Print this page

پی ایم سی نےکووڈ19سےمتاثرہ امیدواروں کےلئےنئی پالیسی جاری کردی

اسلام آباد: پاکستان میڈیکل کمیشن نے کووڈ سے متاثرہ طلبا وطالبات کے لئے نئی پالیسی جاری کردی ۔

پی ایم سی نے جاری پالیسی میں کہا ہے کہاگرچہ ایم ڈی کیٹ ٹیسٹ میں شریک ہونےوالے ایسےامیدوار جن کی کووڈ ٹیسٹ مثبت آیا ہواور10روز کے اندرکوئی ٹیسٹ دوران شیڈول ہوتووہ اسے اسکپ کرسکتے ہیں۔ ایسی صورت میں کووڈسے متاثرہ امیدوار کو کووڈ 19کی ٹیسٹ رپورٹ جمع کرانا لازمی ہوگی۔

یادرہےکووڈ ٹیسٹ رپورٹ این سی او سی اور این آئی ایچ سے منظور شدہ لیبارٹریز سے ہونا ضروری اورقابل قبول ہوگا۔ مختلف صوبوں میں رہنے والے امیدوار متعلقہ لیبارٹری سے ٹیسٹ کروائیں۔

کووڈ19کی رپورٹ پی ایم سی اپنے لیبارٹری سے چانچ پڑتال کروائے گی دستاویزات جعلی ہونے کی صورت میں رجسٹریشن منسوخ کردی جائے گی۔امیدوار کولیبارٹری کی مہرشدہ اپنی کووڈ19کی مثبت رپورٹ کا پرنٹ آئوٹ لانا ہوگا ۔

ان امیدواروں کا امتحان سلاٹ خالی ہونے کی صورت میں لیا جائے گا بصورت دیگر ایم ڈی کیٹ ٹیسٹ کی آخری تاریخ کے بعد انکا خصوصی امتحان لیا جائے گا۔

پرنٹ یا ایمیل کریں