سان فرانسسکو: ٹوئٹر نے ایپ میں شامل کی جانےوالی ویڈیو کےآٹو کیپشن کا اضافہ کردیا ہے

تفصیلات کے مطابق مائیکرو بلاگنگ ٹوئیٹر نے صارفین کےلئے وڈیو کےآٹو کیپشن کا آپشن متعارف کرادیاہے اگرچہ یہ آپشن یوٹیوب پر موجود ہے اس فیچرکی ضرورت ایک عرصے سے محسوس کی جارہی تھی۔

ٹویٹر کے مطابق آئی او ایس ہو یا پھر اینڈروئڈ فون ہوں یا پھر ڈیسک ٹاپ صارفین ہی کیوں نہ ہوں ان تمام پلیٹ فارمز پربھی شامل ویڈیو میں ازخود کیپشن کھل جائیں گے۔ اب اسے سرگرم یا بند بھی کیا جاسکتا ہے۔

دلچسپ بات یہ ہے کہ اسے دنیا کی 37 بڑی زبانوں میں بھی دیکھا جاسکتا ہے۔ لیکن ترجمہ کرنے کی سہولت موجود نہیں۔ لیکن ٹویٹر نے کہا ہے کہ اس وقت ترجمے اور ایڈیٹنگ کی سہولت موجود نہیں ہے کیونکہ ٹویٹر اس آپشن کی دن رات آزمائش کررہا ہے۔

اس آپشن کااعلان ٹویٹر نے دسمبر کے دوسرے ہفتے میں کیا تھا جسے آج نافذ بھی کردیا گیاہے۔

گزشتہ برس ٹویٹر نے آڈیو ٹویٹ کا آپشن بغیر کیپشن کے پیش کیا تھا تو اس پر تنقید کی گئی تھی۔ اس وقت لوگوں نے کیپشن پر زوردیا اور اب ویڈیو میں بھی کیپشن شامل کرنے کا اعلان کیا ہے۔

کراچی: کورونا کا شکار ویسٹ انڈیزاسکواڈکےآخری 6 ارکان بھی اتوار کو واپس وطن روانہ ہوگئے۔

کورونا ٹیسٹ کے نتائج منفی آنے پر ان کی روانگی ممکن ہوئی۔

روانہ ہونے والوں میں ون ڈے کپتان شائی ہوپ، عقیل حسین، جسٹن گریوز کے ساتھ اسسٹنٹ کوچ روڈی ایسٹوک اور فزیشن اکشے من سنگھ بھی شامل تھے۔ قبل ازیں کورونا کا شکار چار ارکان 20 دسمبر کو وطن روآنہ ہوئے تھے۔ ان میں کائل مائرز، شیلڈن کوٹریل، روسٹن چیز اورمیڈیا منیجر ڈاریو شامل تھے۔

واضح رہے کہ ویسٹ انڈیز اسکواڈ کے 9 ارکان کو کوویڈ 19 ٹیسٹ کے نتائج مثبت آنے پر قرنطینہ کیا گیا تھا، ٹی ٹونٹی سیریز کے بعد ون ڈے سیریز موخر ہونے پر ویسٹ انڈیز کے 30 رکنی اسکواڈ کے 21 ارکان پہلے واپس وطن لوٹ چکے تھے۔ کورونا کا شکار 9 ارکان کو مقامی ہوٹل میں قرنطینیہ میں رکھا گیا تھا۔

ویسٹ انڈیز کا 26 رکنی اسکواڈ دورہ پاکستان پر 9 دسمبر کو کراچی پہنچا تھا جبکہ چار ارکان ایک روز قبل ہی پاکستانی ٹیم کے ہمراہ آگئے تھے۔ آمد کے بعد ویسٹ انڈیز کے تین کھلاڑیوں شیلڈن کوٹریل، روسٹن چیز اور کائل مائرز کے ساتھ میڈیا منیجر ڈاریو کے کورونا ٹیسٹ کے نتائج مثبت آئے تھے۔

کراچی کے مختلف علاقوںموسم سرما کی بارانِ رحمت برس گئی۔

ماڈل کالونی،گلشن اقبال، گلستان جوہر،شارع فیصل،ملیر،کھارادر،گارڈن، قیوم آباد سمیت مختلف علاقوں میں کہیں تیز اورکہیں ہلکی بارش ہوئی۔

