ایمزٹی وی (بزنس) ناروے سے تعلق رکھنے والی الیگزینڈرا اینڈریسن نے صرف انیس برس کی عمر میں ارب پتی خاتون ہونے کا اعزاز حاصل کرلیا۔ تفصیلات کے مطابق فوربز میگزین کی جانب سے امیر ترین افراد کی فہرست میں جہاں گزشتہ برس کی نسبت کچھ نام کم کیے گئے وہیں کچھ اضافے بھی ہوئے ہیں جن میں ایک نام الیگزینڈرا اینڈریسن کا ہے رپورٹ کے مطابق وہ ایک اعشاریہ دو بلین کی دولت کی مالکہ ہیں۔ یہ دولت انہیں ان کے والد جان ایف اینڈریسن سے ملی ہے۔ انیس سالہ الیگزنڈرا اینڈریسن ان دنوں جرمنی میں مقیم ہیں اور وہ گھوڑوں کی ٹرینر ہیں۔