ایمز ٹی وی (گلگت) قراقرم یونیورسٹی کی تقریب سے خطاب کرتے ہوئےصدر مملکت ممنون حسین نے کہاہے کہ حکومت نے ملک سے دہشت گردی کا خاتمہ ہمارا عزم ہے اورشمالی وزیرستان میں آخری دہشت کے خاتمے تک ’ضرب عضب‘ جاری رہے گا۔ صدر ممنون حسین نے کہا کہ گلگت کے آئینی مستقبل کا فیصلہ بہت جلد عوام کی خواہشات کے مطابق ہوگا اور اس کی آئینی اداروں میں نمائندگی کا مسئلہ بھی جلد حل ہوجائے گا۔ انہوں نے کہا کہ ملک میں تعلیم کا فروغ حکومت کی ترجیحات میں شامل ہیں جبکہ حکومت ملک کو ترقی کی راہ پر گامزن کرنے کے لیے شب روز محنت کررہے ہیں اور پوری قوم خوشحالی کی راہ میں ڈالی جانے والی رکاوٹوں کے سامنے سیسہ پلائی دیوار بن جائے۔