یمزٹی وی(تعلیم/ کراچی) اعلیٰ ثانوی تعلیمی بورڈ کراچی کے ناظم امتحانات محمد عمران خان چشتی نے اعلان کیا ہے کہ انٹرمیڈیٹ سال اول کامرس ریگولر کے سالانہ امتحانات برائے 2016ء کے اسکروٹنی فارم متعلقہ سیکشن سے ضروری تصدیق کے بعد بروز بدھ 28دسمبر 2016ء سے 27 جنوری 2017ء تک انٹربورڈ میں واقع بینک برانچ میں جمع کرائے جاسکتے ہیں

تاریخ گزرنے کے بعد اسکروٹنی فارم قابل قبول نہیں ہوںگے۔ محمد عمران خان چشتی نے مزید بتایا کہ کامرس ریگولر گروپ کی مارکس شیٹ کالجوں کو روانہ کردی گئی ہیں طلباء اپنے کالجوں سے اپنی مارکس شیٹ حاصل کرسکتے ہیں