ایمزٹی وی(تعلیم/ کراچی) جامعہ کراچی کے شعبہ ابلاغ عامہ کے تحت منعقدہ دوروزہ بین الاقوامی میراتھن کانفرنس بعنوان’’میڈیا کی تعلیم،نظریہ، انڈسٹری اور پاکستان میں تحقیق‘‘ کے موضوع پر جاری دوروزہ کانفرنس کے اجلاس کی صدارت کرتے ہوئے سینئر صحافی اور انسانی حقوق کمیشن کے سربراہ آئی اے رحمان نے کہا کہ ملک میں انسانی حقوق کا معاملہ ریاستی ترجیحات میں شامل نہیں ہے۔

ان کا مزید انسانی حقوق صرف آئینی او ر عدالتی معاملہ نہی ںبلکہ ایک طرز زندگی ہے۔ پاکستان میں انسانی حقوق کو نصاب میں شامل کرکے ملک میں دیر پا امن قائم کیا جا سکتا ہے۔ طالب علموں میں انسانوں کے درمیان تفریق پیدا کرنے والے بیانیے کی جگہ تمام انسانوں کیلئے برابری کی بنیاد پر حقوق کی فراہمی سے انسانی زندگی کو بہتر بنایا جاسکتا ہے۔

اس موقع پر پروفیسر ڈاکٹر خالد عراقی(ڈین فیکلٹی برائے نظمیات)، ڈاکٹر الطاف اللہ ( چیئرمین شعبہ ابلاغ عامہ ، یونیورسٹی آف پنجاب)، تسنیم احمر ( ڈائریکٹر عکس) اور مہوش علی ( لیکچرار شعبہ ابلاغ عامہ سردار بہادر خان یونیورسٹی کوئٹہ) نے بھی خطاب کیا۔ ڈاکٹر خالد عراقی نے کہا کہ میڈیا کے نصاب کو عملی بنیادوں پر مرتب کرنے کی ضرورت ہے ، مختلف سیشنز سے رضا علی عابدی ، وسعت اللہ خان، ڈاکٹر راوف پاریکھ ، اطہر ہاشمی ،ڈاکٹر جاوید جبار ، پروفیسر شیراز پراچا ، حسن خان ،ڈاکٹر عرفان ، ڈاکٹر اشرف خان ، ڈاکٹر ریاض ، جبران پیش امام اور دیگر نے خطاب کیا

ایمزٹی وی(راولپنڈی) پاک فوج نے کے اہم عہدوں پر تقرریاں ہوئی ہیں جن کے تحت پاک فوج کے 7میجر جنرلز کو لیفٹیننٹ جنرل کے عہدے پر ترقی دے دی گئی ہے ۔

آئی ایس پی آر کی جانب سے جاری بیان میں کہا گیا ہے کہ پاک فوج کے 7میجر جنرلز کو لیفٹیننٹ جنرل کے عہدے پر ترقی دی گئی ہے ۔انہوں نے بتا یا کہ ترقی پانے والوں میں کمانڈنٹ پی ایم اے میجر جنرل ندیم رضا ،ڈی جی رینجرز سندھ میجر جنرل بلال اکبر ،ڈی جی ڈبلیو اینڈ آر جی ایچ کیو میجر جنرل ہمایوں عزیز ،آئی جی ایف سی میجر جنرل شیر افگن ،ڈی جی این ڈی یو میجر جنرل نعیم اشرف ،ڈی جی ایف ڈبلیو او میجر جنرل محمد افضل اور ڈی جی پی ایس میجر جنرل قاضی اکرام کے نام شامل ہیں ۔

ایمزٹی وی(تعلیم/ سندھ)سندھ ہائر ایجوکیشن کمیشن کو فعال اور وفاقی ہائر ایجوکیشن کمیشن کا کردار محدود کرنے کے لئے نئے سیکرٹری کی تلاش شروع کر دی گئی ہے اور اس مرتبہ نیا سیکرٹری ڈی ایم جی گروپ کے بجائے پی سی ایس افسر ہوگا۔

