ھفتہ, 31 اکتوبر 2020


ٹیکنیکل بورڈ کے سیکرٹری ذوالفقار علی نے عہدہ چھوڑ دیا

سندھ بورڈ آف ٹیکنیکل ایجوکیشن کے سیکرٹری میجر (ر) ذوالفقار علی نے اپنا عہدہ چھوڑ دیا ہے، جمعہ کو چیئرمین بورڈ ڈاکٹر مسرور شیخ کی جانب سے جاری مراسلے میں کہا گیا ہے کہ واٹس ایپ پر سیکرٹری میجر (ر) ذوالفقار علی کا چارج چھوڑنے کا پیغام موصول ہوا جس کے بعد بورڈ کے ڈپٹی سیکرٹری ون ندیم سلہری کو سیکرٹری کے عہدے کا اضافی چارج دے دیا گیا ہے، وہ روزانہ کی بنیاد پر سیکرٹری کی ذمہ داریاں ادا کریں گے۔

واضح رہے کہ سندھ ہائی کورٹ نے سندھ کے تعلیمی بورڈز میں محکمہ بورڈز و جامعات کی جانب سے مقرر کئے گئے سیکرٹریز اور ناظم امتحانات کی تقرریوں کو کالعدم قرار دے دیا تھا مگر اس کے باوجود بھی سندھ بورڈ آف ٹیکنیکل ایجوکیشن کے سیکرٹری میجر (ر) ذوالفقار علی نے اپنا عہدہ نہیں چھوڑا تھا اور کام جاری رکھا ہوا تھا۔

 

 

پرنٹ یا ایمیل کریں

Leave a comment