہ آرمی پبلک اسکول اور دیگر ہزاروں شہداءکا خون ہمارے سر پر قرض ہے۔ ہر شہید کے خون کا حساب لینے، دہشت گردی کے خاتمے اور پاکستان کو ایک بار پھر امن کا گہوارہ بنانے تک آرام سے نہیں بیٹھیں گے۔

تفصیلات کے مطابق پشاور میں آرمی پبلک سکول (اے پی ایس) کے شہداءکی دوسری برسی کے موقع پر منعقدہ تقریب سے خطاب کرتے ہوئے آرمی چیف جنرل قمر جاوید باجوہ نے کہا کہ اے پی ایس کے شہید بچوں اور اور دیگر 22 ہزار شہداءکا خون ہمارے سر پر قرض ہے۔ انہوں نے کہا کہ میں نے اپنے دفتر میں سابق آرمی چیف جنرل راحیل شریف کی طرح اے پی ایس کے شہید بچوں کی تصاویر رکھی ہوئی ہیں اور انہیں گاہے بگاہے دیکھتا رہتا ہوں تاکہ میرا جذبہ ڈگمگائے اور نا ہی عزم متزلزل ہو۔

آرمی چیف نے کہا کہ میں بھی ایک بھائی، شوہر اور باپ ہوں اور اس درد کو سمجھ سکتا ہوں جو یقینا قابل برداشت نہیں ۔ مولانا صاحب نے فرمایا کہ جو شہید ہوئے وہ یقینا بہتر جگہ پر موجود ہیں اور ہمیں اس کا شعور نہیں ہے۔ گزشتہ سال بھی ہم نے ایک تقریب کی اور اس سال بھی تقریب کا انعقاد ہو رہا ہے جس کا مقصد یہ یاد رکھنا ہے کہ ہمارا کتنا خون بہایا گیا ہے، ہم بچوں کی قربانیوں کو بھولیں اور راستے سے نہ بھٹکیں۔

ان کا کہنا تھا کہ آرمی چیف اور قوم کا نمائندہ ہونے کی حیثیت سے میرا اور پوری پاکستانی قوم کا عزم ہے کہ ہم اس وقت تک آرام سے نہیں بیٹھیں گے جب تک ہر بچے کے خون کا حساب نہیں لیتے اور دہشت گردی کا خاتمہ کر کے پاکستان کو ایک بار پھر امن کا گہوارہ نہیں بنا دیتے۔ قائداعظم نے جو خواب دیکھا تھا اس کی رو کے مطابق پاکستان کو پرامن اسلامی مملکت بنانا ہے اور اس تمام جدوجہد میں بہت سی قربانیاں دی گئی ہیں۔

انہوں نے کہا کہ تمام ادارے لواحقین کے ساتھ کھڑے ہیں اور ان کے درد کا مداوا کرنے کی کوشش کریں گے۔ یہ زخم بہت گہرا ہے جسے مکمل طور پر بھرنا مکمل نہیں، لیکن اس طرح کے اجلاس میں انہیں مدعو کر کے ان کیساتھ بات چیت کرنا اور ان بچوں کو یاد کر کے گھاﺅ کو کچھ کم ضرور کیا جا سکتا ہے۔ ہم نے بنیادی طور پر کچھ کاام کئے ہیں تاکہ وثاءاور والدین کے دکھ کا مداوا ہو سکے اور یہ سلسلہ جاری رہے گا۔ انہوں نے کہا کہ سانحہ اے پی ایس میں شہید ہونے والے بچوں کے بھائی، بہنوں کیلئے اعلیٰ تعلیم کی کوشش کر رہے ہیں تاکہ جو کام وہ بچے نہیں کر سکے وہ ان کے بھائی اور بہن کر سکیں اور اعلیٰ تعلیم حاصل کر کے معاشرے میں بہترین مقام حاصل کر سکیں۔ میں یقین دلاتا ہوں کہ اس سلسلے میں جو کچھ بھی ہمارے بس میں ہو گا، وہ ہم کریں گے۔

