ایمزٹی وی(اسپورٹس)بھارت میں جاری ورلڈ بلائنڈ ٹی 20کپ میں پاکستانی ٹیم نے آسٹریلیا کے سامنےرنز کا پہاڑ کھڑا کر دیا ۔
میڈیا رپورٹس کے مطابق قومی بلائنڈ کرکٹ ٹیم نے ورلڈ ٹی 20کپ کے اپنے آخری لیگ میچ میں آسٹریلیا کو جیتنے کیلئے 322رنز کا ہدف دیدیا ہے ۔
قومی ٹیم نے پہلے کھیلتے ہوئے مقررہ 20اوورز میں 321رنز بنائے ۔
یاد رہے پاکستان کی بلائنڈ کرکٹ ٹیم اب تک ٹورنامنٹ کے تمام 8میچز میں فاتح رہی ہے ۔
قومی ٹیم نے میزبان بھارت ، انگلینڈ ، سری لنکا ، جنوبی افریقہ ، نیپال اور ویسٹ انڈیز سمیت 8ٹیموں کو بڑ ے مارجن سے شکست دی ہے ۔ قومی ٹیم پہلے ہی سیمی فائنل کیلئے کوالیفائی کر چکی ہے ۔