ایمزٹی وی(لاہور) بلاول بھٹوزرداری نے پارٹی کے یوم تاسیس کی تقریب پر لاہور بلاول ہاﺅس میں پارٹی پرچم والا کیک کاٹا ،بلاول بھٹو نے مراد علی شاہ اور شیریں رحمان کو بھی اپنے ہاتھوں سے کیک کھلایا ۔

اس موقع پر کارکنوں سے خطاب کرتے ہوئے بلاول بھٹو بھٹو کا کہناتھا کہ وفاقی وزیر داخلہ چوہدری نثار نے نیشنل ایکشن پلان ناکام بنادیاہے ،تخت رائے ونڈ سنو ابھی صرف لاہور سے آواز اٹھی ہے کل پورے ملک سے اٹھے گی ،ہر طرف گونواز گوکا نعرہ لگے گا۔

انہو ں نے کہا کہ اگر ہمارے چار مطالبات نہ مانے گئے تو 27دسمبر کو دمادم مست قلندر ہو گا۔بلاول بھٹو نے کارکنوں کو مخاطب کرتے ہوئے کہا کہ اگر آپ سب نے مل کر میرا ساتھ دیا تو 2018میں آپ کا وزیراعظم میں ہوں گا۔

ایمزٹی وی(بزنس) معروف بزنس مین اور فاریکس کمپنی خانانی اینڈ کالیا کے ڈائریکڑ جاوید خانانی عمارت سے گرکر جاں بحق ہوگئے ہیں۔
ذرائع کے مطابق معروف فاریکس کمپنی خانانی اینڈ کالیا کے ڈائریکٹر جاوید خانانی محمد علی سوسائٹی میں اپنی زیر تعمیر عمارت کی آٹھویں منزل سے گر کر شدید زخمی ہوگئے جس کے بعد انہیں اسپتال منتقل کیا جارہا تھا تاہم وہ زخموں کی تاب نہ لاتے ہوئے راستے میں ہی دم توڑ گئے۔ دوسری جانب ایس پی گلشن ڈاکٹر فہد کا کہنا ہے کہ ابتدائی طور پر واقعہ خود کشی معلوم ہوتا ہے تاہم واقعے کی تحقیقات کا آغاز کر دیا گیا ہے۔
واضح رہے کہ 2008 اور 2009 میں خانانی اینڈ کالیا شدید مالی بحران کا شکار رہی جب کہ جاوید خانانی منی لانڈرنگ کے الزام میں ایف آئی اے سیل میں بھی رہ چکے ہیں۔

ایمزٹی وی()سوشل میڈیا کی دنیا میں جہاں ایسی سائٹس موجود ہیں جو سب کے لیے ہیں، جیسے فیس بک، ٹوئٹر، یوٹیوب وغیرہ، ویسے ہی ایسی سائٹس بھی سامنے آرہی ہیں جو یوزرز کے کسی خاص گروہ کے لیے مخصوص ہے۔ ایسی ہی ایک سوشل نیٹ ورکنگ سائٹ حال ہی میں سامنے آئی ہے جو دل کے مریض خواتین وحضرات کے لیے خصوصی طور پر بنائی گئی ہے۔

اس سوشل نیٹ ورکنگ سائٹ کی تخلیق کار سوئٹزرلینڈ سے تعلق رکھنے والی ایک فارماسیوٹیکل کمپنی ہے۔ اس فارماسیوٹیکل کمپنی نے جب اپنی متعارف کردہ ایک دوا، جو امراض قلب کے مریضوں کے لیے بنائی گئی تھی، کی مارکیٹنگ شروع کی تو اسے سخت تنقید کا سامنا کرنا پڑا۔ ناقدین کا کہنا تھا کہ اس دوا کے تشہیری عمل میں نہایت منفی انداز اختیار کیا گیا ہے۔

اس تنقید کو پیش نظر رکھتے ہوئے کمپنی نے اپنی دوا کو پروموٹ کرنے کے لیے ایک الگ انداز اپنایا۔ اس نے امریکن ہارٹ ایسوسی ایشن سے شراکت کی اور اداکارہ اور گلوکارہ Queen Latifah کو اپنی مہم کا حصہ بناتے ہوئے سرگرم ہوگئی۔ اس مقصد کے لیے کمپنی نے جہاں مختلف ایونٹس کا انعقاد کیا اور مین اسٹریم میڈیا کا سہارا لیا وہیں امریکن ہارٹ ایسوسی ایشن کی ویب سائٹ پر اپنا مواد بھی پیش کیا۔ بعدازاں اس کمپنی نے فیس بک پر ایک پینل ڈسکیشن کا اہتمام کیا، جسے عالمی یوم قلب پر پیش کیا گیا۔
اب اس کمپنی نے ایک سوشل نیٹ ورکنگ سائٹ بنائی ہے جو ہارٹ فیل ہوجانے کے مریضوں کے لیے مخصوص ہوگی۔ HF (یعنی ہارٹ فیلیئر) کے نام سے سامنے آنے والی اس سوشل نیٹ ورکنگ سائٹ کی تشکیل کا مقصد یہ ہے کہ کمپنی دل کے مریضوں سے رابطے میںرہے، انھیں حرکت قلب متاثر ہونے کی صورت میں ریسورسز فراہم کیے جائیں اور ماہرین طب کی آراء اور علاج تک رسائی فراہم کی جائے۔

