Print this page

چمڑےکےگودام میں آگ بھڑک اٹھی

لاہور:  لاہور ميں موچی گیٹ کے قریب رات گئے چمڑے کے گودام میں آگ بھڑک اٹھی جس کی وجہ سے دم گھٹنے کے باعث 4 مزدور جاں بحق ہوگئے۔

دھوئيں کے باعث گودام میں موجود 22 افراد متاثر ہوئے جنہیں میواسپتال  لاہور منتقل کیا گیا تاہم 4 افراد دوران علاج چل بسے۔ جاں بحق ہونے والوں میں عبدالمالک ، عبدالودود ، داد خدا اورفيروزخان شامل ہيں

ابتدائی رپورٹ کے مطابق شارٹ سرکٹ سے چنگاری بھڑکی اور گودام کو اپنی لپیٹ میں لے لیا۔

فائربريگيڈ کی 5 گاڑيوں نے2 گھنٹے بعدآگ پر قابو پايا۔ريسکيوکے مطابق چاروں افراد مزدورہيں جو اسی عمارت کی بالائی منزل پرقيام پذيرتھے۔آگ سے گودام ميں موجود لاکھوں روپے ماليت کا سامان بھی جل کرخاکستر ہوگيا-واقعے کی مزید تحقیقات کی جارہی ہیں ۔

 

پرنٹ یا ایمیل کریں