ایمزٹی وی(اسلام آباد) سندھ کے تیسرے بلدیاتی الیکشن کے لئے ایم کیو ایم، پی ٹی آئی اور جماعتِ اسلامی نے اپنے مظبوط امیدواروں کو میدان میں اتار دیا ہے۔تٖفصیلات کے مطابق سندھ کے تیسرے بلدیاتی الیشن میں کراچی میں ہونگے ۔کراچی میئر شپ کے حصول کے لئے تمام سیاسی جماعتوں کی نظریں مرکوز ہیں متحدہ قومی موومنٹ جانب سے سینئر رہنما وسیم اختر چیئرمین کی سیٹ کے لئے لڑیں گے جبکہ ریحان ہاشمی اور زریں مجید ڈپٹی میئر کے لئے نامزد ہیں دوسری جانب جماعت اسلامی کے رہنما امیر حافظ نعیم الرحمان کا نام چیئرمین کے لئے نامزد کیا گیا ہے جبکہ پی ٹی آئی علی زیدی کو میئرشپ کے لئے نامزد کیا ہے۔اس دوڑ میں پیپلز پارٹی کی جانب سے کراچی ڈویژن کے صدر نجمی عالم کو میئر کا امیدوار نامزد کیا جا سکتا ہے۔ دوسری طرف عوامی نیشنل پارٹی انتخابات میں تو بڑھ چڑھ کر حصہ لے رہی ہے تاہم اس کی جانب سے میئر کے لئے کوئی نام سامنے نہیں آ سکا ہے۔
ایمز ٹی وی (لاہور) چند دن پہلے لاہور کے سندر انڈسٹریل ایریا میں گرنے والی فیکٹری کا ریسکیو آپریشن بالآخر 131گھنٹے بعد مکمل کر لیا گیا ہے۔ ا س ریسکیو آپریشن کے بعد ملبے سے پینتالیس افراد کی لاشیں نکالی گئیں جبکہ 103افراد زندہ نکالے گئے۔فیکٹری سے بھاری مشینری سے سترہ ہزار پانچ سو ٹن ملبہ ہٹایا گیا ۔ یہ حادثہ چار نومبر کو پیش آیا تھا۔
ایمزٹی وی(اسلام آباد)ایوانِ بالا میں سینیڑ رحمان ملک کی تحریک پر گزشتہ روز بحث ہوئی جس میں مشیر خارجہ سرتاج عزیز نے ایوانِ بالا سے خطاب کرتے ہوئے کہا ہے کہ پاکستان کے خلاف بھارتی عزائم کو بے نقاب کیا جارہا ہے۔اس حوالے سے ان کا مزید کہنا تھا کہ 7 جون کو بھارتی وزیراعظم نریندر مودی نے ڈھاکہ میں پاکستان توڑنے کی بات کی تھی جو اقوامِ متحدہ کے چارٹر کے خلاف ورزی ہے .انہوں نے ایوان بالا کو یقین دلایا کہ انڈیا کےجارحانہ رویہ کوتمام سفارتی فورمز پر تواتر اور مؤثر انداز میں بے نقاب کیا جا رہا ہے۔اس کے علاوہ وزیر اعظم نے اقوام متحدہ کو بلوچستان اور فاٹا میں "را" کی مداخت کے ثبوت بھی دے چکے ہیں۔ ان کا مزید کہنا تھا کہ عالمی برادری نے نام نہاد سیکولر انڈیا میں اقلیتوں کے ساتھ برے سلوک کا نوٹس لیا ہے۔انڈیا میں مسلمانوں سمیت اقلیتوں کے ساتھ سلوک انسانیت کے خلاف جرم ہے۔ پاکستان کے سیکوریٹی کے حوالے سے ان کا کہناتھا کہ پاکستان کی مسلح افواج ملکی خودمختاری کا تحفظ کرنے کی مکمل صلاحیت رکھتی ہیں۔
ایمز ٹی وی (لاہور) لاہور کے علاقے برکی میں لوہا مارکیٹ کے قریب واقع آئل مارکیٹ میں آگ بھڑک اٹھی جو دیکھتے ہی دیکھتے پورے مارکیٹ میں پھیل گئی ۔ اس حاد ثہ کے باعث پانچ افراد جاں بحق جبکہ تین زخمی ہوگئے۔ زخمی افراد کو فوری طبی امداد کے لیئے قریبی اسپتال لے جایا گیا۔ جاں بحق ہونے والے پانچ افراد میں سے تین کی لاشیں شناخت کی جا چکی ہیں جبکہ دو لاشوں کی ابھی تک شناخت نہیں ہوئی۔ڈسٹرکٹ آفیسر ریسکیو کے مطابق آگ بوائلر کی ٹینکی پھٹنے کی وجہ سے لگی تھی۔
