ایمز ٹی وی( لاہور) آسکر ایوارڈ یافتہ فلم پروڈیوسر شرمین عبید چنائے کی ایک اور دستاویزی فلم ''سانگ آف لاہور'' اگلے ماہ تین نومبر کو امریکہ کے شہر نیویارک میں ،سان فرانسسکو میں چھ نومبر جبکہ لاس اینجلس میں نو نومبر کو ریلیز کی جائیگی۔یہ فلم پاکستانی موسیقی کی تاریخ پر بنائی گئی ہے جس میں 1970ءکی دہائی کے چند موسیقاروں کے انٹرویوز بھی شامل کیئے گئے ہیں ۔فلم کا موضوع لاہور میں بسنے والی ایک موسیقی کے فن سے منسلک برادری ہے جو کہ 1970ءمیں اپنے فن اور موسیقی کی وجہ سے مشہور تھی۔

ایمز ٹی وی (کراچی ) باڑے والوں نے اینجیکشن پر پابندی اور دودھ کی پابندی کا توڑ نکال لیا کراچی کے 50 فیصد باڑے والے دودھ میں پہلے سے زیادہ پانی ملانا شروع ہو گئے ،ڈیری فارم ذرائع کے مطابق اینجیکشن پر پابندی کے بعد دودھ کی پیداوارمیں30 فیصد تک کمی آئی ،جبکہ کم دودھ پر میڈل مین کا 1300 سو روپے فی من جرمانہ لے رہے ہیں ،یہی وجہ ہے کہ 50 سے55 فیصد باڑے والوں نے دودھ میں پہلے کی نسبت زیادہ پانی ملانا شروع کردیا ہے ۔

ایمز ٹی وی( انٹرٹینمنٹ) مشہور انٹرپرینور اور ایپل کمپنی کے سی ای او اسٹیو جابز پر بننے والی فلم''اسٹیو جابز '' باکس آفس پر کچھ خاص کمال نہ دکھا سکی۔اس فلم پر 30ملین ڈالرز لگائے گئے تھے لیکن اپنی ریلیز کے دو ہفتے بعد بھی یہ فلم صرف 9.98ملین ڈالرز کا ہی بزنس کر سکی۔یہ فلم گزشتہ ہفتے ساتویں نمبر پر رہی۔فلم کی کاسٹ میں کیٹ ونسلٹ ، مائیکل فیسبینڈر اور سیتھ روجن شامل ہیں۔ واضح رہے کہ 2011میں اسٹیو جابز کے انتقال کے بعد ان کی زندگی پر اب تک کئی فلمیں بن چکی ہیں۔

ایمز ٹی وی (انٹرنیشنل):ترکی میں پولیس کی کاروائیوں سے داعش سے تعلق رکھنے والے 7 افراد ہلاک جبکہ پولیس کے 2 افسران بھی شہید ہوئے۔ تفصیلات کے مطابق ترکی کے جنوب مشرقی شہر دیارِ بکر میں پولیس نے سرچ آپریشن کیا جس میں داعش کے 7 جنگجو ہلاک ہوئے اور پولیس کے دو افسران بھی شہید ہوۓ۔دہشت گردوں کے پاس سے اسلحہ اور بارودی مواد بھی برآمد ہوا جسے ناکارہ بنادیا گیا۔