اس سوشل نیٹ ورکنگ سائٹس پر مختلف سیکشنز ہیں، جن میں دل کے مریضوں کی کہانیوں اور ان کے باہمی تبادلۂ خیال کے فیچرز شامل ہیں۔ سائٹ کا ایک سیکشن دل کے مریضوں کی دیکھ بھال کرنے والوں کے لیے مختص ہے، جہاں وہ ایک دوسرے سے تبالۂ خیال کرسکتے ہیں۔
کمپنی نے اپنی سوشل نیٹ ورکنگ سائٹ کے لیے کمیونٹی مینیجرز کی ایک ٹیم مقرر کی ہے، جو اس سائٹ کی دیکھ بھال کرتی ہے، اس کے ساتھ طبی ماہرین بھی اس سائٹ سے وابستہ اور اس کی ٹیم کا حصہ ہیں۔
فی الوقت اس سائٹ پر صرف امریکا سے تعلق رکھنے والے افراد اپنا اکاؤنٹ بنا سکتے ہیں۔ اس سائٹ کا کونٹینٹ صرف اس سے وابستہ ہونے والے صارفین ہی دیکھ سکتے ہیں۔ ایک خاص بات یہ کہ امراض قلب کے شعبے سے وابستہ ڈاکٹر اس سائٹ اپنی اس حیثیت میں اکاؤنٹ نہیں بناسکتے۔ تاہم وہ بہ طور مریض یا تیماردار اس سائٹ کا حصہ بن سکتے ہیں۔

ایمزٹی وی(مانیٹرنگ ڈیسک)موبائل فون کے ذریعے جدید 360 ویڈیو بنانے والے کیمرے اب تک بہت مہنگے ہیں جن کی قیمت 300 ڈالر (30 ہزار پاکستانی روپوں) کے لگ بھگ ہے لیکن ’’انسٹا 360 ایئر‘‘ اس سے کہیں کم قیمت میں اسی معیار کی 360 ویڈیو بنانے کی سہولت فراہم کرے گا۔

اس کیمرے کا ایک ورژن پہلے ہی ایپل آئی فون کے لیے ’’انسٹا 360 نینو‘‘ کے نام سے دستیاب ہے جب کہ اس کا اگلا ورژن اینڈروئیڈ فونز کے لیے ہوگا جس کی تمام صلاحیتیں انسٹا 360 نینو جیسی ہی ہوں گی البتہ وہ صرف 99 ڈالر سے 119 ڈالر تک میں خریدا جاسکے گا۔

انسٹا 360 ایئر کے ذریعے اینڈروئیڈ اسمارٹ فون صارفین نہ صرف 360 ویڈیو کلپس ریکارڈ کرسکیں گے بلکہ وہ انہیں سوشل میڈیا پلیٹ فارمز پر براہِ راست (لائیو) نشر بھی کرسکیں گے۔ یہ2K اور 3K معیار کی 360 ویڈیوز بناسکتا ہے یعنی ان کا معیار HD سے زیادہ لیکن 4K سے کچھ کم ہوگا۔

360 ویڈیو بنانے کے لیے اس میں 2 چھوٹے چھوٹے کیمرے ایک دوسرے سے مخالف سمتوں میں نصب ہیں جب کہ اس کا سافٹ ویئر نہ صرف ان دو علیحدہ علیحدہ ویڈیوز کو ایک دوسرے سے منسلک کرتا ہے بلکہ ویڈیو بناتے دوران آنے والے جھٹکوں سے پیدا ہونے والی دھندلاہٹ کم کرکے ویڈیو کا معیار برقرار رکھ سکتا ہے۔

ایمزٹی وی(انٹرٹینمنٹ)اداکارہ ماہرہ خان نے صبا قمر کومستقبل کی فلمی سپراسٹار قرار دیدیا۔ انھوں نے امریکا میں ہونیوالے پہلے پاکستانی فلم فیسٹیول میں فلم ’’ لاہور سے آگے‘‘ دیکھنے کے بعد اپنے ٹوئٹرپیغام میں صبا قمر کی اداکاری کی تعریف کرتے ہوئے کہا وہ آنے والے وقت کی سپراسٹار ہیں۔