جنرل قمر جاوید باجوہ نے کہا کہ مسلح افواج آپ کی حفاظت کی ضامن اور آپ کے تعاون کی طلبگار ہے ۔ پوری کوشش ہو گی کہ دہشت گردی کے خلاف جنگ کا خاتمہ جلد از جلد کیا جائے تاکہ پاکستان پھر سے ایک پرامن اور خوبصورت ملک بن سکے۔ آخر میں میں دوبارہ اللہ سے دعا کرتا ہوں کہ اللہ ہمیں حوصلہ دے اور جو بچے اور بہن بھائی شہید ہوئے ہوئے اللہ انہیں صبر و جمیل عطاءکرے

ایمز ٹی وی ( انٹرٹینمنٹ) دپیکا پڈوکون بالی ووڈ کی معروف ہدایتکارہ اور کوریو گرافر فرح خان کا بہت احترام کرتی ہیں اور انہیں اپنی دوسری ماں کا درجہ دیتی ہیں اور دونوں کے درمیان تحفے تحائف کا تبادلہ بھی ہوتا رہتا ہے لیکن گزشتہ دنوں فرح خان نے ایسا تحفہ بھیجا جسے دیکھ کردیپیکا خوشی سے نہال ہوگئیں۔

زرائع کے مطابق بالی ووڈ اداکارہ دپیکا پڈوکون ہدایتکارسنجے لیلا بھنسالی کی نئی آنے والی فلم “پدماوتی” میں جلوہ گرہوں گی، فلم کی شوٹنگ جاری تھی کہ انہیں کوریوگرافر، ہدایتکارہ اورپروڈیوسرفرح خان کی جانب سے ایک انوکھا تحفہ بھیجا گیا جودپیکا کوبہت پسند آیا۔

کوریوگرافرفرح خان جنہیں دپیکا پیار سے ماں کا درجہ دیتی ہیں انہوں نے دپیکا کو فلم کے سیٹ پرکھانے سے بھرا ایک پریشر کُکر بھیجا تاکہ وہ مشکل ترین شوٹنگ کے دوران صحت مند کھانا کھاسکیں۔

واضح رہے کہ دپیکا پڈوکون فلم نگری کی سب سے زیادہ معاوضہ وصول کرنے والی اداکارہ ہیں جنہوں نے رواں سال امریکی میگزین فوربز کی سب سے زیادہ معاوضہ لینے والی فہرست میں بھی جگہ بنائی تھی۔

ایمز ٹی وی(انٹرٹینمنٹ) ہالی ووڈ کی کامیڈی سے بھرپور اینیمیٹیڈ فلم سیریز ’ڈیسپی کیبل مِی‘ سلسلے کی نئی تھری ڈی اینیمیٹیڈ ایکشن ایڈونچر فلم ’ڈیسپی کیبل مِی3‘ کا پہلا ٹریلر جاری کر دیا گیا ہے۔

2010اور 2013میں سنیما گھروں میں کھڑکی توڑ بزنس کرنیوالی بلاک بسٹر فلم سیریز ڈیسپی کیبل مِی سلسلے کی اس تیسری فلم کو پیری کوئفین اور کیئل بیلڈا نے مشترکہ طور پر ڈائریکٹ کیا ہے۔

فلم کی کہانی ایک بار پھر گرو (Gru)نامی کردار کے گِرد گھوم رہی ہے، جو قیمتی ہیرے چوری کرنیوالے انوکھے چور کو پکڑنے کیلئے اس کا پیچھا کرتا دکھائی دے رہا ہے۔

ببل گم کے ذریعے چوری کرنیوالے ڈانسنگ کے شوقین اس چور کو پکڑنے کی کوشش میں گروو کو نہ صرف انوکھے چیلنجیز کا سامنا کرنا پڑتا ہے، بلکہ اس دوران اسے اپنا برسوں پہلے کھویا ہوا بھائی ڈرو(Dru)بھی مل جاتا ہے، جس میں اسے مینیزز کی بھی مدد حاصل ہوتی ہے۔

