ایمزٹی وی(اسلام آباد) وزیر اعظم نواز شریف کا کہنا ہے کہ بلوچستان میں امن قائم ہوچکا ہے اور آج کا بلوچستان 10 سال پہلے سے کہیں زیادہ بہتر ہے۔ اسلام آباد میں مستونگ کیڈٹ کالج کے طلبا سے ملاقات کے دوران وزیر اعظم نوازشریف کا کہنا تھا کہ بلوچستان پاکستان کا انتہائی اہم صوبہ ہے، جہاں تمام جماعتیں مل کرحکومتی امورچلا رہی ہیں۔اس حوالے سے وزیراعظم نے مزید کہا کہ بلوچستان میں ترقیاتی عمل کو تیز کرنا چاہتے ہیں جس سے ترقی کےعمل سےحالات مزید بہترہوں گے، اس لئے بلوچستان کی ترقی کے لئے تمام وسائل استعمال کئے جارہےہیں۔ گوادر سے خیبرپختونخواتک شاہراہیں تعمیر ہورہی ہیں، شاہراہوں کی تعمیرسےفاصلےکم ہوں گےاورلوگ قریب آئیں گے۔ پاکستان کے طلبا کا مستقبل انتہائی روشن ہے، بلوچستان میں میڈیکل کالجز اور یونیورسٹیز سمیت دیگر اچھے تعلیمی ادارے بھی بننے چاہئیں۔