ایمزٹی وی(تعلیم)وزیر اعلیٰ خیبر پختونخواہ نے صوبے میں تھیلیسیمیا کے مرض کے خاتمے کیلئے قانون سازی جلد اسمبلی سے پاس کرانے کی یقین دہانی کرادی ، خیبر میڈیکل کالج پشاور میں گیارہویں تھیلیسیمیا نیشنل کانفرنس میں ملک بھر سے چوالیس سے زائد تھیلیسیمیا کے مرض کیلئے کام کرنے والے اداروں کے شرکاء نے شرکت کی ۔

اس موقع پر تھیلیسیمیا فیڈریشن پاکستان کی نومنتخب کابینہ سے وزیراعلی خیبر پختونخواہ نے حلف لے لیا- کانفرنس میں پاکستان بھر کے مختلف علاقوں سے تعلق رکھنے والے تھیلی سیمیا کے مریضوں نے شرکت کی-

اس موقع پر ریسرچ پیپر بھی پیش کئے گئے دنیا فاؤنڈیشن کے تعاون سے ہونیوالے اس کانفرنس میں شامل شرکاء و مریضوں نے اپنے خیالات کا اظہار کیا- تھیلی سیمیا کے مرض میں مبتلا مختلف شعبوں میں نمایاں پوزیشن حاصل کرنے والے مریضوں میں گولڈ میڈل بھی تقسیم کئے گئے-فیڈریشن کے شرکاء کو بتایا کہ خیبر پختونخواہ تھیلی سیمیا کے مرض میں دوسری پوزیشن پر ہیں-

وزیراعلی خیبر پختونخواہ نے اس شعبے میں کام کرنے والے اداروں کی کارکردگی کو سراہا اور اس سلسلے میں قانون سازی کی یقین دہانی کرائی-کانفرنس میں خون کی سکرین سمیت آئرن کی کمی کیلئے استعمال ہونیوالی ادویات کی قیمتیں کم کرنے اور شادی سے قبل میاں بیوی کی خون کی ٹیسٹ کی تجاویز بھی پیش کی گئی -

ایمزٹی وی(کراچی)سندھ رینجرز نے دسمبر کو ماہ قائد اعظم کا نام دے دیا ۔ پہلے مرحلے میں امن ریلی کا اہتمام کیا ۔ ڈی جی رینجرز سندھ نے ریلی کی قیادت کی

۔ واک کی قیادت ڈی جی رینجرز سندھ میجر جنرل بلال اکبر نے کی ۔ سندھ رینجرز کی جانب سے بانی پاکستان محمد علی جناح کی پیدائش کے ماہ کو انکی جدوجہد آزادی سے عوام کوروشناس کرانے کے لئے بھرپور انداز سے منایا جارہا ہے ۔ ا

من واک میں پولیس افسران، اسکولوں کے بچوں،خواتین سمیت مختلف شعبوں سے تعلق رکھنے والی نمایاں شخصیات بھی شریک تھیں ۔ امن واک کے بعد سندھ رینجرز سندھی کلچر ڈے کی مناسبت سے شرکا میں سندھی ٹوپی اور اجرک تقسیم کی ۔

سندھ رینجرز کے تحت ماہ قائد اعظم کے تحت بانی پاکستان کے یوم ولادت تک مختلف پروگراموں کا اہتمام کیا جائے گا ۔

ایمزٹی وی(اسلام آباد) پاکستان دشمنی میں بھارت ویانا کنونشن بھی بھول گیا اور اس کی سر عام دھجیاں بکھیرتے ہوئے مشیر خارجہ سرتاج عزیز کو نہ صرف گولڈن ٹیمپل کا دورہ کرنے سے روک دیا بلکہ انہیں پاکستانی صحافیوں کے وفد سے بات بھی نہیں کرنے دی گئی جبکہ انہیں اپنے ہوٹل کے کمرے تک محدود کردیا گیا ہے۔

میڈیا رپورٹس کے مطابق مشیر خارجہ سرتاج عزیز 2 روزہ ہارٹ آف ایشیا کانفرنس میں شرکت کیلئے بھارت کے شہر امرتسر میں موجود ہیں جہاں انہوں نے کانفرنس کے اختتام پر گولڈن ٹیمپل جانے کا ارادہ بنایا۔ سرتاج عزیز جیسے ہی پاکستانی صحافیوں کے 9 رکنی وفد کے ہمراہ گولڈن ٹیمپل جانے کی تیاری کرنے لگے تو انہیں سکیورٹی کا بہانہ بنا کر وہاں جانے سے روک دیا گیا۔