کرس میلن اور جینیٹ ہیلے کی پروڈکشن میں بننے والی اس فلم کے دلچسپ اینیمیٹیڈ کرداروں کے ڈائیلاگ ہالی وڈ کے نامور اداکار اسٹیو کیرل، کرسٹن ویگ، ٹیری پارکر، مرینڈا کوسگروو، رسل برینڈ اور مائیکل بیٹیے کی آوزوں میں ریکارڈ کئے گئے ہیں۔

الیمینیشن انٹرٹینمنٹ کی تیار کردہ مینینزز اور گروو سمیت دیگر کئی دلچسپ کرداروں پر مبنی یہ کمپیوٹر تھری دی اینیمیٹیڈ کامیڈی فلم آئندہ سال 30جون کو یونیورسل پکچرز کے تحت سنیما گھروں میں دھوم مچانے آرہی ہے۔

ایمزٹی وی(پشاور) وزیراعظم نواز شریف نے کہا ہے کہ 16 دسمبر کو کبھی نہیں بھول سکتے جس دن معصوم طلباءکو بے رحمی سے شہید کیا گیا، قوم یقین رکھے دہشت گردی کیخلاف جنگ کو منطقی انجام تک پہنچائیں گے اور آئندہ نسلوں کیلئے پرامن اور مستحکم پاکستان یقینی بنائیں گے۔

تفصیلات کے مطابق وزیراعظم نواز شریف نے سانحہ آرمی پبلک سکول (اے پی ایس) کی دوسری برسی کے موقع پر نے متاثرہ خاندان کیساتھ ہمدردی کا اظہار کرتے ہوئے کہا ہے کہ پوری قوم دکھ کی اس گھڑی میں غمزدہ خاندانوں کے ساتھ کھڑی ہے ۔ انہوں نے کہا کہ پوری قوم کو 16 دسمبر کا دن اس تکلیف دہ سانحہ کی یاد دلاتا ہے جب درندہ صف اور سخت دل دشمن نے اسکول ے بچوں کو نشانہ بنایا
اور بے رحم دہشت گردوں نے معصوم طلباءکو شہید کیا، آج کے دن کے دکھ کو کبھی نہیں بھول سکتے۔

انہوں نے کہا کہ بچوں کے قاتلوں پر کسی قسم کا رحم نہیں کیا گیا اور دنیا نے دیکھا کہ ہم نے دہشت گردوں کے نیٹ ورک کو تباہ کیا اور دہشت گردی کی کمر توڑ دی۔ قوم یقین رکھے کہ دہشت گردی کیخلاف اس جنگ کو منطقی انجام تک پہنچائیں گے اور آئندہ نسلوں کیلئے پرامن اور مستحکم پاکستان یقینی بنائیں گے۔

ایمزٹی وی (تعلیم/ پشاور)آرمی چیف جنرل قمر جاوید باجووہ پشاور میں آرمی پبلک اسکول کی دوسری برسی کی مرکزی تقریب میں شرکت کیلئے آرمی پبلک اسکول پہنچ گئے ۔

میڈیارپورٹس کے مطابق پشاور میں سانحہ آرمی پبلک اسکول کے شہداءکی دوسری برسی کی یاد میں مرکزی تقریب جاری ہے جس میں آرمی چیف جنرل قمر جاوید باجووہ بھی شریک ہیں ۔انہوں نے آرمی پبلک اسکول مٰیں یاد گارشہداءپر پھولوں کی چادر بھی چڑھائی ۔

اس کے علاوہ گورنر خیبر پختونخوا اقبال ظفر جھگڑا بھی آرمی چیف کے ہمراہ ہیں ۔ تقریب میں شہید بچوں کے والدین اور عزیز و اقارب کی کثیر تعداد موجود ہے

ایمز ٹی وی(مانیٹرنگ ڈیسک) فیس بک نے اپنی میسنجر ایپ میں نیا کیمرہ فیچر متعارف کرا دیا ہے جو آپ کے لکھے ہوئے الفاظ کو مصورانہ انداز کے فلٹرز میں بدل دے گا۔