انتہائی باخبر ذرائع نےمیڈیا کو بتایا کہ اعلیٰ حکام موجودہ سیکرٹری ہائر ایجوکیشن نوید شیخ جن کے پاس سیکرٹری بورڈز و جامعات کا بھی اضافی چارج ہے، کی کارکردگی سے مطمئن نہیں ہیں کیونکہ وہ مطلوبہ کارکردگی نہیں دکھا سکے اور ان کی ہمدردیاں ڈی ایم جی گروپ کے افسر ہونے کے ناتے سندھ ایچ ای سی کے ساتھ نہیں۔ پنجاب ایچ ای سی میں جو سندھ ایچ ای سی کے بعد قائم ہوا اس وقت پنجاب میں فعال اور مؤثر کردار ادا کر رہا ہے۔

چیئرمین سندھ ایچ ای سی کے قریبی ذرائع نے جنگ کو بتایا کہ ڈاکٹر عاصم صوبائی سیکرٹری ہائر ایجوکیشن کمیشن کی فوری تبدیلی چاہتے تھے تاہم ان کے آئندہ سال جنوری کے آخری عشرے میں تربیتی کورس پر جانے کے باعث انہوں نے فوری تبدیلی کو مؤخر کر دیا تاہم اب فیصلہ کیا گیا ہے کہ ڈی ایم جی کے بجائے میرٹ پر صوبائی افسر اس اہم ترین اسامی پر تعینات کیا جائے جو کمیشن میں سندھ کا کیس لے کر آگے بڑھے کیونکہ موجودہ سیکرٹری نے متعدد اہم خطوط اور سمریز کے معاملات کو روک رکھا ہے حالانکہ نوید شیخ کی اس اہم اسامی پر تعیناتی کی سفارش ان کے قریبی عزیز اور اندرون سندھ میڈیکل یونیورسٹی کے وائس چانسلر نے کی تھی۔

یاد رہے کہ سندھ ہائر ایجوکیشن کمیشن میں صوبائی ای بی سی سی کے حوالے سے اہم خطوط، سمریاں اور نوٹیفکیشن جاری نہیں ہو رہے ہیں جبکہ جامعہ کراچی، ڈائو میڈیکل یونیورسٹی اور سندھ یونیورسٹی میں وائس چانسلرز کی تعیناتی کا معاملہ بھی رُکا ہوا ہے اور گزشتہ ایک سال سے سندھ کے تعلیمی بورڈز میں سیکرٹری اور ناظم امتحانات کی اسامیوں کے لئے انٹرویوز بھی نہیں کرائے گئے ہیں۔ میڈیا نے سیکرٹری ہائر ایجوکیشن کمیشن نوید شیخ سے مؤقف لینے کے لئے متعدد بار فون کیا انہوں نے فون نہیں اٹھایا انہیں ایس ایم ایس بھی کیا مگر انہوں نے جواب نہیں دیا۔ یہ بھی یاد رہے کہ سندھ ہائر ایجوکیشن کمیشن کے سیکرٹری کو ایک لاکھ سے زیادہ خصوصی الاؤنس بھی ملتا ہے

ایمزٹی وی(تعلیم/ کراچی)صوبائی وزیر برائے تعلیم و خواندگی جام مہتاب حسین ڈہر نے کہا ہے کہ یہ تمام نجی اسکولز کی ذمہ داری ہے کہ وہ اپنے تعلیمی اداروں میں سندھی زبان، ناظرہ قر آن اورا سلامیات کی تعلیم کو یقینی بنائیں اور اقلیتوں کو اسلامیات کی جگہ اخلاقیات کا مضمون پڑھائیں۔

