ایمزٹی وی(اسلام آباد)صدر اسلامی جمہوریہ پاکستان ممنون حسین نے کہا ہے کہ سعودی عرب میں مقیم 2 ملین سے زائد پاکستانی حرمین الشریفین کے تحفظ کیلئے تیار ہیں اور اس مقصد کیلئے جان بھی حاضر ہے۔ پاکستان سعودی عرب کے ساتھ تعلقات کو خاصی اہمیت دیتا ہے ، دونوں ممالک خطے میں تجارت اور امن و امان کے فروغ کیلئے مشترکہ کوششیں جاری رکھیں گے۔
تفصیلات کے مطابق سعودی سفیر عبداللہ مرزوک نے صدر مملکت سے الوداعی ملاقات کی۔ ملاقات میں پاکستان اور سعودی عرب کے تعلقات میں نمایاں کردار ادا کرنے پر صدر مملکت نے سعودی سفیر کی کوششوں کو سراہا ہے اور کہا کہ دونوں ملکوں میں تجارتی حجم میں مزید اضافہ وقت کی اہم ضرورت ہے۔
سعودی سفیر نے پاکستان کے قیام کے دوران صدر مملکت اور حکومت پاکستان کی جانب سے تعاون پر ان کا شکریہ ادا کیا اور کہا کہ وہ آئندہ بھی دونوں ممالک کے بہتر تعلقات کیلئے اپنی کوششیں جاری رکھیں گے۔