ایمزٹی وی(تعلیم)جامعہ کراچی کے مشیر امور طلبا پروفیسر ڈاکٹر سید انصر رضوی کے اعلامیہ کے مطابق جمعہ12 اگست2016 ء کی صبح 10بجے جشن آزادی واک منعقدکی جارہی ہے ۔جس میں مسجل، روسائے کلیہ جات،تمام اداروں کے ناظمین، صدور شعبہ جات ، اساتذہ، طلباوطالبات اورغیر تدریسی ملازمین شرکت کرینگے ۔

مذکورہ واک شیخ الجامعہ ،پروفیسر ڈاکٹرمحمد قیصرکی قیادت میں آزادی چوک سے شروع ہوکر ایڈمنسٹریشن بلاک پرختم ہوگی۔اس موقع پر شیخ الجامعہ پروفیسر ڈاکٹر محمد قیصرپرچم کشائی اورخطاب بھی کرینگے ۔بعد ازاں جشن آزادی کی مناسبت سے ملک کی ترقی وخوشحالی کے لئے دعا کی جائے گی۔