اداکارہ کا کہنا تھا کہ فلم میں صبا قمر نے لاجواب اداکاری سے میرا دل جیت لیا ہے۔ ماہرہ خان نے کہا کہ ہمیں ایک دوسرے کے اچھے کام کی حوصلہ افزائی کرنی چاہیے۔ واضح رہے کہ امریکا کی ریاست نیویارک میں پاکستانی فلموں پرمشتمل فلمی میلہ شروع ہوچکا ہے۔

ایمزٹی وی(انٹرٹینمنٹ) معروف گلوکارہ حمیرا ارشد نے کثیرسرمائے سے بننے والی فلم ’’ شورشرابا ‘‘ کے لیے اپنے طویل فنی سفرکے دوران پہلا آئٹم نمبرریکارڈ کروادیا۔

آئٹم نمبرگزشتہ دنوں مقامی اسٹوڈیو میں ریکارڈ کیا گیا ہے اوراس کوعکسبند کرنے کے لیے پاکستان یا بھارت سے کسی معروف ستارے کا انتخاب کیا جائے گا۔ یہی نہیں اس گیت کوبین الاقوامی معیار کے عین مطابق شوٹ کرنے کے لیے پروڈیوسر سہیل خان دبئی کی خوبصورت لوکیشنز کوفائنل کرنے میں مصروف ہیں ، جب کہ اس کوکوریوگراف کرنے کے لیے بھارتی کوریوگرافر ریشماں خان اوران کی ٹیم کووہاں بلوایا جائے گا۔

اس سلسلہ میں حمیرا ارشد نے میڈیا کوبتایا کہ آئٹم نمبرکی شاعری، دھن اورمیوزک ارینجمنٹ دیکھ کرمجھے یوں محسوس ہوتا ہے کہ میں نے بہت دیر سے اس طرح کے گیت گانے کا فیصلہ کیا ہے۔ انٹرنیشنل مارکیٹ تک رسائی کے لیے ہمیں اسی طرح کا میوزک متعارف کروانا ہوگا۔ اس وقت دنیا بھرمیں بھارتی فلمیں اوران کا میوزک چھایا ہوا ہے۔

ہمارے ہاں اب اچھی فلمیں بن رہی ہیں لیکن ان کا میوزک تاحال پبلک میں مقبول نہیں ہوسکا۔ اس پربہت کام کرنے کی ضرورت ہے۔ لیکن فلمساز سہیل خان نے جس اندازسے اپنی فلم کے میوزک پرکام کیا ہے اورخصوصاً آئٹم نمبر کو بنوایا ہے، اس کا حصہ بن کرمیں یہ کہہ سکتی ہوں کہ آئندہ برس ہمارا گیت شادی بیاہ کی تقریبات کے علاوہ ملک اوربیرون ممالک سجنے والی خصوصی پارٹیوں کی جان ہوگا۔

میں سمجھتی ہوں کہ موجودہ دورمیں آئٹم نمبر فلم اور میوزک کی کامیابی میں ریڑھ کی ہڈی کی حیثیت اختیارکرچکا ہے۔ انھوں نے کہا کہ یہ میرا پہلا تجربہ ہے مگراس پراجیکٹ کوکرنے کے بعد مجھے اس بات کا شدت سے احساس ہوا ہے کہ مجھے بہت پہلے فلم انڈسٹری کے ساتھ وابستہ ہوجانا چاہیے تھا۔ مگراب تویہی کہہ سکتی ہوں کہ ’’دیرآید درست آید ‘‘۔

ایمزٹی وی(انٹرٹینمنٹ) منفرد اداکاری کی وجہ سے شہرت حاصل کرنے والے بالی ووڈ کے لیجنڈ اداکار رجنی کانت اپنی نئی آنے والی فلم ’’2.0‘‘ (ٹوپوائنٹ زیرو) کی شوٹنگ کے دوران زخمی ہو گئے۔

بھارتی میڈیا رپورٹس کے مطابق بالی ووٖڈ کے لیجنڈ اداکار رجنی کانت 65 سال کی عمرمیں بھی ایکشن فلمیں اورغیر معمولی کردارادا کرنے میں خاصے مشہورہیں، رجنی کانت ہدایتکار “ایس شنکر” کی نئی آنے والی فلم 2.0 کی شوٹنگ میں مصروف تھے کہ منظرکوعکسبند کرانے کے دوران اچانک گرپڑے۔

اداکارکے گرنے سے ان کے گھٹنے میں چوٹ آئی جس کے بعد انہیں قریبی اسپتال منتقل کردیا گیا۔