علاوہ ازیں مشیر خارجہ نے ہارٹ آف ایشیا کانفرنس کے اختتام پر ایک پریس کانفرنس کرنا تھی جس میں صرف پاکستانی صحافیوں نے شرکت کرنی تھی تاہم بھارتی حکام نے انہیں اس پریس کانفرنس سے بھی روک دیا ۔بھارت کے سکیورٹی حکام نے کانفرنس کے اختتام پر سرتاج عزیز کو ان کے ہوٹل کے کمرے میں پہنچایا اور اس کے بعد ان پر کہیں بھی جانے پر پابندی عائد کردی ۔ مشیر خارجہ کو ہدایت کی گئی ہے کہ وہ صرف اور صرف اپنے ہوٹل سے پاکستان واپسی کیلئے ایئر پورٹ ہی جاسکتے ہیں اس کے علاوہ انہیں کہیں بھی جانے کی اجازت نہیں ہے۔

ایمزٹی وی(امرتسر)انڈیا میں پاکستان کے ہائی کمشنر عبدالباسط نے کہا ہے کہ کالعدم تحریک طالبان کے مراکز اور قیادت افغانستان میں ہیں امید ہے کہ افغانستان اور دیگر ممالک ان کا خاتمہ کریں گے۔ ہم مذاکرات کرنا چاہتے ہیں لیکن ہمارا بنیادی مسئلہ جموں و کشمیر ہے اور جب تک یہ مسئلہ حل نہیں ہوجاتا تب تک جنوبی ایشیا میں پائیدار امن قائم نہیں ہوسکتا۔

میڈیا سے گفتگو کرتے ہوئے پاکستانی ہائی کمشنر عبدالباسط کا کہنا تھا کہ ہارٹ آف ایشیا کانفرنس کا اعلامیہ اچھا ہے جس میں کالعدم تنظیموں کا بھی ذکر آیا ہے۔ پچھلے 35 سال سے افغانستان کیلئے ہم نے بہت سی قربانیاں دی ہیں جبکہ افغانستان کی وجہ سے پاکستان بھی بہت متاثر ہو رہا ہے۔ کالعدم تحریک طالبان کے مراکز اور قیادت افغانستان میں ہیں امید ہے کہ افغانستان اور دیگر ممالک ان کا خاتمہ کریں گے۔ہم پر الزام تراشی کی بجائے جامع کوششیں کی جائیں اگر پاکستان کو صرف الزام دینا ہے تو اس سے بات نہیں بنے گی الزام تراشی کی بجائے دہشتگردی کے خاتمے پر فوکس کرنا چاہیے۔

انہوں نے کہا کہ پاکستانی مشیر خارجہ سرتاج عزیز کی بھارت کے قومی سلامتی کے مشیر اجیت دوول سے کوئی ملاقات نہیں ہوئی وہ ویسے ہی اچانک مل گئے اور تھوڑی بہت بات چیت ہوئی لیکن باقاعدہ طور پر کوئی ملاقات نہیں ہوئی۔

بھارت کے ساتھ مذاکرات کے حوالے سے عبدالباسط کا کہنا تھا کہ ہم جب بھی مذاکرات کی بات کرتے ہیں تو اسے کمزوری نہ سمجھا جائے کیونکہ یہ ہماری طاقت ہیں۔ ہم برابری کی سطح پر مذاکرات کرنا چاہتے ہیں اور کسی سے بھیک نہیں مانگ رہے۔ بھارت کے ساتھ مذاکرات میں سب سے بڑا مسئلہ جموں و کشمیر کا ہے اور جب تک یہ مسئلہ حل نہیں ہوجاتا تب تک جنوبی ایشیا میں پائیدار امن قائم نہیں ہوسکتا۔

ایمزٹی وی(اسلام آباد)بھارت کے شہر امرتسر میں ہونے والی ہارٹ آف ایشیاکانفرنس کا مشترکہ اعلامیہ جاری کر دیا گیاہے جس میں کہا گیاہے کہ افغان مہاجرین کی 30سال سے میزبانی پر پاکستان اور ایران کا کر دار قابل تحسین ہے ،کانفرنس میں دیگر ممالک کے اندرونی معاملات میں مداخلت نہ کرنے کے عزم کا اظہار کیا گیاہے ۔

