گائے کا گوشت کھانے کے شبے میں انتہاپسندہندوؤں نے بے قصورمسلمان اخلاق کوتشدد کرکے قتل کردیا لیکن فرانزک رپورٹ کے مطابق گوشت گائے کا نہیں بکرے کا تھا تفصیلات کے مطابقبھارت میں مسلمانوں کوبے گناہی کی سزاجان دینے کی صورت میں بھگتنا پڑرہی ہے۔بھارت میں گائے کا گوشت کھانے کے شبے میں ہلاک کئے جانے والے مسلمان کے گھرسے ملنے والا گوشت گوشت گائے کا نہیں بلکہ بکرے کا تھا۔ جبکہ اسپتال میں زیر علاج محمداخلاق کے صاحبزادے دانش کی حالت اب خطرے سے باہر ہے۔ علاوہ ازیں مقبوضہ کشمیراسمبلی کے باہرگائے کے گوشت پرپابندی کیخلاف مظاہرہ کرنے والے بھی پولیس تشددکانشانہ بن گئے۔ رکن اسمبلی انجینئرراشد کواسمبلی کے اندربی جے پی ارکان کی غنڈہ گردی سہنی پڑی تو اسمبلی کے باہرپولیس کا لاٹھی چارج اورپھرگرفتاری بھی دینا پڑی۔ مودی سرکارکی دوغلی پالیسی کا واضح ثبوت ہے کہ ایک جانب گائے کے گوشت پرپابندی تودوسری جانب مودی سرکارکے پہلے ہی سال ڈالرکمانےکی خاطر گائے کے گوشت کی برآمد میں پندرہ فیصد سے بھی زیادہ اضافہ ہوا۔

ایمزٹی وی (انٹر نیشنل)غزہ میں دو سرحدی راستوں پر احتجاج کرنے والے فلسطینی شہریوں پر اسرائیلی فوجیوں نے گولیوں کی بوچھاڑ کر دی جس سے 7فلسطینی شہری شہید ہو گئے ہیں۔ تفصیلات کے مطابق دو سو سے زائد فلسطینی مقبوضہ بیت المقدس اور مغربی اردن کے فلسطینیوں سے اظہار یکجہتی کے لیے جمع ہو ئے تھے۔ قابض اسرائیلی فوج کی فائرنگ سے 80 فلسطینی زخمی بھی ہو گئے۔ فلسطینیوں اور اسرائیلیوں کے درمیان کشیدگی میں حالیہ دنوں میں اضافہ ہوا ہے جبکہ غزہ، خان یونس، بیت الخلیل اور رملہ میں اسرائیلی فوجیوں اور فلسطینیوں میں جھڑپوں کا سلسلہ جاری ہے۔

ایمزٹی وی(پشاور )پاکستان سمیت دنیا بھر میں آج ذہنی بیماری سے بچاؤ اور آگاہی کا دن منایا جارہاہے۔ پاکستان میں ذہنی امراض میں مبتلا مریضوں کے اعدادو شمار ہی موجود نہیں۔ ماہرین کا کہنا ہے کہ معاشرتی رویوں کی وجہ سے لوگ نفسیاتی علاج سے کتراتے ہیں۔ تفصیلات کے مطابق اعصابی تناؤ، چڑچڑا پن، اداسی، خوف، نیند نہ آنا۔ اگر آپ کو ایسی کوئی بھی شکایت ہے تو فوری ماہر نفسیات سے رجوع کریں ورنہ یہ بیماریاں آپ کو رفتہ رفتہ پاگل پن کی طرف لے جاسکتی ہیں۔ ماہرین کہتے ہیں کہ دنیا بھر میں ہر چوتھا شخص ذہنی الجھنوں کا شکار ہے۔ پریشان کن بات یہ بھی ہے کہ ملک میں نفسیاتی مریضوں کی تعداد میں تو اضافہ ہورہا ہے مگر علاج کرنے والوں کی تعداد کم ہوتی جارہی ہے۔ ماہرین نفسیات کا کہنا ہے کہ ذہنی بیماریوں کے پھیلاؤکی ایک وجہ معاشرتی رویے بھی ہیں جس کے لیے شعور بیدار کرنا وقت کی ضرورت ہے۔

ایمزٹی وی(اہور)لاہور اور اوکاڑہ میں بڑے مقابلے ہو رہے ہیں جس میں مسلم لیگ ن اور تحریک انصاف بڑھ چڑھ کر حصہ لے رہے ہیں اویں پاکستان پیپلز پارٹی کے چیئرمین آصف علی زرداری کا کہیں نام و نشان نہیں ہے۔تفصیلات کے مطابق لاہور کا حلقہ این اے 122 اوکاڑہ کا جلسہ این اے 144تمام سیاسی جماعتیں ضمنی انتخابات کے معرکے جیتنے کیلئے سر دھڑ کی بازی لگارہی ہیں۔ ایسے میں پیپلز پارٹی نے بھی اپنے جیالوں کو اکٹھا کیا اور ایک بڑا جلسہ کرڈالا جس میں پارٹی کی تقریباً تمام ہی اعلیٰ قیادت دکھائی دی لیکن شریک چیئرمین آصف علی زرداری خود جلسوں میں نہیں آئے تو جیالوں نے اس عمل کو سکیورٹی خدشات کے کھاتے میں ڈال دیا مگر جلسہ گاہ میں ان کی ایک بھی تصویر نظر نہیں آئی۔ تشویش کی بات ہے کہ آصف زرداری کی تصاویر کو جلسے میں کیوں آویزاں نہیں کیا گیا۔ کیا کوئی مائنس ون فارمولا چل رہا ہے اور اگر ہے تو پیپلز پارٹی مائنس آصف علی زرداری کا مطلب کیا ہوسکتا ہے۔ کارکن بھی پریشان ہیں کہ پارٹی کی باگ ڈور اور تیر کی کمان کس کے ہاتھ میں ہے؟