فیس بک میسنجر کا آرٹسی نیو کیمرہ نامی فیچر کسی بھی قسم کے ٹیکسٹ کو فلٹرز میں بدل دیتا ہے۔

بس آپ کو کیمرہ رول اوپن کرکے تصویر یا ویڈیو بنانی ہے اور اس کے اوپر کچھ بھی ٹائپ کریں جو جدید ٹیکنالوجی کی بدولت آرٹ فلٹرز کی شکل اختیار کرلے گا اور تصویر یا ویڈیو کے اوپر اسے کہیں بھی رکھا جاسکے گا۔

اسی طرح کیمرہ میں موجود augmented رئیلٹی سیلفی لینسز، ہالیڈے تھیم ماسکس، پرزما جیسے اسٹائل ٹرانسفر اور دیگر بہت کچھ فیس بک میسنجر کو کسی بھی دوسری ایپ کے مقابلے میں مختلف بنادیتے ہیں۔

فیس بک میسنجر کے سربراہ ڈیوڈ مارکوس کے مطابق لوگوں کے درمیان اکثر گفتگو کا آغاز تصاویر سے ہوتا ہے، تو ہم چاہتے تھے کہ انھیں ویژول پیغامات کا بہترین تجربہ فراہم کریں اور قدرتی طور پر اس کے لیے ایک اچھے کیمرے کی ضرورت ہوتی ہے جو اس نئے فیچر میں موجود ہے۔

یہ فیچر آئی او ایس اور اینڈرائیڈ صارفین کے لیے کل تک پیش کردیا جائے گا جبکہ اس کے ہالیڈے ایفیکٹس 21 دسمبر تک سب کو دستیاب ہوں گے۔

اس نئے کیمرے میں میسنجر آرٹ، فیس بک کیمرہ 2.0، اسٹائلز شٹر بٹن، شوٹ فرسٹ، پک فرینڈز لیٹر، سیلفی ماسکس، اسٹائل ٹرانسفر اور ایفیکٹس، آرٹ پکر، پروگرام فریمز، بلینک کینوس اور بہت کچھ شامل ہے۔

ایمزٹی وی(پشاور) سانحہ آرمی پبلک اسکول پشاور کے شہدا کی دوسری برسی آج منائی جارہی ہے۔ اس موقع پر مختلف تنظیموں کی جانب سے تقریبات منعقد کی گئیں جن میں دہشت گردی کے خلاف جنگ میں شہید اور زخمی ہونے والوں کو خراج تحسین پیش کیا جائے گا۔

آج ملک بھر میں سکیورٹی الرٹ کردی گئی،2 سال گزرنے کے باوجود شہدا کے لواحقین کے زخم نہ بھر سکے، پشاور بھر میں سرکاری پرائیویٹ تمام اسکول کالج اور جامعات آج بند رہیں گی جبکہ لاہور سمیت ملک بھر کے تعلیمی اداروں اور دیگر مقامات پر خصوصی تقریبات کا انعقاد کیا جارہا ہے جس میں شہدا کی روح کے ایصال ثواب کیلئے فاتحہ اور قرآن خوانی کی گئی ہے۔

اس موقع پر شہدا کی قربانی کو بھرپور خراج عقیدت بھی پیش کیا گیا،نماز جمعہ کے اجتماعات میں بھی شہدا کیلئے خصوصی دعا کی جائے گی ،پولیس سمیت دیگر قانون نافذ کرنے والے اداروں نے کسی بھی نا خوشگوار واقعہ سے نمٹنے کیلئے سکیورٹی کے فل پروف انتظامات کئے ہیں۔ اس دن کی مناسبت سے لاہور سمیت ملک بھر کے تعلیمی اداروں اور دیگر مقامات پر خصوصی تقریبات کا انعقاد کیا گیا۔ حساس قرار دئیے گئے تعلیمی اداروں کی سکیورٹی کو انتہائی سخت کر دیا گیا ہے۔