یہ بات انہوں نے تغلق ہاؤ س میں نجی اسکولز کی تنظیموں کے عہدے داروں سے خطاب کرتے ہوئے کہی۔ اجلاس میں اسپیشل سیکریٹریز عالیہ شاہد، ذاکر حسین شاہ، ڈائریکٹر جنرل پرائیویٹ انسٹی ٹیوشنز ڈاکٹر منسوب صدیقی ، چیئر مین ٹرسٹ اسکول جمیل یوسف، چیئرمین آل سندھ پرائیویٹ اسکولز خالد شاہ اور دیگر نمائندوں نے شرکت کی۔
ڈائریکٹر جنرل منسوب صدیقی نے اجلاس کو بتایا کہ تقریباً تمام نجی اسکولز سندھی زبان پڑھا رہے ہیں اور اگر کہیں سے شکایت آتی ہے تو متعلقہ اسکول کے خلاف کارروائی کی جاتی ہے ۔ صوبائی وزیر تعلیم نے اسپیشل سیکریٹریز کو ہدایت کی کہ اسکول مالکان کو اسلحہ کے لائسنس کے حصول میں حائل رکاوٹوں کو دور کرنے کے لئے محکمہ داخلہ سندھ سے مربوط رابطہ کیا جائے ۔

انہوں نے اسکولز مالکان کو بھی ہدایت کی کہ وہ طلبہ کی حفاظت کو یقینی بنائیں اور تمام ضروری کوائف و معلومات متعلقہ پولیس اسٹیشن اور رینجرز کو فراہم کریں۔ صوبائی وزیر جام مہتاب حسین ڈہر نے محکمہ تعلیم کے افسران کو ہدایت کی کہ وہ ٹیوشن فیس اور دیگر معاملات سے متعلق سندھ ہائی کورٹ کے فیصلہ پر پرائیویٹ ایجوکیشنل انسٹی ٹیوشنز 2001 ترمیم شدہ 2003اور 2005پر قانون کے مطابق عمل کروائیں۔

قبل ازیں صوبائی وزیر تعلیم جام مہتاب حسین ڈہر نے محکمہ تعلیم کے دفاتر کا اچانک دورہ کیا اور دورے کے موقع پر بشمول ایڈیشنل سیکریٹری، سیکشن افسران اور دیگر عملے کو غیر حاضر یا دیر سے آنے پر سرزنش کی اور 30سے زائد افسران اور عملہ کو وضاحتی مراسلے دینے کی بھی ہدایت کی۔ صوبائی وزیر نے صفائی کی ناقص صورتحال کا بھی سخت نوٹس لیتے ہوئے متعلقہ انچارج کے خلاف کارروائی کرنے کا حکم دیا۔

ایمزٹی وی(بیجنگ)چین کے صدر، وزیراعظم اور وزیرخارجہ نے اپنے پیغام میں طیارہ حادثے پر پاکستانی ہم منصبوں سے اظہار تعزیت کیا ہے۔
چین کے صدر ژی جن پنگ نے پاکستانی ہم منصب ممنون حسین سے اظہار تعزیت کرتے ہوئے اپنے پیغام میں کہا کہ مسافر طیارہ حادثے سے متعلق سن کر شدید صدمہ ہوا جس میں سوار تمام 47 افراد جاں بحق ہوئے۔

چین کی حکومت اور عوام کی جانب سے ہم متاثرہ خاندانوں سے اظہار تعزیت کرتے ہیں اور مشکل کی اس گھڑی میں چین کے عوام پاکستانی لوگوں کے ساتھ کھڑے ہیں۔

اپنے تعزیتی پیغام میں چینی وزیراعظم لی کیکیانگ نے وزیراعظم نواز شریف سے اظہار تعزیت کرتے ہوئے اپنے پیغام میں کہا کہ متاثرہ طیارے میں سوار تمام مسافروں کے لواحقین سے اظہار تعزیت کرتا ہوں جب کہ چینی وزیرخارجہ وین یی نے بھی وزیراعظم کے مشیر برائے امور خارجہ سرتاج عزیز سے اسی قسم کے جذبات کا اظہار کیا۔
لائک کریں