سڑکوں پربارش کے باعث پھسلن اورپانی جمع ہونے سےراہگیروں کومشکلات کا سامنا کرنا پڑا۔

محکمہ موسمیات کے مطابق کراچی میں سب سے زیادہ بارش قائد آباد میں 5 ملی میٹریکارڈ کی گئی۔ائیرپورٹ پر4 اورگلستان جوہر میں 3 ملی میٹربارش ریکارڈ کی گئی۔

محکمہ موسمیات کے مطابق آج دن بھرموسم ابرآلود رہنے کا امکان ہےجبکہ ہلکی بارش کا سلسلہ کل صبح تک وقفے وقفے سے جاری رہنے کا امکان ہے۔

محکمہ موسمیات کا کہنا ہے کہ 28 دسمبرسے سردی کی لہرآنے کی توقع ہے جو5 جنوری تک برقراررہ سکتی ہے۔

نیویارک سٹی: سٹی کالج آف نیویارک میں پروفیسر ڈاکٹر مینن کے نام بھیجے گئے ایک پُراسرار پیکٹ سے 1 لاکھ 80 ہزار ڈالر برآمد ہوئے ہیں۔

عالمی خبر رساں ادارے کے مطابق سٹی کالج آف نیویارک کے شعبہ طبیعات کے سربراہ ڈاکٹر مینن کے نام گزشتہ برس ایک پیکٹ موصول ہواتھاجو وبا کے دوران جامعہ کے بند ہونے کے باعث پروفیسر صاحب تک نہیں پہنچ سکا تھا۔

یہ پیکٹ ایک سال سے زائد عرصے تک جامعہ کے ڈاک کے کمرے میں پڑا رہا تھا۔ حال ہی میں یونیورسٹی کھلی تو عملے نے پیکٹ کو پروفیسر صاحب تک پہنچایا۔ پیکٹ میں ایک لاکھ 80 ہزار مالیت کے 50 اور 100 ڈالر کرنسی نوٹوں کے بنڈل تھے۔

پیکٹ سے ملنے والے ایک خط کے مطابق ڈالرز بھیجنے والا کوئی اور نہیں بلکہ اسی کالج میں فزکس اور ریاضی کا سابق طالب علم ہے جو اب ایک کامیاب سائنس دان بن چکا ہے اور یہ رقم ضرورت مند طلبا کو عطیہ کرنا چاہتا ہے۔

تاہم جب ڈاکٹر مینن نے ماضی کے ریکارڈ چیک کیے تو اس نام کا کوئی بھی طالب علم سٹی کالج میں زیر تعلیم نہیں رہا تھا جس کا مطلب ہے کہ ضرورت مند طلبا کی مدد کرنے والا اپنا نام صیغہ راز میں رکھنا چاہتا ہے۔

کراچی: صوبہ پنجاب میں عربی پڑھانے والے 60 ہزاراساتذہ کوبھرتی کرنےکافیصلہ کرلیا گیا۔

تفصیلات کے مطابق سیکریٹری اسکول ایجوکیشن پنجاب غلام فرید کاکہناہے کہ صوبے میں عربی پڑھانیوالے 60 ہزار اساتذہ کو بھرتی کیا جائے گا، انہوں نے یہ بات لاہورہائیکورٹ میں قرآن مجید کو لازمی تعلیم قرار دینے کیلئے انٹرا کورٹ اپیل کی سماعت کے موقع پر بتائی جہاں جسٹس شاہد وحید کی سربراہی میں 2 رکنی بینچ نے اپیل پرسماعت کی۔

دوران سماعت عدالت نے سیکرٹری اسکول ایجوکیشن غلام فرید سے عربی پڑھانے والے اساتذہ کی بھرتی اور ٹریننگ سے متعلق روڑ میپ طلب کیا، جس کے جواب میں سیکرٹری اسکول ایجوکیشن نے بتایا کہ پنجاب بھرمیں 60 ہزارعربی پڑھانے والے اساتذہ کی ضرورت ہے جن کی بھرتی کے لیے کام جلد شروع ہوجائے گا اوربھرتی کا عمل اگست تک مکمل کرلیں گے۔

