ایمز ٹی وی ( تعلیم /لاہور) لاہور کالج فار ویمن یونیورسٹی نے ریسرچ کے فروغ کیلئے پی ایچ ڈی کی فیس میں کمی کا اعلان کر دیا
ڈین اور ہیڈ آف ڈیپارٹمنٹ کے اجلاس سے خطاب کرتے ہوئے وائس چانسلرڈاکٹر رخسانہ کوثر نے کہا کہ پی ایچ ڈی کی فیسوں میں کمی کا ایجنڈا نئے داخلوں سے پہلے سنڈیکیٹ سے منظور کرا لیا جائے گا۔
وائس چانسلرنے پی ایچ ڈی سکالرز کیلئے یونیورسٹی اسکالر شپ کی رقم بڑھانے اور حکومت پنجاب کے پیف سمیت دیگر اداروں سے ملنے والے اسکالر شپ کے حصول اور ان کی منصفانہ تقسیم کو یقینی بنانے کے لیے اقدامات کی ہدایات کر دیں۔