ایمز ٹی وی( صحت) بھکر اور جہانیاں میں مضر صحت کھانا کھانےسے ایک لڑکا جاں بحق اور خواتین سمیت 8بچوں کی حالت خراب ہوگئی۔متاثرہ افراد کو اسپتال منتقل کردیاگیا۔

بھکر میں محلہ شیخاں والا میں اہل خانہ نے کھانا کھایا، جس کے بعد4بہن بھائیو ں کی حالت غیر ہوگئی جنہیں تشویش ناک حالت میں اسپتال منتقل کیاگیا،لیکن طبی امداد کے دوران 12سالہ لڑکاا نتقال کرگیا،دیگر متاثرہ بچوں کو بھی تشویش ناک حالت میں ملتان کےاسپتال بھیج دیاگیاہے۔

ادھرجہانیاں کے نواحی گاؤں مضر صحت مٹھائی کھانےسے 3خواتین اور 5بچے بے ہوش ہوگئے ہیں۔ متاثرہ افراد کو تحصیل ہیڈکوارٹر اسپتال منتقل کردیاگیا۔

پولیس کے مطابق مٹھائی نامعلوم شخص نے باہر کھیلنے والے بچے کو دی اور چلاگیا،واقعہ کی تحقیقات شروع کردی گئی ہیں ۔

ایمزٹی وی(واشنگٹن)امریکاکے نومنتخب صدر ڈونلڈ ٹرمپ نے اپنی حکومت کی خارجہ پالیسی کی ترجیحات کا اعلان کر دیاہے۔
برطانوی خبر رساں ادارے کے مطابق ڈونلڈٹرمپ نے اپنی حکومت کی خارجہ پالیسی کا اعلان کرتے ہوئے کہا کہ امریکی فوج بیرونی تنازعات میں مداخلت سے گریز کرے گی، ہماری ساری توجہ داعش کو شکست دینے پر مرکوز ہے اور ہم اپنی فوجی طاقت میں اضافے کے ذریعے امن کے حصول کی کوشش کریں گے۔

ٹرمپ نے عراق پرامریکی لشکرکشی کوغلطی قراردیتے ہوئے کہاکہ امریکاکسی بھی دوسرے ملک میں حکومتوں کا تختہ الٹنے کی کوشش کرے گانہ ہی ایسے اقدامات میں حصہ لے گا۔انھوں نے کہا کہ امریکی اہداف سے اتفاق رکھنے والے ہر ملک کو امریکاکا شریک تصور کیا جائے گا۔

انھوں نے مشرق وسطی کی جنگ میں بھاری بھرکم اخراجات کی جانب اشارہ کرتے ہوئے امریکی عوام کو یقین دلایا کہ جنگوں پر رقم خرچ کرنے کے بجائے سڑکوں اورشاہراہوں، پلوں اور ہوائی اڈوں کی تعمیرنوکے منصوبوں میں سرمایہ کاری کی جائے گی۔ڈونلڈ ٹرمپ نے ایک بار پھر کہا کہ امریکا کو بیرونی دنیامیں مداخلت اور افراتفری کی پالیسی ترک کرناہوگی،امریکی فوج کو جارحیت کیلیے نہیں بلکہ دفاع کیلیے مضبوط بنانا ہوگا۔

ایمزٹی وی(انٹرنیشنل)مشہور امریکی خلا نورد اور سینیٹر جان گلین 95 برس کی عمر میں انتقال کرگئے۔
جان ہرشل گلین جونیئر امریکی ریاست اوہایو کے شہر کولمبس میں 18 جولائی 1921 کو پیدا ہوئے اور مرتے دم تک وہیں مقیم رہے۔ ناسا میں خلانورد بننے سے پہلے انہوں نے دوسری جنگِ عظیم کے دوران امریکی فضائیہ میں فائٹر پائلٹ اور ٹیسٹ پائلٹ کے طور پر خدمات انجام دیں۔