ایمز ٹی وی ( انٹرٹینمنٹ) بالی وڈکنگ شاہ رخ خان اور اداکارہ کاجول کی نئی آنے والی فلم ”دل والے“ کا پہلا ٹریلر جاری کر دیا گیا ہے۔یہ فلم مشہور فلمساز روہت شیٹھی نے بنائی ہے۔ٹریلر کے جاری ہوتے ہی کئی لوگوں نے اسے سوشل میڈیا پر دیکھا اور پسند کیا ہے۔ یہ فلم رواں سال 18دسمبر کو ریلیز ہوگی۔
ایمز ٹی وی (حیدرآباد )جامعہ سندھ جام شورو کی جانب سے ماسٹرز ڈگری پروگرام میں داخلے کے لیے پہلی عار ضی میرٹ لسٹ کے تحت داخلہ فیس جمع کرانے کی تاریخ میں 10 نومبر تک تو سیع کردی گئی ہے ،امیدوار جامعہ کی ویب سائٹ www.usindh.edu.pk پر جاکر اپنا رول نمبر داخل کرکے داخلے سے متعلق اپنی میرٹ اور دیگر تفصیلات دیکھ سکتے ہیں ۔
ایمز ٹی وی (کراچی ) جامعہ کرا چی کے ناظم امتحانات پروفیسر ڈاکٹر ارشد اعظمی کے اعلامیہ کے مطابق ،بی اے ،بی کام ریگولر اور بی ایس سی کے سالانہ امتحانات برائے 2015 ءکے لیے امتحانی فارم جمع کرانے کی تاریخ میں 19 نومبر 2015ء تک توسیع کردی گئی ہے ۔
ایمز ٹی وی (انٹرٹینمینٹ) جیمز بونڈ سیریز کی نئی فلم اسپیکٹر 007باکس آفس پر پہلے نمبر پر آگئی۔ ایکشن اور تھرل سے بھر پور فلم اسپیکٹر 007 نے اپنی ریلیز کے پہلے ہفتے میں ہی سات لاکھ تیس ہزار ڈالرز کمالیئے۔یہ فلم جیمز بانڈ سیریز کی چوبیسویں فلم ہے اور اس فلم میں جیمز بانڈ کا کردار مسلسل چوتھی دفعہ اداکار ڈینیئل کریگ نے نبھایا ہے۔
ایمزٹی وی(اسلام آباد) دبئی میں جاری ایئرشو میں پاکستانی طیاروں نے دھوم مچا دی ہے۔ تفصیلات کے مطابق دبئی ایئرشو میں پاکستانی پویلین، پاکستان ایروناٹیکل کمپلیس، کامرہ کی جانب سے لگایا گیا تھا۔ذرائع کے مطابق دبئی ایئر شو کا افتتاح دبئی کے حکمران اور وزیراعظم شیخ محمد بن راشد المکتوم نے کیا-اس موقع پر مختلف ممالک کی فضائی افواج کے سربراہان سمیت مختلف ممالک کے مندوبین کی کثیر تعداد بھی موجود تھی جبکہ پاکستان کی جانب سے ایئرشو میں شرکت کرنے والوں میں ایئر چیف مارشل اور پاکستان ایئرفورس کے چیف آف دی ایئر اسٹاف سہیل امان کے ساتھ وفاقی وزیر دفاع خواجہ محمد آصف اور وفاقی وزیر برائے دفاعی پیداوار رانا تنویر حسین بھی شامل تھے۔ دبئی میں جاری ایئرشو کے دوران پاکستانی پویلین کے دورے کے موقع پر میڈیا سے گفتگو میں ایئر چیف سہیل امان کا کہنا تھا کہ انسداد دہشت گردی کے کامیاب آپریشنز کے بعد پاکستان دہشت گردی کے جنگ میں ایک رول ماڈل کے طور پر سامنے آیا ہے.اس حوالے سے ان کا مزید کہنا تھا کہ دبئی ایئر شو میں پاکستان ایئرفورس کی شرکت پاکستان کے لیے اس حوالے سے فخر کی بات ہے کہ بہت سے ممالک بالخصوص اسلامی ممالک نے ہمارے جے ایف 17 ٹھنڈر طیاروں میں دلچسپی کا اظہار کیا.دوسری جانب ایئر چیف سہیل امان نے متحدہ عرب امارات فضائیہ اور ایئرڈیفنس کے کمانڈر ایئروائس مارشل ابراہیم نصیر احمد العلاوی سے ملاقات کی اور پیشہ وارانہ دلچسپی کے امور پر تبادلہ خیال کیا۔