لاہور: پاکستان سپرلیگ کےمیچز لاہور اورپنڈی سے کراچی منتقل کرنےکے معاملے پر پی سی بی اورنگران حکومت کےنمائندے آج معاملات طےکریں گے۔
تفصیلات کے مطابق پاکستان سپرلیگ کےمیچز لاہور اورپنڈی منعقد کرانے پر پنجاب کی نگران حکومت اورپی سی بی کے درمیان ڈیڈ لاک آج ختم ہوجائے گا۔
نگران حکومت کے ایک وزیر نے میڈیاذرائع کے رابطے کرنے پر تصدیق کی ہے کہ پی ایس ایل میچز لاہور اور پنڈی سے کراچی شفٹ نہیں ہوں گے ۔
ذرائع کےمطابق پنجاب کی نگران حکومت نے لائٹس، سکیورٹی اور دوسرے معاملات پر لچک دکھانے کا فیصلہ کیاہے، بلز کی ادائیگی میں ساٹھ فی صد خرچ پنجاب حکومت برداشت کرے گی جبکہ چالیس فیصد رقم پی سی بی ادا کرے گا۔
اس معاملےمیں پی سی بی اورنگران حکومت کےنمائندے آج معاملات طےکرلیں گے۔ نگران پنجاب حکومت کی جانب سے سکیورٹی،لائٹس اور دوسرے اخراجات کی مد میں پنتالیس کروڑ روپے کے بلز کی ادائیگی پی سی بی نے کرنے سے صاف انکار کردیاہے۔
لاہور میں میچز کا آغاز چھبیس فروری سے ہورہاہے جبکہ پنڈی یکم مارچ سے پی ایس ایل میچز کی میزبانی کرے گا۔