ڈاکٹرکا اس حوالے سے کہنا تھا کہ اداکارٹھیک ہیں جنہیں طبی امداد کے بعد گھربھیج دیا گیا ہے۔
واضح ر ہے کہ فلم 2.0 ایک سائنس فکشن فلم ہے جو آئندہ برس دیوالی کے موقع پر سینیما گھروں کی زینت بنے گی۔

ایمزٹی وی(انٹرٹینمنٹ)بالی ووڈ کے دبنگ اداکار سلمان خان اور رومانیہ کی ماڈل لولیا وینترکی منگنی اور شادی کی خبریں خوب میڈیا کی زینت بنی رہیں لیکن دونوں نے اس حوالے سے کبھی بھی لب کشائی نہیں کی اوراب لولیا وینترکا کہنا ہے کہ سلمان خان ان کے اچھے دوست ہیں اس سے زیادہ اورکیا کہوں۔

بھارتی میڈیا رپورٹس کے مطابق رومانیہ کی ماڈل گرل لولیا وینترسے جب اداکارسلمان خان کے بارے میں پوچھا گیا تو ان کا کہنا تھا کہ سلمان خان ان کے اچھے دوست ہیں اس سے زیادہ وہ اورکیا کہہ سکتی ہیں۔ ماڈل گرل کا کہنا تھا کہ سلمان خان ان تمام لوگوں کے بہت اچھے دوست بن جاتے ہیں جوان سے بہت اچھی طرح ملتے ہیں اور وہ دل کے بھی بہت اچھے ہیں۔

رومانوی ماڈل سے سلمان خان کے ساتھ شادی سے متعلق پوچھا گیا توانہوں نے جواب کو ٹالتے ہوئے کہا کہ سلمان خان کے لیے میرے دل میں بہت عزت و احترام ہے، میں سلمان سے یہاں بھارت میں ملی اوربھارت بھی مجھے بہت پسند ہے، میں ہمیشہ یہاں آنا چاہتی تھی کیونکہ میں نے بچپن سے ہی بھارت سے متعلق بہت کچھ سنا تھا۔

لولیا وینتر کا کہنا تھا کہ جب میں بھارت آئی تو یہ مجھے اپنے گھرجیسا لگا اورجب بھی یہاں سے جاتی ہوں تو بہت زیادہ روتی ہوں لیکن ایک بار پھرسے یہاں آکر بہت اچھا محسوس کررہی ہوں۔

ایمزٹی وی(انٹرٹینمنٹ) رواں ماہ میں متعدد فنکاروں اور ہنر مندوں کی برسیاں منائی جائیں گی۔
فنکاروں میں قوال عزیز میاں کی16 و یں برسی 6 دسمبرکو، گلوکار منصور علی ملنگی مرحوم کی11 دسمبر کو دوسری برسی، گلوکارہ روشن آراء بیگم کی 6 دسمبر کو 34 و یں برسی، گلوکارہ کوثر پروین اور استاد دامن کی3 د سمبر کو جب کہ ہدایت کار اسلم ڈار اور اظہار قاضی مرحوم کی 24 د سمبر کو برسی منا ئی جائے گی، ماہ دسمبر میں بچھڑنے والے یہ نامور فنکار اور ہنر مند آج بھی ہزاروں لو گوں کے دلوں میں زندہ ہیں۔

ایمزٹی وی(اسپورٹس)ویمنزٹی 20ایشیا کپ کے فائنل میں بھارت نے پاکستان کو 17رنزسے شکست دے کر ٹائٹل اپنے نام کرلیا۔پاکستان ٹیم 122رنز کے ہدف کے تعاقب میں 104رنز بناسکی۔

ایشین انسٹیٹیوٹ آف ٹیکنالوجی گراؤنڈ،بینکاک میں کھیلے گئے میچ میں بھارت نے ٹاس جیت کر بیٹنگ کا فیصلہ کیااور مقررہ 20اوورز میں پانچ وکٹوں کے نقصان پر 121رنز بنائے، بھارت کی طرف سے متھالی راج نے شاندار ناقابل شکست 73رنز بنائےجبکہ جھولان گوسوامی نے 17رنز کی اننگز کھیلی، ان کے علاوہ کوئی کھلاڑی ڈبل فیگر میں اسکور نہ کرسکی۔

پاکستان کی طرف سے انعم امین نے دوجبکہ ثناء میر اور سعدیہ یوسف نے ایک، ایک وکٹ حاصل کی۔

ہدف کے تعاقب میں پاکستان ٹیم 104رنز پر ڈھیر ہوگئی، بسمہ بتول25اور جویریہ خان 22رنز کے ساتھ نمایاں اسکورر رہیں۔

بھارت کی طرف سے ایکتا بشت نے دو جبکہ انوجا پاٹیل، جھولان گوسوامی، شیکھا پانڈےاور پریتی بوس نے