ایمزٹی وی(انٹرٹینمنٹ )پاکستانی گلوکار اور اداکار علی ظفر ایک سالانہ برطانوی سروے میں ایشیا کے سب سے پرکشش مردوں میں تیسرے نمبر پر آئے ہیں۔ ذرائع کے مطابق برطانوی اخبار میں 2015 کے پرکشش ایشیائی مردوں کے حوالے سے سروے ہوا، جس میں پاکستانی گلوکار علی ظفر تیسرے نمبر پر نظر آئے۔اس سروے میں لاکھوں کی تعداد میں ووٹ حاصل کرکے پہلی پوزیشن برطانوی بینڈ ون ڈائریکشن کے سابق پاکستانی نژاد گلوکار زین ملک نے حاصل کی جبکہ دوسرے پر بالی وڈ اداکار ریتھیک روشن رہے۔ زین ملک اس لسٹ میں سب سے کم عمر پرکشش مرد کے طور پر بھی سامنے آئے۔ٹاپ ٹین کی فہرست میں پاکستانی اداکار فواد خان، سلمان خان، شاہد کپور، شاہ رخ خان اور ہندوستانی ٹیلی ویژن اداکار گورمیت چوہدری شامل ہیں۔

ایمز ٹی وی (ایجوکیشن) جامعہ کراچی کے وائس چانسلرپروفیسر ڈاکٹر محمد قیصر نے کہا کہ عصر حاضر میں مریضوں کا تحفظ انتہائی ناگزیر ہے جس کے لئے ڈرگ ریگولیٹری ایکٹس پر عملدرآمد وقت کی اہم ضرورت ہے۔پاکستان کی تیار کردہ ادویات اور فارماسیوٹیکل پروڈکٹس 40 ممالک میں ایکسپورٹ کی جاتی ہیں جو لائق تحسین ہے ۔اس ضمن میں جامعہ کراچی میں ’’ڈرگ پروڈکٹ بائیوایکولینس لیب‘‘ کا قیام عمل میں لایا جاچکا ہے جس کے لئے رئیس کلیہ علم الادویہ اور فیکلٹی ممبرز کی کاوشیں لائق تحسین ہیں۔

ان خیالات کا اظہار انہوں نے جامعہ کراچی کے کلیہ علم الادویہ کے شعبہ فارما سیوٹیکس کے زیر اہتمام منعقدہ سیمینار سے خطاب کرتے ہوئے کیا۔ سیمینار کا انعقاد ڈاکٹر اے کیوں خان انسٹیٹوٹ آف بائیوٹیکنالوجی اینڈ جینیٹک انجینئرنگ کے جناح آڈیٹوریم میں کیا گیا تھا۔شیخ الجامعہ نے مزید کہا کہ جامعہ کراچی کے کلیہ علم الادویہ کو ان تمام شعبوں میں مزید جدید ٹیکنالوجی اور جدید امور اور سہولیات سے آراستہ کرنے کےلئے سنجیدہ کوششیں جاری ہیں جن میں کراچی یونیورسٹی کلینک میں40بستروں کی سہولت اور ڈرگ انفارمیشن سیل کا قیام شامل ہے۔

ایمز ٹی وی (ایجوکیشن) جاپان پاکستان کے ذہین اور مستحق طالب علموں کو اسکالر شپ اور سیلف فنانس اسکیم کے تحت اعلی تعلیم کے لیے جاپان بھجوانے کے لیے کراچی میں موجود جاپانی قونصلیٹ کراچی یونیورسٹی سمیت دیگر اہم یونیورسٹیوں کے ساتھ مل کر کام کرے گا ، اس بات کی مفاہمت گزشتہ روز جاپانی ڈپٹی قونصل جنرل یاسوہارو شنتو اور کراچی کی اہم یونیورسٹیوں کے وائس چانسلرز کے دوران ہونے والی ملاقات میں ہوئی جس میں کراچی یونیورسٹی کے وائس چانسلر ڈاکٹر محمد قیصر ، سندھ مدرستہ الاسلام کے وائس چانسلر ڈاکٹرمحمد علی شیخ ، خادم علی شاہ بخاری انسٹیٹیوٹ کے ڈائریکٹر پروفیسر رئیس علوی اور جناح یونیورسٹی فار وومن کے چانسلر وجیہ الدین احمد شامل تھے۔

اس موقع پر گفتگو کرتے ہوئے جاپانی ڈپٹی قونصل جنرل نے کہا کہ وہ چاہتے ہیں کہ پاکستان اور خصوصا کراچی کے زیادہ سے زیادہ طلبہ جاپان میں اعلی تعلیم حاصل کرکے پاکستان کی ترقی میں کردار ادا کریں اور اس کے لیے وہ کراچی کی اہم یونیورسٹیوں کے ساتھ ملکر ذہین اور مستحق طالب علموں کو جاپان بھجوانا چاہتے ہیں ، اس موقع پر کراچی یونیورسٹی کے وائس چانسلر ڈاکٹر محمد قیصر نے کہا کہ وہ جاپانی سفارتکار کے جذبے کو سراہتے ہیں اور ان کی اس کوشش میں کراچی یونیورسٹی بھرپور تعاون فراہم کرے گی اور اس مقصد کے لیے وہ ڈاکٹر خالد عراقی کو فوکل پرسن نامزد کرتے ہیں جو جاپانی قونصلیٹ کے ساتھ ملکرکام کریں گے ، اس موقع پر سندھ مدرستہ الاسلام کے وائس چانسلر ڈاکٹر محمد علی شیخ جناح یونیورسٹی فار وومن کے چانسلر وجیہ الدین احمد اور خادم علی شاہ یونیورسٹی کے وائس چانسلر پروفسیر رئیس علوی نے بھی جاپانی سفارتکار کو اپنے بھرپور تعاون کا یقین دلاتے ہوئے انہیں اپنی یونیورسٹیوں میں خصوصی لیکچر ز کی بھی دعوت دی تاکہ بچوں میں جاپان کے حوالے سے شعور پیدا ہوسکے ۔

ایمزٹی وی(ایجوکیشن)16 دسمبر 2014کو دہشتگردی کا نشانہ بننے والے آرمی پبلک اسکول میں رواں سال ریکارڈ توڑ داخلےجاری ہیں۔تفصیلات کے مطابق آرمی پبلک اسکول کی پرنسپل جونیئر سیکشن سائرہ داﺅد نے میڈیا سے گفتگو کرتے ہوئے کہا ہے کہ سانحہ پشاور کو والدین اور بچوں نے ہتھیار بنالیا ہے اور اس سال ریکارڈ توڑ اضافہ ہوا ہے اور اسکول انتظامیہ کو نشستوں کی کمی کے باوجود وقت سے پہلے داخلے بند کرنا پڑے اس حوالے سے ان کا مزید کہنا تھا کہ حوصلہ افزا بات یہ ہے کہ داخلہ لینے والوں میں زیادہ تر شہید بچوں کے چھوٹے بھائی بہن شامل ہیں۔اسکول میں داخلے کے حوالے سے ان کا کہنا تھا ہر کلاس میں30سے زیادہ طلبا نہیں ہوتے لیکن یہ تعداد اب 37 سے 40 کردی گئی ہے جبکہ سیکورٹی کے حوالے سے ان کا کہنا تھا کہ آرمی پبلک اسکول کی سیکورٹی میں بہتری لائی گئی ہے اور اسکول کا سارا نقشہ تبدیل کردیا گیا ہے۔ جدید اسپورٹس کمپلیکس اور یادگار شہداءبھی تعمیرکی گئی ہے