ایمز ٹی وی (اوچ شریف) کراچی سے مانسہرہ جانے والی تیز رفتارمسافربس قومی شاہراہ پر پُل بھلکا کے قریب موڑ کاٹتے ہوئے الٹ گئی۔ حادثے میں پانچ افراد موقع پرہی جاں بحق اور 30سے زائد زخمی ہوئے تھے ۔ جبکہ بس حادثے کا شکار ایک اورزخمی چل بسا ،جس کے بعد جاں بحق افرادکی تعداد10 ہوگئی۔ زخمیوں کو قریبی اسپتالوں ترنڈہ محمد پناہ ، چنی گوٹھ اور اوچ شریف منتقل کیاگیاتھا۔ جہاں مزید 5 افراد زخموں کی تاب نہ لاتے ہوئے چل بسے۔ شدید زخمیوں کو بہاول وکٹوریہ اسپتال بہاولپور منتقل کر دیا گیا ہے۔ بس میں سوار بیشتر مسافرمانسہرہ اور ارد گرد کے علاقوں میں اپنے گھروں میں عید منانے جارہے تھے۔