ایمز ٹی وی(کراچی) آئی جی سندھ اے ڈی خواجہ نے کہا ہے کہ اویس شاہ کے اغوا کا کیس ہائی پروفائل کیس ہے، اس لئے ان کی بازیابی کیلئے حساس اداروں سے مدد مانگ لی ہے۔ کراچی میں پریس کانفرنس کے دوران آئی جی سندھ نے کہا کہ چیف جسٹس سندھ ہائی کورٹ کے صاحبزادے اویس شاہ کو سہہ پہر

ڈھائی بجے شہر کے ایک گنجان علاقے سے اغوا کیا گیا، لیکن کسی شہری نے پولیس کو واقعے کی اطلاع نہ دی، ان کے لاپتہ ہونے کی اطلاع پولیس کو رات 9 بج کر 10 منٹ پر ان ہی کے اہل خانہ سے ملی، جبکہ اہل خانہ کو ساڑھے 8 بجے گمشدگی کی اطلاع مل گئی تھی۔ اللہ ڈنو خواجہ کا کہنا تھا کہ اویس شاہ کا اغوا ایک ہائی پروفائل کیس ہے، ان کے اغوا کے پیچھے تمام عناصر کو ہر پہلو سے دیکھ رہے ہیں، ہم نے اس گتھی کو سلجھا دیا گیا ہے کہ اویس شاہ گم نہیں بلکہ اغوا ہوئے ہیں، لیکن یہ کیس اغوا برائے تاوان کا بھی نہیں ہے، کیونکہ اب تک اویس شاہ کے اغوا کے حوالے سے کوئی کال یا پیغام موصول نہیں ہوا، ہمارے بلوچستان اور پنجاب پولیس سے بھی رابطے میں ہیں، جبکہ فوج اور قانون نافذ کرنے والے دیگر اداروں سے بھی مدد مانگی گئی ہے