تفصیلات کے مطابق مشترکہ اعلامیے کے مطابق کانفرنس افغانستان میں امن اورخوشحالی کیلئے اہم علاقائی پلیٹ فارم ہے،ہارٹ آف ایشیا کانفرنس کا مقصدخطے میں امن اوراستحکام تھا۔مشترکہ اعلامیے میں کہا گیاہے کہ کسی ملک کی علاقائی سالمیت کیخلاف طاقت کے استعمال یادھمکی سے گریز کرنے اور اختلافات پرامن طورپرحل کرنے کے عزم کا اظہار کیا گیاہے۔

اعلامیے میں کہا گیاہے کہ مشترکہ چیلنج سے نمٹنے،سیکیورٹی استحکام کے فروغ کیلئے علاقائی تعاون اہم ذریعہ ہے،رکن ممالک میں پرخلوص اورموثر تعاون کے فروغ کیلئے اور دہشتگردی سے نمٹنے کیلئے رکن ممالک تعاون کوفروغ دینے کے عزم کا بھی اظہار کیا گیاہے۔
اعلامیے کے مطابق افغان مہاجرین کی 30 سال سے میزبانی پرپاکستان اورایران قابل تحسین ہیں،افغانستان میں محفوظ آبادکاری تک میزبان ممالک پناہ گزینوں کواپنے ممالک میں رکھیں۔

ایمزٹی وی(کراچی)معروف کرنسی ڈیلر جاوید خانانی کے اہل خانہ نے کہاہے کہ انہیں بجلی کا جھٹکا لگا جس کے باعث وہ عمارت سے گر گئے,ہسپتال ذرائع کا کہناہے کہ موت کی تصدیق ہوتے ہیں اہل خانہ لاش کو لے کر چلے گئے ۔

ہسپتال ذرائع کے حوالے سے میڈیا کیو بتایاگیا ہے کہ جاوید خانانی کو جب ہسپتال لایا گیا تو ان کی موت ہو چکی تھی اورموت کی تصدیق ہوتے ہیں ان کے خاندان والے تقریباً پانچ منٹ کے بعد پوسٹ مارٹم کیے بغیر لاش کو لے گئے،ہسپتال میں خاندان والوں نے موقف اختیار کیا ہے کہ عمار ت پر ان کو کرنٹ لگا جس کے باعث وہ نیچے گر گئے اور ابتدائی طبی امداد کے دوران ان کے ناک اور کان سے خون بہہ رہا تھا ۔

پولیس کا کہناہے کہ وہ اہل خانہ سے درخواست کرے گی کہ پوسٹ مارٹم کروایا جائے لیکن اس کا حتمی فیصلہ خاندان والو ںنے ہی کرنا ہے ۔واضح ہے کہ جاوید خانانی پر ایف آئی میں منی لانڈرنگ کیس کی تحقیقات چل رہی تھیں ۔

ایمزٹی وی(اسالام آباد)پاکستان پیپلز پارٹی کے رہنما اور سینیٹر رحمان ملک نے کہاہے کہ افغان صدر اشرف غنی بھارتی وزیراعظم مودی کی زبان بول رہے ہیں ،وہ مودی کی خوشنودی حاصل کرنے کی کرشش کر رہے ہیں ۔
سینیٹررحمان ملک نے افغان صدراشرف غنی کے پاکستان مخالف بیان کی شدید مذمت کرتے ہوئے کہا کہ پاکستان کے افغانستان پر سب سے زیادہ احسانات ہیں ،اشرف غنی یہ بھول گئے ہیں ،اشرف غنی اپنے ملک میں افغان طالبان کے سامنے ناکام ہوچکے ہیں،افغان صدر اپنی نااہلی چھپانے کیلئے پاکستان کیخلاف زبان درازی کر رہے ہیں۔
انہوں نے کہا کہ دہشتگردی کیخلاف پاکستان کی قربانیاں سب سے زیادہ ہیں،افغانستان نے بھارت کے ایماپرملا فضل اللہ اوردیگرکوپناہ دی۔ ان کا کہناتھا کہ ہارٹ آف ایشیا کانفرنس میں پاکستانی مشیرخارجہ کا لہجہ سخت ہونا چاہیے تھا۔رحمان ملک کا کہناتھا کہ بھارت اورافغانستان کے پاکستان مخالف گٹھ جوڑ کا پہلے ہی کہہ چکا ہوں۔

ایمزٹی وی(تعلیم)بھارتی ایجنٹوں نے جنوبی کشمیر میں ایک اور تعلیمی ادارے کو نذر آتش کر دیا۔ گزشتہ مہینے سے وادی میں نذر آتش کئے گئے اسکولوں کی تعداد 35ہو گئی ہے۔

