ایمز ٹی وی (کراچی)سندھ حکومت کے تحت سہہ فریقی کے دو روزہ " بین الاقوامی لیبر کانفرنس" کراچی میں 24اور 25جنوری کو ہوگی۔ اس کا افتتاح وزیر اعلی سندھ سید مراد علی شاہ کریں گے۔جبکہ اختتامی سیشن کے مہمان خصوصی چیرمین سینٹ رضا ربانی کریں گے۔کانفرنس مین چاروں صوبائی وزیر اعلی،دیگر وزراء انٹرنیشنل لیبر آرگنائزیشن کے کنٹری مینیجر و اعلی عہدیدار ,یونیسف، یو این ڈی پی،ورلڈ بینک کے عہدیدار،این جی اوز،محکمہ سندھ کے ماتحت ا داروں کے سربراہ اور دیگر اہم شخصیات شرکت کریں گے۔محکمہ محنت کے مختلف کے اداروں کے تحت لیبر انسپکشن کے طریقہ کار،سندھ سوشل سیکیورٹی کے تحت محنت کشوں اور ان کے ورثاء کو حاصل فوائد کے ساتھ ساتھ مختلف لیبر پیکجز کا جائزہ لیا جائے گا اور سفارشات مرتب کی جا یں گی۔