اسلام آباد کی مختلف سڑکوں پر جاری تعمیرات کےباعث بار بار ہونے والے حادثات اور گاڑی چلانے والوں کو پیش آنے والی تکلیف کا نوٹس لیتے ہوئےڈسٹرکٹ مجسٹریٹ اسلام آباد کیپیٹل ٹیریٹری (آئی سی ٹی) کی جانب سےتاثرہ سیکٹرز میں اسکولوں اور کالجوں کے اوقات میں تبدیلی کردی گئی ہے۔

سینئر سپرنٹنڈنٹ آف پولیس (ایس ایس پی) کی سفارشات کے مطابق ٹریفک کی روانی کو ہموار کرنے کے لیے بلاک وارٹریفک شیڈول کا اعلان کیا گیا ہے جس کا اطلاق مذکورہ بلاکس کے تمام تعلیمی اداروں پر ہوگا۔

بلاک 1 (سیکٹر I اور H)
صبح کی شفٹ: صبح 8:00 بجے سے دوپہر 1:00 بجے تک
شام کی شفٹ: 1:30 PM تا 6:30 PM
مونٹیسوری اورپریپ کی کلاسیں: صبح 8:30 بجے سے دوپہر 12:30 بجے تک

بلاک 2 (سیکٹر F-6 اور F-7)
صبح کی شفٹ: صبح 8:00 بجے سے دوپہر 1:00 بجے تک
شام کی شفٹ: 1:30 PM تا 6:30 PM
مونٹیسوری اور پریپ کی کلاسیں: صبح 8:30 بجے سے دوپہر 12:30 بجے تک

بلاک 3 (سیکٹر F-8 اور F-10)
صبح کی شفٹ: 8:30 AM سے 1:30 PM
شام کی شفٹ: 1:45 AM سے 6:45 PM
مونٹیسوری اور تیاری کی کلاسیں: صبح 8:45 سے دوپہر 12:45 تک

بلاک 4 (سیکٹر G-10 اور G-11)
صبح کی شفٹ: صبح 8:00 بجے سے دوپہر 1:00 بجے تک
شام کی شفٹ: 1:30 PM سے 6:30 PM
مونٹیسوری اور تیاری کی کلاسیں: صبح 8:30 بجے سے دوپہر 12:30 بجے تک

بلاک 5 (سیکٹر F-11 اور E-11)
صبح کی شفٹ: صبح 8:30 بجے سے دوپہر 1:00 بجے تک
شام کی شفٹ: 1:45 PM سے 6:45 PM

مونٹیسوری اور تیاری کی کلاسیں: صبح 8:45 سے دوپہر 12:45 تک

لاہور: محکمہ تعلیم پنجاب نے اساتذہ کو خبردار کردیا۔

محکمہ تعلیم پنجاب کے جانب سے اساتذہ کو ہدایت کی گئی ہے تدریسی عمل کے آغاز سے قبل ویکسینشن کا عمل مکمل کروالیں۔

حکومت پنجاب کی جانب سے تمام اساتذہ کےلئے ترجیحی بنیادوں پر واک اِن کورونا ویکسینشن کا انتظام کردیا گیا ہےتمام اساتذہ سے اپیل کی جاتی ہے کہ وہ اپنا شناختی کارڈاور ٹیچر کارڈ /اسکول ہیڈ سے تصدیق شدہ لیٹر کے ہمراہ کسی بھی ویکسینشن سینٹر جاکر مفت ویکسین لگوالیں

لاہور: پنجاب بھر کے سرکاری کالجز میں رواں سال ریکارڈ توڑداخلے دیئے گئے۔

تفصیلات کے مطابق محکمہ ہائر ایجوکیشن پنجاب نے دعویٰ کیا ہے کہ رواں سال پنجاب کے سرکاری کالجز میں اب تک کے سب سے زائد داخلے دیئے گئے ہیں ۔

ڈی پی آئی کالجز پنجاب ڈاکٹر عاشق حسین کاکہنا ہے کہ اب تک دس لاکھ بچوں کے داخلے دیئے جاچکے ہیں جبکہ آنے والے چند دنوں میں مزید ایک لاکھ بچوں کو مزید داخلہ دیا جائے گا۔

یاد رہے گزشتہ برس 9لاکھ بچوں کو کالجز میں داخلے دیئے گئے تھے ۔

دنیا کی پہلی دوہری سہولت (Dual Mode) گاڑی کا افتتاح کر دیا گیا ہے۔

دوہری سہولت فراہم کرنے والی گاڑی کا افتتاح جاپان کے شہر توکو شیما کے علاقے کایو میں ہوا جس میں بیک وقت 21 مسافر سوار ہو سکتے ہیں۔