20 فروری 1962 کو جان گلین ’’مرکری اٹلس 6 مشن‘‘ میں سوار ہوکر خلا میں پہنچنے والے تیسرے امریکی خلانورد بنے جبکہ 29 اکتوبر 1998 کو بین الاقوامی خلائی اسٹیشن میں پہنچ کر انہوں نے دنیا کے معمر ترین خلانورد کا اعزاز بھی حاصل کیا۔ تب ان کی عمر 77 سال تھی۔

خلا نوردی کے علاوہ جان گلین نے طویل عرصے تک رکن امریکی سینیٹ رہنے کا اعزاز بھی حاصل کیا اور وہ 1974 سے 1999 تک اوہایو سے کانگریس کے رکن سینیٹ منتخب ہوتے رہے۔ ان کا تعلق ڈیموکریٹک پارٹی سے تھا۔ جان گلین کی زندگی ہی میں مختلف امریکی اداروں اور شاہراہوں کو ان کے نام سے منسوب کردیا گیا تھا۔

رکن سینیٹ کی حیثیت سے انہوں نے ایٹمی پھیلاؤ سے متعلق ترامیم میں بڑھ چڑھ کر حصہ لیا اور اس بناء پر ان کی شخصیت خاصی متنازع بھی رہی۔

پچھلے چند سال سے وہ کینسر میں مبتلا تھے جبکہ بیماری کی شدت بڑھنے پر گزشتہ ہفتے انہیں کولمبس، اوہایو کے جیمس کینسر ہاسپٹل میں داخل کردیا گیا جہاں وہ زندگی کی بازی ہار گئے۔

ایمز ٹی وی(انٹرٹینمنٹ) پاکستان میں کئی سال کی بندش کے بعد رواں برس جنوری میں یوٹیوب تک رسائی کو بحال کردیا گیا تھا جس کا خیرمقدم بھی کیا گیا کیونکہ اس سے ہر قسم کی ویڈیوز تک رسائی ممکن ہوگئی تھی۔

مگر اس سال پاکستانی گوگل کی اس ویڈیو شیئرنگ سائٹ پر کیسی ویڈیوز دیکھتے رہے؟

اس کا جواب یوٹیوب پاکستان کی جانب سے جاری کردہ ٹاپ 10 ویڈیوز کی فہرست میں ملتا ہے۔

یوٹیوب نے 2016 کی پاکستان میں بہترین قرار دی جانے والی ان ویڈیوز کا انتخاب پاکستانی صارفین کی جانب سے ویڈیوز کو دیکھنے کے لیے صرف کیے گیے وقت، شیئر، تبصروں اور پسندیدگی کی بنیاد پر کیاہے۔

ٹاپ 10 ویڈیوز کی فہرست:

اینجل، طاہر شاہ

شکر ونڈاں، ہو من جہاں

بن روئے ڈرامہ(پہلی قسط)

من مائل ڈرامے کا ٹریک

دل لگی ڈرامہ

ڈی جے براوو کا گانا چیمپئن

کورنیٹو پاپ راک سانگ دیساں دا راجا

اڈاری ڈرامہ

فلم جوانی پھر نہیں آنی

کمانڈر سیف گارڈ، جنگل میں منگل

ایمزٹی وی(واشنگٹن) امریکا نے بھارت کو اپنا بڑا اوراہم دفاعی اتحادی قرار دے دیا ہے۔
امریکی وزیر دفاع ایشٹن کارٹر نے نئی دلی میں اپنے بھارتی ہم منصب منوہر پاریکر سے ملاقات کی، دونوں نے خطے کی صورتحال اور انسداد دہشت گردی پر تبادلہ خیال کیا۔

بھارتی میڈیا کے مطابق ملاقات میں کہا گیا کہ دہشت گردوں کو کسی کی سرپرستی نہ ملنا یقینی بنایا جائے۔ملاقات کے بعد جاری اعلامیے میں کہا گیا کہ امریکی وزیر دفاع نے بھارت کو اپنا بڑا دفاعی اتحادی قرار دیا ہے۔ دونوں ممالک نے دفاعی تعلقات کو مزید مضبوط بنانے پر بھی اتفاق کیا۔