ایمز ٹی وی(کراچی) پاکستان تحریک انصاف کے چیئرمین عمران خان نے کہا ہے کہ کرپشن ملک کو دیمک کی طرح کھا گئی ہے

اور قوم غریب ہو رہی ہے۔ پانامہ لیکس پر مستقبل کی جنگ لڑ رہے ہیں اور اس ون پوائنٹ ایجنڈے پر کسی کیساتھ بھی اکٹھے ہو سکتے ہیں۔ مولانا فضل الرحمان کی موجودگی میں یہودیوں کی سازش کی کیا ضرورت؟ ان کا نعرہ ہے کہ رقم بڑھاﺅ نواز شریف! ہم تمہارے ساتھ ہیں۔

کراچی میں صحافیوں سے گفتگو کرتے ہوئے عمران خان نے کہا کہ کرپشن کے باعث قوم غریب ہو رہی ہے اور کرپٹ لوگ اپنے لئے پیسہ بنانے میں ملک کو تباہ کر دیتے ہیں ۔ بلیک منی وائٹ کرنے کیلئے 1992ءمیں اکنامک ریفارمز کی گئیں اور اس دوران حکومت کےساتھ دیگر کرپٹ لوگوں نے بھی فائدہ اٹھایا۔ اب بھی کرپشن کے بڑے مگرمچھوں کو بچایا جا رہا ہے لیکن اگر نیب کو ٹھیک کیا جائے تو یہ خود پکڑے جائیں گے ۔ پنجاب میں مغل اعظم بیٹھے ہیں جو کسی پر بھی ہاتھ رکھ دیتے ہیں ۔ کرپشن اور چوری رک گئی تو پیسہ عوام پر خرچ ہو گا۔

انہوں نے کہا کہ پانامہ لیکس ون پوائنٹ ایجنڈے پر کسی سے بھی اکٹھے ہو سکتے ہیں ، آصف زرداری اور نواز شریف نے بہت باریاں لے لی ہیں جبکہ مولانا فضل الرحمان کا بھی یہی نعرہ ہے کہ رقم بڑھاﺅ نواز شریف! ہم تمہارے ساتھ ہیں۔ آئندہ انتخابات میں بھرپور تیاری کیساتھ جائیں گے