واضح رہے کہ 16 دسمبر 2014 کو پشاور کے آرمی پبلک اسکول پر حملے کے نتیجے میں اسکول کے بچوں اور اساتذہ سمیت 142 افراد شہید جبکہ درجنوں زخمی ہوئے تھے ۔علاوہ ازیں مرکزی تقریب آج آرمی پبلک اسکول میں منعقد ہوئی جس کیلئے تیاریاں مکمل کرلی گئی ہیں جبکہ مرکزی تقریب میں آرمی چیف نے بھی شرکت کی۔

ایمز ٹی وی (صحت) چین میں گزشتہ دو ہزار سال سے مختلف بیماریوں کے علاج کے لیے ’’فینگ فو پوائنٹ‘‘ پر برف کا استعمال کیا جارہا ہے جس سے اب تک دنیا بھر کے ان گنت لوگ مستفید ہوچکے ہیں۔

علاج کا یہ طریقہ بہت آسان ہے جس میں گردن کے پچھلے حصے پر برف کا ایک ٹکڑا چند منٹوں کے لیے رکھا جاتا ہے جب کہ یہ عمل پورے دن میں ایک سے دو مرتبہ دوہرایا جاتا ہے۔

واضح رہے کہ وہ جگہ جہاں ریڑھ کی ہڈی کا سب سے اوپر والا مہرہ اور کھوپڑی کا نچلا حصہ آپس میں ملتے ہیں اسے ’’فینگ فو پوائنٹ‘‘ (Feng Fu Point) کہتے ہیں اور برف کا ٹکڑا اسی حصے پر 20 منٹ تک رکھنا پڑتا ہے۔

اس طریقے پر عمل کرنے کے لیے بیٹھ کر گردن جھکالیں یا پھر سینے کے بل لیٹ جائیں۔ ہاتھ میں رومال یا کوئی موٹا کپڑا لے کر اس سے برف کا ٹکڑا پکڑ لیں تاکہ اسے دیر تک فینگ فو پوائنٹ پر رکھ سکیں۔

پہلے 30 سے 60 سیکنڈ تک برف کی ٹھنڈک سے تکلیف کا احساس ہوگا لیکن اس کے بعد حیرت انگیز طور پر آپ کو گرمی کی لہریں اپنی گردن کے پچھلے حصے میں اترتی ہوئی محسوس ہونے لگیں گی۔ 20 منٹ تک برف کا ٹکڑا اسی جگہ پر تھام کر رکھیں جسے زیادہ دبانے یا ہٹانے کی ضرورت نہیں، البتہ اتنا ضرور دھیان رہے کہ برف آپ کی گردن کے پچھلے بالائی حصے (فینگ فو پوائنٹ) سے مسلسل مس ہوتی رہے۔
اگر شروع میں پریشانی کا سامنا ہو تو برف کو کسی کپڑے میں بھی لپیٹا جاسکتا ہے تاکہ آپ اسے زیادہ دیر تک فینگ فو پوائنٹ پر برداشت کرسکیں۔

فینگ فو پوائنٹ پر روزانہ دن میں ایک سے دو مرتبہ برف رکھنے سے کئی فائدے ہوتے ہیں جن میں سر کے درد سے چھٹکارا، نزلہ زکام کی علامات کا خاتمہ، نظامِ ہاضمہ میں بہتری، اچھی نیند اور الٹی/ متلی کی کیفیات کا خاتمہ شامل ہیں۔

ان کے علاوہ فینگ فو پوائنٹ پر برف رکھنے سے سر چکرانے کا احساس ختم ہوجاتا ہے، یرقان کی ظاہری علامات میں کمی آتی ہے، دل اور دورانِ خون کا نظام بہتر ہوتا ہے، دمے کی علامات کم ہوتی ہیں اور تھائیرائیڈ گلینڈز سے متعلق صحت کے درجنوں مسائل بھی قابو میں رہتے ہیں۔

