ایمزٹی وی(اسلام آباد)وزارت پانی و بجلی کی طرف سے مسلسل دعوؤں کے باوجود نندی پور پاور پلانٹ اب تک اپنی پوری صلاحیت سے بجلی پیدا کرنے میں ناکام ہو گیا ہے۔وزارت پانی و بجلی منصوبے کی انتظامیہ کو ہٹانے کے باوجود پلانٹ کو پوری طرح آپریشنل نہیں کیاجاسکاجس سے اس پلانٹ پر بننے والی بجلی مزید مہنگی ہو رہی ہے واضح رہے وفاقی حکومت کی طرف سے ہٹائے گئے ایم ڈی نندی پور کیپٹن (رٹائرڈ) محمود نے بھی ان خدشات کا اظہار کیا تھا کہ منصوبہ اپنی صلاحیت کے مطابق بجلی پیدا کرنے کی پوزیشن میں نہیں جبکہ وفاقی وزیر پانی و بجلی خواجہ آصف نے بھی کہا ہے کہ نندی پور میں بحالی کے اقدامات کے باعث اس کی پیداواری صلاحیت کم ہو کر220 میگاواٹ پر آ گئی ہے۔ جبکہ دوسری جانب نیشنل الیکٹرک پاور ریگولیٹری اتھارٹی( نیپرا) نے بھی اس بارے میں اپنے خدشات کا اظہار کیا ہے کہ یہ پلانٹ جس قدر کم چلے گا اس سے بجلی پر اتنی ہی لاگت زیادہ آئے گی۔ ذرائع کا کہنا ہے کہ پچھلے ایک ہفتے کے دوران یہ منصوبہ صرف ایک دن اپنی پوری صلاحیت پر چل سکا جس کے بعد سے اب تک اس میں مسلسل فنی خرابیوں اور نقائص کے باعث پیداواری ہدف پورا نہیں ہو سکا۔

ایمزٹی وی(اسلام آباد) متحدہ قومی موومنٹ کے ارکانِ سینیٹ نے باظابطہ طور پر استعفےواپس لینے کافیصلہ کیا ہے ، جس کے بعد توقع ہے کہ وہ آج ایوان بالا کے سینٹ میں حصہ لیں گے۔گزشتہ روز ایم کیو ایم کےسینیٹر طاہر حسین مشھدی نے میڈیا سے گفتگو کرتے ہوئے بتایا کہ ان کےساتھی ارکان استعفی واپس لینے کیلئے آج سینیٹ سیکریٹریٹ میں جمع ہوں گے۔اس حوالے سے ان کا کہنا تھا کہ ایم کیو ایم سینیٹرآج ایوان بالا جبکہ ارکان قومی اسمبلی چھ نومبر سے شروع ہونے والے سیشن میں حصہ لیں گے۔واضح رہے ایم کیو ایم سینیٹرز اور ارکان قومی اسمبلی نے کراچی میں قانون نافذ کرنے والی ایجنسیوں کے ہاتھوں اپنے کارکنوں کے مبینہ ماورائے عدالت قتل اور’ لاپتہ‘ ہونے کے خلاف احتجاجاً استعفے دے دیے تھے۔

ایمز ٹی وی (کراچی )ٹریفک پولیس حکام نے ڈرائیونگ لا ئسنس نہ ہونے پرگرفتاری کے خوف کے شکار شہریوں کے لیے دو ہفتے میں ڈرائیونگ لائسنس بنوانے کیلئے نرمی کا اعلان کردیا ہے ،ڈی آئی جی ٹریفک نے کاراور مو ٹرسائیکل سواروں کو 15 دن میں ڈرائیونگ لائسنس بنوانے کی مہلت دیدی ہے ،

ایمزٹی وی (کراچی ) کراچی میں گاڑیاں چلانے والے اب ہوجائیں ہوشیار ،لائسنس نہ ہونے کی صورت میں اب جیل کی ہوا کھانی پڑے گی،ٹریفک پولیس اہلکار آج سے شہر بھر میں لائسنس کی تصدیق کے لیے کارروائی شروع کررہے ہیں ،گاڑیوں کے لائسنس کی جانچ پڑتال کے لیے ٹریفک پولیس اہلکاروں کو 600 سے زیادہ موبائل فون سمز فراہم کردی گئی ہیں ،موبائل سم سے ڈرائیونگ لائسنس کے اصل یا جعلی ہونے کی تصدیق ہوسکے گی،