غیر ملکی میڈیا کے مطابق ڈی ایم وی کی طرح دکھنے والی گاڑی روڈ پر دوسری گاڑیوں کی طرح ربر کے ٹائر پر چلتی ہے لیکن جب انٹر چینج پر پہنچتی ہے تو اس کے نچلے حصے میں موجود اسٹیل کے ٹائر ریل ٹریک پر آ جاتے ہیں اور گاڑی ٹرین کی طرح کام کرنے لگتی ہے۔

ٹرین وہیل گاڑی کے اگلے ٹائر کو اوپر اٹھا کر رکھتے ہیں جبکہ پچھلے پہیے ڈی ایم وی کو ٹریک پر چلانے کے لیے نیچے ہی رہتے ہیں۔

ڈی ایم وی سروس چلانے والی کمپنی کے سی ای او نے دیہی علاقوں میں رہنے والے لوگوں کے لیے اس سروس کو لوکل ٹرانسپورٹ کا بہترین متبادل قرار دیتے ہوئے کہا کہ گاڑی ریل کی صورت میں 60 کلومیٹر فی گھنٹہ جبکہ روڈ پر 100 کلومیٹر فی گھنٹہ کی رفتار سے چلنے کی صلاحیت رکھتی ہے۔

مانیٹرنگ ڈیسک : دنیا کی اب تک کی انتہائی طاقتور خلائی دوربین جیمز ویب تاریخی مشن پر روانہ ہوگئی۔

جمیز ویب ٹیلی اسکوپ امریکی خلائی ادارے ناسا، یورپی خلائی ادارے اور کینیڈین اسپیس ایجنسی (سی ایس اے) کا 10 ارب ڈالرز کی لاگت کا مشترکہ منصوبہ ہے۔
انتہائی طاقتور خلائی دوربین کو پاکستان کے مقامی وقت کے مطابق 5 بجے جنوبی امریکی کی ساحلی پٹی پر واقع فرینچ گیانا سے آریان فائیو راکٹ کے ذریعے روانہ کیا گیا۔

جیمز ویب نے مدار کامیابی سے داخل ہونے کا سگنل پرواز کے آدھے گھنٹے بعد دیا اور یہ سگنل کینیا میں موجود گراؤنڈ انٹینے کے ذریعے دیا گیا۔
جیمز ویب ٹیلی اسکوپ کو زمین سے 15 لاکھ کلومیٹر دور خلا میں سورج کے گرد اپنا مدار بنائے گا۔

خلائی دوربین جیمز ویب کا منصوبہ 30 سال کے عرصے میں پایہ تکمیل تک پہنچا اور اسے رواں صدی کے بڑے سائنسی منصوبوں میں سے ایک قرار دیا گیا ہے۔
رپورٹس کے مطابق اگر سب کچھ ٹھیک رہا تو پرواز کے 3 دن میں سن شیلڈ کھل جائے گی اور پھر اگلے 5 روز میں یہ جگہ پر لاک ہونے اور کھلنے میں لگائے گا، اس کے بعد آلہ انعکاس کے مختلف حصے بھی کھلنا شروع ہوجائیں گے اور اپنے سفر کے تقریباً 12 ویں روز جیمز ویب کے تمام حصے فعال ہوجائیں گے۔

جمیز ویب اگلے 6 ماہ تک پیچیدہ مراحل سے گزرے گا۔

جمیز ویب کی نمایاں خصوصیات میں اس کا سب اہم حصہ 6.5 میٹر کے حجم کا سنہرہ آلہ انعکاس (Mirror) ہے جو کہ31 سال قبل بھیجے گئے ’ہبل‘ کے آلہ انعکاس سے 3 گنا بڑا ہے۔

جیمز ویب کائنات کے ان حصوں کو بھی دیکھنے کی کوشش کرے گی جو کہ اس سے قبل کبھی نہیں دیکھے جاسکے اور اس کا مقصد کائنات کے ابتدائی دنوں (تقریباً ساڑھے 13 ارب سال) پہلے روشن ہونے والے ستارے کی کھوج لگانا ہے۔

جیمز ویب کے کامیابی سے پوزیشن سنبھالنے کے بعد خلائی دوربین ہبل کا 31 سالہ دور اپنے اختتام کو پہنچ جائے گا۔