ایمزٹی وی(اسلام آباد)پاکستانی اوررائل عمانی بحری افواج کے مابین شمالی بحیرہ عرب میں ہونے والی مشقیں ثمر الطیب اختتام پذیر ہو گئیں۔ رائل عمانی نیوی کے ٹاسک گروپ میں شامل دو بحری جہازوں السعد اور البشریٰ نے پاکستان نیوی کے جنگی جہازوں کے ساتھ مشترکہ بحری مشقوں میں حصہ لیا۔

مشترکہ بحری مشقوں میں مختلف آپریشنل نوعیت کی مشقیں کی گئیں جن میں سمندری جنگ کے بیشتر پہلوؤں کو مد نظر رکھا گیا۔ ان مشقوں میں انسداد دہشت گردی، بحری قذاقی کے انسداد، سطح آب اور زیر آب خطرات سے نمٹنے کی صلاحیتوں کوبہتر بنانے کی مشقیں شامل ہیں۔
اس کے علاوہ ہمہ پہلو خطرات کے ماحول میں جہازوں پر نصب ہتھیاروں کی آزمائشی فائرنگ بھی کی گئی۔ ثمر الطیب 16کی حالیہ مشقیں اس سلسلے کی آٹھویں مشقیں ہیں جن میں پاک بحریہ کے تباہ کن بحری جہازوں، فریگیٹس، میزائل بوٹس اور فضائی اثاثوں نے بھی حصہ لیا۔

کمانڈر پاکستان فلیٹ وائس ایڈمرل عارف اللہ حسینی نے مشقوں کے انعقاد اور حصہ لینے والے بحری اثاثوں کی کارکردگی پر اطمینان کا اظہار کیا۔ انہوں نے ثمر الطیب 16میں بھرپور شرکت پر رائل عمانی بحریہ کا بھی شکریہ ادا کیا۔ثمر الطیب 16 میں رائل عمانی بحریہ کے یونٹس کی شرکت سے نہ صرف دونوں ممالک کے مابین کئی دہائیوں پر محیط دوستانہ اور پیشہ ورانہ تعلقات کی مضبوط بنیاد کی عکاسی ہوتی ہے بلکہ مستقبل میں بھی اس نوعیت کے تعاون کی یقین دہانی ہوتی ہے

ایمزٹی وی(اسلام آباد)قومی اسمبلی مین جاری اجلاس میں ابتدا سے ہی گرما گرمی عروج پر پہنچی ہوئی ہے۔ اجلاس میں شاہ محمود قریشی کے خطاب کے دوران خواجہ سعد رفیق نے پی ٹی آئی ارکان کو غنڈہ کہہ کر مخاطب کیا جس پر شاہ محمود قریشی نے ان سے معافی کا مطالبہ کردیا۔

تفصیلات کے مطابق شاہ محمود قریشی ایوان میں خطاب کر رہے ہیں اور اس دوران ایوان میں اپوزیشن اور حکومتی ارکان کی جانب سے شدید ہنگامہ آرائی کی جارہی ہے۔ وفاقی وزیر ریلوے خواجہ سعد رفیق نے شاہ محمود قریشی کی تقریر کے دوران پی ٹی آئی ارکان کو غنڈہ کہہ کر مخاطب کیا جس پر ایوان میں خوب گرما گرمی ہوئی ۔

پی ٹی آئی جھگڑا اور تنخواہ لینے آتی ہے

شاہ محمود قریشی نے پریس گیلری میں موجود صحافیوں کو مخاطب کرتے ہوئے کہا کہ ’ پوری پریس گیلری سن رہی ہے کہ خواجہ سعد رفیق نے ایوان میں پی ٹی آئی ارکان کو غنڈہ کہا ہے ، خواجہ سعد رفیق نے کہا پی ٹی آئی والے غنڈے ہیں، آپ نے خواتین کو بھی غنڈہ کہا، کیا منتخب ہوکر ایوان میں آنے والے غنڈے ہیں؟‘۔ انہوںنے خواجہ سعد رفیق سے معافی کا مطالبہ کرتے ہوئے کہا کہ جب تک خواجہ سعد رفیق معافی نہیں مانگے گا تب تک انہیں بولنے نہیں دوں گا۔