اتوار کے روز نا معلوم ایجنٹوں نے کوکر ناگ کے علاقہ ناڑ سنگڑ لارنو میں قائم گرنمنٹ ہائی اسکول کو آگ لگا دی۔ آگ کی اس وارادت میں اسکول کی عمارت مکمل طور پر جل کر راکھ بن گئی۔ علاقہ دور افتادہ ہونے کی وجہ سے آگ بجھانے والے فائر انجن نہ پہنچ سکے۔ تا ہم مقامی لوگوں نے آگ پر قابو پانے کی کوشش کی لیکن وہ ناکام رہے۔

ایمزٹی وی(تعلیم) نل اسپرٹ کی مشہور و معروف عوامی سماجی شخصیت اور ماہر امور نوجوانان سید ذیشان حیدر شیرازی نے کہاہے کہ پاکستان کے تعلیمی نظام کی اصلاح کیلئے انقلابی تبدیلیاں کرنے کی ضرورت ہے تاکہ ذہین اور باصلاحیت نوجوانوں کو اپنی صلاحیتوں کو نکھارنے کا موقع مل سکے۔

ان خیالات کا اظہارسید ذیشان حیدر شیرازی نے صحافیوں سے موجودہ نظام تعلیم پر گفتگو کے دوران کیا۔انہوں نے کہا کہ پاکستان کے تعلیمی نظام میں ا میر اور غریب میں فرق کر کے قوم کوطبقوں میں تقسیم کیا جارہا ہے جس کی وجہ سے متوسط طبقہ احساس کمتری اور محرومی کا شکار ہے۔

انہوں نے کہا کہ موجودہ طبقاتی نظام تعلیم محب وطن اور نڈر قیادت فراہم کرنے سے قاصر ہے۔ملکی تعلیم نظام میں اصلاح کے لیے عملی اقدامات اٹھانے ہوں گے تاکہ ملک کو محب وطن ، کرپشن سے پاک اور نڈر قیادت میسر آسکے۔

ذیشان حیدر شیرازی نے کہا کہ اگرہمارے ملک میں یکساں نظام تعلیم اور قومی زبان کا نفاذ کر دیا جائے تو ملک کو ترقی کی راہ پر گامزن ہو جائے گا۔انہوں نے کہا کہ تعلیم اور تعلیمی سہولیات موجو دہ ریاست کی ذمہ داری ہوتی ہے لیکن ہمارے ہاں تعلیم اور تعلیمی اداروں کا کوئی پرسان حال نہیں ہے حکومت کی غلط پالیسیوں کی وجہ سے سرکاری تعلیمی ادارے تباہی و بربادی کا شکار ہیں جبکہ پرائیویٹ تعلیمی اداروں میں بھاری فیسوں کی وجہ سے ایک بڑا طبقہ تعلیم جیسے زیور سے محروم ہے۔‎

ایمزٹی وی(لاہور)پاک سرزمین پارٹی کے سربراہ مصطفی کمال نے کہا ہے کہ کراچی میں کچھ لوگوں نے ملک کے چہرے کو مسخ کرنے کی کوشش کی ،سیاست میں اختلاف کو دشمنی میں نہیں بدلنا چاہیے۔
پاک سرزمین پارٹی کے رہنما مصطفی کمال نے لاہور میں داتا دربار پر حاضری دی اور فاتحہ پڑھی جس کے بعد میڈیا سے گفتگو میں ان کا کہنا تھا کہ پنجاب میں بڑی تعداد میں لوگ ان کے پیغام سے جڑ رہے ہیں ۔

انہوں نے کہا کہ رنگ ،نسل، زبان اور مسلک کی بنیاد پر تفریق تو رہے گی ،اسے دشمنی اور نفرتوں میں بدلنے سے روکنا ہو گا۔مصطفی ٰ کمال نے کہا پنجاب میں بہت کام ہو رہا ہے مگر وزرا کی ذمہ داری ترقیاتی کاموں کا افتتاح نہیں قانون سازی ہے۔

ان کا کہنا تھا کہ وہ دن جلد آئے گا جب لاہور کا بیٹا کراچی میں اورکراچی کا بیٹا لاہور میں آزادی سے گھومے گا۔انہوں نے مزید کہا کہ سانحہ بلدیہ ٹاون کے وقت رحمان بھولا ایم کیو ایم کا سیکٹر انچارج تھا۔ان کا کہنا تھا کہ رکنیت فارم بھرنا سب کا حق ہے ، کسی کو اپلائی کرنے سے نہیں روکا جا سکتا۔